އީރާންގެ އައު ލީޑަރު ކަނޑައަޅަން ޖެހޭނީ އެ ޤައުމުގެ އެތެރެއިން: ޓްރަމްޕް

އީރާނުގެ އައު ރޫހާނީ ލީޑަރަކު ކަނޑަޅަން ޖެހޭނީ އެ ޤައުމުގެ އެތެރިން ކަމަށާއި، އައު ލީޑަރަކީ އެ ޤައުމުގެ ތެރެއިން ނިކުންނަ ބޭފުޅަކަށް ވާންޖެހޭނެ ކަމަަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.

ޖަރުމަނުގެ ޗާންސެލަރާ އެކު އަންގާރަ ދުވަހު ވައިޓް ހައުސްގައި ވާހަކަ ދައްކަމުން ޓްރަމްޕް ވިދާޅުވީ އީރާނުގެ ތެރެއިން ލީޑަރަކު ކަނޑައެޅުމަކީ އެންމެ އެކަށޭނަ ގޮތް ކަމަށެވެ.

މިއީ އީރާނުގެ ލީޑަރެއްގެ ގޮތުގައި ރެޒާ ޕަހްލަވީ ހުންނެވުމާ ގުޅޭ ގޮތުން ސުވާލު ކުރުމުން ޓްރަމްޕް ދެއްވި ބަޔާނުގައި ވިދާޅުވި ވާހަކަ އެކެވެ.

އީރާނަށް ދިން ހަމަލާ ތަކުގެ ނަތީޖާ އަކީ، އައު ލީޑަރެއް ކަނޑއެޅުމުގެ ފުރުސަތު އެ ޤައުމަށް އޮތުން ކަމަށް ވެސް ޓަރްމްޕް ވިދާޅުވި އެވެ. 

އީރާނަށް ދިން ހަމަލާތަކުގެ ނުބައި ނަތީޖާއަކަށް ވެދާނީ މަރުވި ސުޕްރީމް ލީޑަރު އަލީ ހާމަނާއީ ފަދަ ލީޑަރަކު އަލުން އީރާނަށް ލިބުން ކަމަށެވެ. ހާމަނާއީ މަރުވީ ހޮނިހިރު ދުވަހު އެމެރިކާއާއި އިޒްރޭލުން އީރާނަށް ދިން ހަމަލާތަކުގައެވެ. އެއާ އެކު ޓްރަމަޕް ވިދާޅުވީ އެމެރިކާ އިން ބޭނުންވި ގިނަ މީހުން މަރުވެފައިވާ ކަމަށެވެ. 

އެމެެރިކާ އާއި އިޒްރޭލުން އީރާނަށް ހަމަލާ ދިީ، އޭގެ ކުރިން އީރާނުން ހަމަލާ ތަކެއް ދޭން އުޅެފައި ވަނިކޮށް ކަމަށް ފާހަގަ ކުރައްވައި ޓްރަމްޕް ވިދާޅުވީ، އީރާނަށް ހަމަލާ ދިނުމަށް އިޒްރޭލަށް ބާރު އެޅީ އޭނާ ކަމަށް ވެސް ވެދާނެ ކަމަށެވެ.

ކުއްލި ގޮތެއްގައި އިޒްރޭލާާއި އެމެރިކާ އިން ދޭން ފެށި ހަމަލާ ތަކުގައި އީރާންގެ ރޫހާނީ ލީޑަރުގެ އިތުރުން، އެހެން އިސްވެރިން ވެސް އަވަހާރަ ކޮށްލާފައިވެ އެވެ.