އެއްވެސް ބޭރު ގައުމެއްގައި ވޯޓު ފޮށްޓެއް ނުބަހައްޓަން ނިންމައި، ރީ-ރަޖިސްޓްރީ ވާން ފުރުސަތު ދީފި
އަލުން ރަޖިސްޓްރީވުމަށް ދީފައިވާ މުއްދަތަކީ ފެބްރުވަރީ 25 ވާ ބުރާސްފަތި ދުވަހުގެ މެންދުރު ފަހު 1:30 ގެ ނިޔަލަށް. މި އިންތިހާބުތަކުގައި މީގެ ކުރިން އިންތިހާބުތަކުގައި ވޯޓު ފޮށި އާއްމުކޮށް ބަހައްޓާ ބައެއް ތަންތަންތަނުގައި، ވޯޓު ފޮށި ނުބަހައްޓާ ކަން ފާހަގަކުރެވޭ. އޭގެ ތެރޭގައި ގިނަ އަދަދެއްގެ ދިވެހިން މަސައްކަތްކުރާ ބައެއް ރިސޯޓު ތަކާއި، ދިވެހީން ގިނަ އަދަދަކަށް ދިރިއުޅޭ މެލޭޝިއާ އާއި، ސްރީލަންކާ ހިމެނޭ.
ލޯކަލް ކައުންސިލް އަދި ޑަބްލިއުޑީސީ އިންތިހާބު 2021، ދަރުމަވަންތަ ސްކޫލް | ރާއްޖެއެމްވީ
ވޯޓުގެ ސިއްރުކަން ގެއްލޭ މީހުންނާއި ސިނާއީ ރަށްތަކާއި ރާއްޖެއިން ބޭރުގައި ވޯޓުލާން ރަޖިސްޓްރީ ކުރި މީހުންނަށް އަލުން ރަޖިސްޓްރީ ވުމުގެ ފުރުސަތު، އިލެކްޝަންސް ކޮމިޝަނުން ހުޅުވާލައިފި އެވެ.
އިލެކްޝަންސް ކޮމިޝަނުން އަންގާރަ ދުވަހު ވަކިވަކިން ކުރި ދެ އިއުލާނުގައި ވަނީ ވޯޓުފޮށި ނުބަހައްޓަން ނިންމި ތަންތަން އާއްމުކޮށްފަ އެވެ. އެގޮތުން އަށާވީސް ރިސޯޓެއް، ހުޅުލެ، ތިލަފުށި އަދި ގދ. ކާޑެއްދޫ، މެލޭޝިޔާ އަދި ސްރީލަންކާ ގައި ވޯޓުފޮށި ނުބަހައްޓަން އީސީ އިން ވަނީ ނިންމައިފަ އެވެ.
އީސީ އިން ބުނީ މި ނިންމުން ނިންމީ އެ ތަންތަނުގައި ވޯޓުލާން އެކަށީގެންވާ އަދަދަކަށް މީހުން ރަޖިސްޓްރީވި ވެފައި ނުވާތީ ކަމަށެވެ.
ނަމަވެސް އެ ތަންތަނަށް ރަޖިސްޓްރީވެފައި ތިބި މީހުންނަށް އަލުން ރަޖިސްޓްރީވާން އީސީ އިން މިހާރު ވަނީ ހުޅުވާލާފަ އެވެ. އަލުން ރަޖިސްޓްރީވުމަށް ދީފައިވާ މުއްދަތަކީ ފެބްރުވަރީ 25 ވާ ބުރާސްފަތި ދުވަހުގެ މެންދުރު ފަހު 1:30 ގެ ނިޔަލަށެވެ.
އޭގެ އިތުރުން ވޯޓުގެ ސިއްރުކަން ގެއްލޭ މީހުންގެ މައުލޫމާތު އާއްމުކޮށް، ރީ-ރަޖިސްޓްރީވާން އެ މީހުންނަށް ވެސް ވަނީ ފުރުސަތު ދީފަ އެވެ. އެ މީހުންނަށް ވެސް އަލުން ރަޖިސްޓްރީވާން ބުރާސްފަތި ދުވަހުގެ މެންދުރުފަހު 1:30 އާ ހަމައަށް ފުރުސަތު ދީފައިވާ ކަމަށް އީސީ އިން ބުންޏެވެ.
މި އިންތިހާބުތަކަކީ އަންނަ އޭޕްރީލް މަހުގެ ހަތަރުވަނަ ދުވަހު ބާއްވާ މުހިންމު އިންތިހާބުތަކެ ކެވެ. ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބާ އެކު، ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމާ ގުޅޭ ހިޔާލު ހޯދުމުގެ ވޯޓު ވެސް އެ ދުވަހު ބާއްވާނެ އެވެ.
މި އިންތިހާބަށް ރީ-ރަޖިސްޓްރީ ކުރުމުގެ މުއްދަތު މިދިޔަ އާދިއްތަ ދުވަހު ހަމަވިއިރު ފޯމު ހުށަހެޅީ 25،454 (ފަންސަވީސް ހާސް ހަތަރުސަތޭކަ ފަންސާސް ހަތަރު) މީހުންނެވެ. މި އިންތިހާބުތަކުގައި މީގެ ކުރިން އިންތިހާބުތަކުގައި ވޯޓު ފޮށި އާއްމުކޮށް ބަހައްޓާ ބައެއް ތަންތަންތަނުގައި، ވޯޓު ފޮށި ނުބަހައްޓާ ކަން ފާހަގަކުރެވެ އެވެ. އޭގެ ތެރޭގައި ގިނަ އަދަދެއްގެ ދިވެހިން މަސައްކަތްކުރާ ބައެއް ރިސޯޓު ތަކާއި، ދިވެހީން ގިނަ އަދަދަކަށް ދިރިއުޅޭ މެލޭޝިއާ އަދި ސްރީލަންކާ ހިމެނެ އެވެ.
