ޤައުމަށް ހެޔޮ ބަދަލެއް ގެންނަން އެދޭ މީހާ، އެންމެ ފުރަތަމަ އެ ބަދަލެއްގެ ޢަމަލީ ނަމޫނާއަކަށް ވާންޖެހޭ: ރައީސް
17 ފެބުރުއަރީ 2026 | އަންގާރަ 19:32ރާއްޖޭގެ އަމާންކަމާއި ދިވެހީންގެ ގަދަރު މަތިވެރިކުރުމަށްޓަކައި، މި ބަރަކާތްތެރި މައްސަރަކީ ވަގުތަށް ކަމޭހިތުމާއި ހެޔޮ އަމަލުތައް އިތުރުކޮށް، ނަފްސު އިސްލާހުކުރުމަށް ލިބޭ ރަނގަޅު ފުރުސަތެއްކަން ފާހަގަކުރެއްވި. އެހެންކަމުން، ދުނިޔެއާއި އާޚިރަތުގެ ބާއްޖަވެރިކަމަށްޓަކައި ޚުލްގުހެޔޮ، ނަމާދަށް ފަރުވާތެރިވާ މުޖުތަމައެއް ބިނާކުރުމަށް ރައީސް ވަނީ އިލްތިމާސްކުރައްވާފަ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒު | ރައީސް އޮފީސް
މުޖުތަމަޢަކަށް ނުވަތަ ޤައުމަކަށް އިޞްލާޙެއް، ހެޔޮ ބަދަލެއް ގެންނަން އެދޭ މީހާ، އެންމެ ފުރަތަމަ އެ ބަދަލެއްގެ ޢަމަލީ ނަމޫނާއަކަށް ވާނެޖެހޭ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެ އެވެ.
މާދަމާ ފަށާ މިއަހަރުގެ ރަމަޟާން މަހުގެ ތަހުނިޔާ ފޮނުއްވައި ދެއްވި ޚިޠާބުގައި ރައީސް ވިދާޅުވީ، މުޖުތަމައުކަށް ނުވަތަ ގައުމަކަށް އިސްލާހެއް ނުވަތަ ހެޔޮ ބަދަލެއް ގެންނަން އެދޭ މީހާ އެންމެ ފުރަތަމަ އެ ބަދަލެއްގެ އަމަލީ ނަމޫނާއަކަށްވުން މުހިއްމު ކަމަށާއި އެކަން ފަށަން ޖެހެނީ އެ މީހަކާ ހިސާބުން ކަމަށެވެ.
ރައީސް ވިދާޅުވީ މި ބަރަކާތްތެރި ހެޔޮކަމުގެ މޫސުން އަޅުގަނޑުމެންނާ ބައްދަލުކުރިއިރު، މުޖުތަމައުއިން ދެކެން ބޭނުންވާ ވަރަށް ގިނަ ހެޔޮ ކަންކަން އެބަހުރި ކަމަށެވެ. އޭގެ ތެރޭގައި ރައީސް ހިމެނުއްވީ ދީނީ ކަންކަމާއި އާދަކާދައިގެ ކަންކަމާއި އުސޫލާއި ގާނޫނާއި ގަވާއިދަށް ބޯލެނބުމެވެ.
ދިވެހިރާއްޖޭގެ އަމާންކަމަށްޓަކައެވެ. ދިވެހީންގެ ދެ ދުނިޔޭގެ ސަލާމަތަށްޓަކައެވެ. ހެޔޮލަފާ، ހުލްގު ހެޔޮ އަދި ޒަމާނާއެކު ކުރިއަރާފައިވާ ބަޔަކަށް ދިވެހީން ވުމަށްޓަކައެވެ. ދުނިޔޭގެ އެހެން މީހުންގެ ކިބައިން ވެސް ދިވެހީންނަށް ހެޔޮބަސްތައް ލިބި، ދިވެހީންގެ ގަދަރު މަތިވެރިވުމަށްޓަކައެވެރައީސް ޑރ. މުހައްމަދު މުޢިއްޒު
މީގެ އިތުރުން ރައީސް ވިދާޅުވީ، ދިވެހި މުޖުތަމައަކީ އުސޫލާއި ގާނޫނާއި ގަވައިދުތަކަށް ބޯލަނބައި، ދީނީކަންކަމާއި އާދަކާދައިގެ ކަންކަން ކުރިއަރުވާ މުޖުތަމައެއްގެ ގޮތުގައި ދިވެހީން ދެކެން ބޭނުންވާ ކަމަށެވެ. އަދި މިފެށޭ ރަމަޟާން މަހަކީ މާތް ﷲގެ ކިބައިން މަދަދު ހޯދުމަށް ރަނގަޅު ފުރުސަތެއްގެ ގޮތުގައި ސިފަކުރައްވައި، ރަމަޟާން މަހަކީ އަޅުކަންތަކާއި ވަގުތުތައް ރާވައިލާ، ވަގުތަށް ކަމޭހިތަން ދަސްކޮށްދީ، ހިތާއި ރޫހުން ހަށިގަނޑު ހެޔޮ ކަންކަމުގައި ހޭދަކުރަން ދަސްކޮށްދޭ މައްސަރެއްކަން ރައީސް ފާހަގަކުރެއްވި އެވެ.
ދިވެހީންގެ އަމާންކަމަށްޓަކައި އަދި ދުނިޔެއާއި އާޚިރަތުގެ ސަލާމަތަށްޓަކައި، ޚުލްގުހެޔޮ، ފަސް ވަގުތު ބަރާބަރަށް ނަމާދުކުރާ މުޖުތަމައެއް ބޭނުންވާ ކަމަށް ރައީސް މުޢިއްޒު ގެ ޚިޠާބުގައި ވިދާޅުވި އެވެ.
