ރޯދަ މަހު މާލެ ސަރަޙައްދުގައި ބަރު އުޅަނދު ދުއްވޭނެ އަދި މުދާ އުފުލޭ ގަޑިތައް ކަނޑައަޅައިފި
17 ފެބުރުއަރީ 2026 | އަންގާރަ 12:24މި އުސޫލާ ހިލާފުވާ ފަރާތްތައް 750 ރުފިޔާ އިން ޖޫރިމަނާ ކުރާނެ.
ރާއްޖެ އެމްވީ | 17 ފެބުރުއަރީ 2026 | އަންގާރަ 12:24
ރޯދަ މަހު ބަރު އުޅަނދުތައް މާލޭގެ މަގުމަތީގައި ދުއްވާ ގަޑިތަކަށް ވަނީ ބަދަލު ގެނެސްފައި. | ރާއްޖެ އެމްވީ
ރޯދަ މަހު މާލެ ސަރަޙައްދުގައި މުދާ އުފުލޭ ގަޑިތައް ކަނޑައަޅައިފި އެވެ.
ރޯދަ މަހުގެ 1 ވަނަ ދުވަހުން ފެށިގެން 19 ވަނަ ދުވަހުގެ ނިޔަލަށް އަދި ޝައްވާލުމަހުގެ 1ން 7 ވަނަ ދުވަހުގެ ނިޔަލަށް ހެނދުނު 8:00ން 9:30ށް އަދި ހަވީރު 4:30ން ރޭގަނޑު 8:00ށް މުދާ އުފުލުން މަނާވާނެ އެވެ.
އޭގެ އިތުރުން ރޯދަ މަހުގެ 20 ވަނަ ދުވަހުން ފެށިގެން ރޯދަ މަހުގެ ނިޔަލަށް ހަވީރު 4:30ން ރޭގަނޑު 8:00ށް ބަރު އުޅަނދު ދުއްވުން ވަނީ މަނާ ކޮށްފަ އެވެ.
މި އުސޫލާއި ޚިލާފުވާ ފަރާތްތަކަށް -/750ރ. އިން ޖުރިމަނާ ކުރާނެ ކަމަށް ޓްރާންސްޕޯޓް މިނިސްޓްރީން ވަނީ ބުނެފަ އެވެ.
