ރޯދަ މަހު ފެރީ ދަތުރުތަކާއި ބަސް ދަތުރުތައް ކުރާ ގަޑިތަކަށް ބަދަލު އަންނާނެ
ރޯދަމަހާ ގުޅިގެން މާލެ ސަރަހައްދުގެ ފެރީއާއި ބަހުގެ ޚިދުމަތްތައް މެދުކަނޑާލާ ވަގުތުތަކަށް ވަނީ އާންމު ކޮށްފައި. މި ބަދަލާއެކު ތިލަފުށި، ގުޅީފަޅު އަދި ހުޅުމާލެ ފެރީގެ އިތުރުން، މާލެއާއި ހުޅުމާލެ އަދި އެއާޕޯޓަށް ކުރާ ބަސް ދަތުރުތައް އިރުއޮއްސޭ ވަގުތާ ދިމާކޮށް މެދުކަނޑާލުމަށް ވަނީ ނިންމާފައި. މީގެ އިތުރުން މާލެއާއި ވިލިމާލޭގެ އެތެރޭގެ ބަސް ދަތުރުތައް ވެސް ރޭގަނޑު 9:00 އާ ހަމައަށް މެދުކަނޑާލާނެ ކަމަށް އެ ކުންފުނިން ހާމަކުރޭ.
މާލޭގައި ދުއްވާ އާރުޓީއެލް ބަސް ދަތުރުތަކަށް ރޯދަ މަހު ބަދަލު އަންނާނެ. | ރާއްޖެ އެމްވީ
ރޯދަ މަހު މާލެ ސަަރަހައްދު ގައި އެމްޓީސީސީން ފޯރުކޮށްދޭ ފެރީއާއި ބަހުގެ ޚިދުމަތްތައްދޭ ގަޑިތަކަށް ބަދަލު ގެނެސްފައިވާ އިރު، އާންމު ފެރީ ދަތުރުތަކުގެ ތެރެއިން 24 ގަޑިއިރު ޚިދުމަތް ފޯރުކޮށްދޭ މާލެ-ވިލިމާލެ ފެރީގެ ޚިދުމަތް ހަވީރު 5:50ން 7:00އާ ހަމައަށް މެދުކެނޑޭނެ އެވެ.
އޭގެ އިތުރުން މާލެ-ތިލަފުށި ފެރީ ހަވީރު 5:00ން 7:00ށް މެދު ކެނޑޭނެ އެވެ.
އެމްޓީސީސީ އިން ހާމަ ކޮށްފައިވާ ގޮތުގައި، މާލެ- ގުޅީފަޅު ފެރީ 4:15ން 5:00އާ ހަމައަށް މެދުކަނޑައިލާ ގޮތަށް ހަމަޖެހިފައި އޮތުމުގެ އިތުރުން ހުޅުމާލެ- މާލެ ފެރީގެ ޚިދުމަތްް 3:00ގެ ފަހުން މެދުކެނޑޭނެ އެވެ.
އާރްޓީއެލް ބަސް ދަތުރުތަކަށް ރޯދަ މަހު އަންނަ ބަދަލުގެ ތެރޭގައި މާލެ-ހުޅުމާލެ، ހުޅުމާލެ- އެއާޕޯޓު، މާލެ- އެއާޕޯޓު ބަހުގެ ޚިދުމަތް ހަވީރު 5:00ން 7:00ށް މެދުކެނޑޭނެ އެވެ. އޭގެ އިތުރުން ހުޅުމާލޭގެ އެތެރޭގެ ބަހުގެ ޚިދުމަތް ހަވީރު 5:15ން ރޭގަނޑު 7:15ށް މެދުކެނޑޭނެ އެވެ. އަދި މާލެ ތެރޭގެ ބަސް ދަތުރުތަކާއި، ވިލިމާލެ ބަސް ދަތުރުތައް އިރު އޮއްސި 6:00ން ރޭގަނޑު 9:00ށް މެދުކެނޑޭނެ ކަމަށް ވެސް އެމްޓީސީސީ އިން ބުނެފައިވެ އެވެ.
