ކެނދިކުޅުދޫގައި ޤާއިމު ކުރާ އައުޓްޑޯ ޖިމް ހުއްޓިފައި، ކައުންސިލާ އެއްވެސް މައުލޫމާތެއް ހިއްސާ ނުކުރޭ
ޝާހިދު ވިދާޅުވީ މި ސަރުކާރު އައި ފަހުން، އެ ރަށުގައި ފެށި އެއްވެސް މަޝްރޫއެއްގެ ތަފްސީލެއް ކައުންސިލްއާ ހިއްސާ ކޮށްފައި ނުވާ ކަމަށް. ކައުންސިލުން ފޮނުވާ އެއްވެސް ސިޓީ އަކަށް ވެސް ޖަވާބެއް ދީފައި ނުވާ ކަމަށާއި، އެ މަޝްރޫއު އޮތީ ހުއްޓިފައި ކަމެއް އަދި މަޝްރޫއު އަށް ވެފައި އޮތް ގޮތެއް ވެސް ނޭނގޭ ކަމަށް އޭނާ ފާހަގަ ކުރެއްވި.
ކެނދިކުޅުދޫގައި ޤާއިމު ކުރަން ފެށި އައުޓްޑޯ ޖިމް، މަސައްކަތް މިހާރު ވަނީ ހުއްޓިފައި | ރާއްޖެ އެމްވީ
ނ.ކެނދިކުޅުދޫގައި ޤާއިމު ކުރާ އައުޓްޑޯ ޖިމްގެ އެއްވެސް މައުލޫމާތެއް ކައުންސިލް އަށް ނޭނގޭ ކަމަށް، އެ ރަށު ކައުންސިލްގެ ރައީސް މުޙައްމަދު ޝާހިދު ވިދާޅުވެއްޖެ އެވެ.
ޝާހިދު ވިދާޅުވީ އެ މަޝްރޫއަކީ 2025 ވަނަ އަހަރުގެ ޖުލައި މަހުގެ ތެރޭގައި ރައީސުލްޖުމްހޫރިއްޔާ ޑޮކްޓަރު މުޙައްމަދު މުޢިއްޒު އެ ރަށަށް ވަޑައިގެން، ފައްޓަވައި ދެއްވި މަޝްރޫއެއް ކަމަށެވެ. އެ މަޝްރޫއުގެ މަސައްކަތް ހަވާލު ކޮށްފައި ވަނީ، ރޯޑު ޑިވެލޮޕްމަންޓް ކޯޕަރޭޝަން (އާރުޑީސީ)އާ އެވެ.
އޭނާ ވިދާޅުވީ އެ މަޝްރޫއު އާއި، އެހެނިހެން މަޝްރޫއު ތަކުގެ މައުލޫމާތު ހޯދުމަށް މިނިސްޓްރީ އޮފް ސިޓީސް ލޯކަލް ގަވަމަންޓް އެންޑް ޕަބްލިކް ވޯކްސް އަށް ސިޓީ ފޮނުވާފައިވާ ކަމަށެވެ. އެގޮތުން އެ މަޝްރޫއުގެ ސްކޯޕް އާއި، އެ މަޝްރޫއުގެ އަގު އަދި ނިންމަން ޖެހޭ ތާރީޚަކީ ކޮބައިކަން ސާފު ކޮށްދިނުމަށް ވެސް އެދިފައިވާނެ ކަމަށް އޭނާ ވިދާޅުވި އެވެ.
އެކަން ފާހަގަ ކުރައްވައި ޝާހިދު ވިދާޅުވީ މި ސަރުކާރު އައި ފަހުން، އެ ރަށުގައި ފެށި އެއްވެސް މަޝްރޫއެއްގެ ތަފްސީލެއް ކައުންސިލްއާ ހިއްސާ ކޮށްފައި ނުވާ ކަމަށެވެ. ކައުންސިލުން ފޮނުވާ އެއްވެސް ސިޓީ އަކަށް ވެސް ޖަވާބެއް ދީފައި ނުވާ ކަމަށާއި، އެ މަޝްރޫއު އޮތީ ހުއްޓިފައި ކަމެއް އަދި މަޝްރޫއު އަށް ވެފައި އޮތް ގޮތެއް ވެސް ނޭނގޭ ކަމަށް އޭނާ ފާހަގަ ކުރެއްވި އެވެ.
މީގެ އިތުރުން ޝާހިދު ވިދާޅުވީ، ކައުންސިލް ތަކުން ސަރުކާރަށް އެއްބާރުލުން ނުދޭ ވާހަކަ ދައްކާ ކަމަށާއި، ކައުންސިލް ތަކުން ސަރުކާރަށް އެއްބާރުލުން ދޭން ކުރަންވީ ކަމެއް ވެސް ނޭނގޭ ކަމަށެވެ. ކައުންސިލް އިން ފޮނުވާ އެއްވެސް ސިޓީ އަކަށް ޖަވާބެއް ދިނުމެއް ނެތްއިރު، ލޯކަލް ގަވަމަންޓް އޮތޯރިޓީ (އެލްޖީއޭ) އާއި، ސިޓީސް މިނިސްޓްރީ އޮވެގެން ވާ ފަސޭހައެއް ނެތް ކަމަށާއި، އޭގެ ބަދަލުގައި ކުރިމަތިވާ "ނުހޮރޮއްޕާން" ބޮޑު ކަމަށް ޝާހިދު ވިދާޅުވި އެވެ.
މި ސަރުކާރުން ކެނދިކުޅުދޫގައި ވެސް ގިނަ މަޝްރޫއު ތަކެއް ފެށި ނަމަވެސް، މިހާރު ވަނީ މަޝްރޫއު ތަކުގެ މަސައްކަތް ހުއްޓިފަ އެވެ.
