“ޑީޕީ ވާރލްޑް” ގެ ޗެއަރމަން ކަމުގެ މަގާމުންނާއި ސީއީއޯ ގެ މަޤާމުން ސުލްޠާން އަޙްމަދު ބިން ސުލައިމް އިސްތިއުފާ ދެއްވައިފިި.
ދުނިޔޭގެ އެކި ކަންކޮޅުތަކުގައި ޕޯޓްތައް ހިންގަމުން އަންނަ 'ޑީޕީ ވާރލްޑް' ގެ ޗެއަރމަން އަދި ސީއީއޯގެ މަޤާމުގައި ހުންނެވި ސުލްޠާން އަޙްމަދު ބިން ސުލައިމް އެ މަޤާމުން އިސްތިއުފާ ދެއްވައިފިއެވެ. އެސޯސިއޭޓެޑް ޕްރެސް ، ދަ ގާޑިއަން، އަދި ލަންޑަން ސްޓޮކް އެކްސްޗޭންޖް ފަދަ ދުނިޔޭގެ އެންމެ އިތުބާރު ހުރި މީޑިއާތަކުން ވަނީ މިކަން ކަށަވަރުކޮށް ރިޕޯޓުކޮށްފައެވެ.
ސުލްޠާން އަޙްމަދު ބިން ސުލައިމް, ޑީޕީ ވާރލްޑް ގެ ކުރީގެ ޗެއަރމަން އަދި ސީއީއޯ | އޭޕީ
ދުނިޔޭގެ އެކި ކަންކޮޅުތަކުގައި ޕޯޓްތައް ހިންގަމުން އަންނަ ދުނިޔޭގެ އެންމެ ބޮޑު އެއް ލޮޖިސްޓިކްސް ކުންފުނީ 'ޑީޕީ ވާރލްޑް' ގެ ޗެއަރމަން އަދި ސީއީއޯގެ މަޤާމުގައި ހުންނެވި ސުލްޠާން އަޙްމަދު ބިން ސުލައިމް އެ މަޤާމުން އިސްތިއުފާ ދެއްވައިފިއެވެ. އެސޯސިއޭޓެޑް ޕްރެސް ، ދަ ގާޑިއަން، އަދި ލަންޑަން ސްޓޮކް އެކްސްޗޭންޖް ފަދަ ދުނިޔޭގެ އެންމެ އިތުބާރު ހުރި މީޑިއާތަކުން ވަނީ މިކަން ކަށަވަރުކޮށް ރިޕޯޓުކޮށްފައެވެ.
މި ކުއްލި ބަދަލު އައިސްފައިވަނީ، އެމެރިކާގެ ޑިޕާޓްމަންޓް އޮފް ޖަސްޓިސް އިން ދާދި ފަހުން ޢާންމުކުރި ޖެފްރީ އެޕްސްޓީންގެ ލިޔެކިޔުންތަކުގައި، ސުލައިމް އާއި އެޕްސްޓީންއާ ދެމެދު ބަދަލުކުރެވިފައިވާ އީމެއިލްތަކެއް ފަޅާއެރުމާ ގުޅިގެންނެވެ.
މި މައްސަލަ ފެންމަތިވުމާއެކު، ޑީޕީ ވާރލްޑްގެ ބޮޑެތި އިންވެސްޓަރުން ވަނީ ފިޔަވަޅުތަކެއް އަޅަން ފަށާފައެވެ. އެގޮތުން ކެނެޑާގެ ބޮޑު ޕެންޝަން ފަންޑެއް ކަމަށްވާ 'ލަ ކެއިސް' އާއި އިނގިރޭސިވިލާތުގެ 'ބްރިޓިޝް އިންޓަނޭޝަނަލް އިންވެސްޓްމަންޓް' އިން ވަނީ ޑީޕީ ވާރލްޑާއެކު ކުރިއަށް ގެންދަން ހުރި އިންވެސްޓްމަންޓްތައް ވަގުތުން މަޑުޖައްސާލާފައެވެ.
މިކަމާ ގުޅިގެން ދުބާއީ މީޑިއާ އޮފީހުން މިހާރު ވަނީ ޑީޕީ ވާރލްޑްގެ އާ ލީޑަރޝިޕް އިޢުލާންކޮށްފައެވެ: މިގޮތުން ކުންފުނީގެ އާ ޗެއަރމަން އަކަށް އީސާ ކާޒިމް ވަނީ ހަމަޖައްސާފައެވެ. ގްރޫޕް ސީއީއޯގެ މަޤާމަށް ވަނީ ކުރިން ކުންފުނީގެ ސީއެފްއޯގެ މަޤާމުގައި ހުންނެވި ޔުވްރާޖް ނާރާޔަން އައްޔަންކޮށްފައެވެ.
އާ ވެރިންނާއެކު ޑީޕީ ވާރލްޑްގެ ހިންގުމަށާއި، އިންވެސްޓަރުންގެ އިތުބާރު ހޯދުމަށް ބޮޑެތި މަސައްކަތްތަކެއް ކުރާނެކަމަށް ބައިނަލްއަޤްވާމީ މާލީ އިދާރާތަކުން ލަފާކުރެއެވެ.
