އެސްޖޭ މިސްކިތް ނުނިމި އޮތީ މިނިސްޓްރީގެ ޣައިރު ޒިންމާދާރުކަމުން: "އީއޯޓީ އެޕްރޫވް ނުކުރޭ، އެއްބަސްވުން އާ ނުކޮށް ޕްރޮޖެކްޓްގެ މުއްދަތު ހަމަވެފައި"
އެސްޖޭ ކުންފުނިން ބުނީ މިސްކިތުގެ މަސައްކަތް މިހާތަނަށް ވެސް ކުރީ މަދުވާ ކުރެހުންތައް އަމިއްލަ އަށް ކުރަހާ މިނިސްޓްރީ އަށް ހުށަހަޅައިގެން ކަމަށް. އެއްބަސްވުން އާ ނުކޮށް އަހަރަކަށް ވުރެ ގިނަ ދުވަސް ވެފައިވާ އިރު އެކަމާއި މެދު ކުންފުނިން ވަނީ ކަންބޮޑުވުން ފާޅުކޮށްފަ.
އެސްޖޭ މިސްކިތުގެ މަސައްކަތް ކުރިއަށް ދަނިކޮށް ނަގާފައިވާ ފޮޓޯ އެއް | ސޯޝަލް މީޑިއާ
ހުޅުމާލެ ފޭސް 2 ގައި އެސްޖޭ ކުންފުނިން އިމާރާތް ކުރަމުން އަންނަ މިސްކިތް ނުނިމި ވަނީ އިސްލާމިކް މިނިސްޓްރީގެ ޣައިރު ޒިންމާދާރުކަމުން ކަމަށާއި މަސައްކަތުގެ އެއްބަސްވުން އާ ނުކޮށްދީ އެތައް ދުވަހެއް ވެފައިވާ ކަމަށް އެ ކުންފުނިން ބުނެފި އެވެ.
އެވެ.
އެސްޖޭގެ ހިއްސާދާރު ޝިހާދު އިބްރާހިމަށް، "30 މިލިއަން ރުފިޔާ ކާލައިގެން އަމިއްލަ ވިޔަފާރި ކުރާ" ކަމަށް ބުނެ ޝަހީމް ވަނީ މެސެޖްކުރައްވާފަ އެވެ. މިސްކިތުގެ މަސައްކަތުގެ ފައިސާ އެސްޖޭ އެ ކުންފުނިން ކާލާފައިވާ ކަމަށް ރައީސް ޑރ.މުހައްމަދު މުއިއްޒުގެ ދީނީ ވަޒީރު ޑރ.ޝަހީމް އަލީ ސައީދު ވިދާޅުވި ސަބަބު ސާފުކޮށް ދިނުމަށާއި، އެ މަސައްކަތާއި މެދު މިނިސްޓްރީ އިން އަދާކުރަން ޖެހޭ ޒިންމާ އަދާކުރި މިންވަރު އަންގާދޭ ޕްރޮޖެކްޓާއި ގުޅޭ ޓައިމްލައިނާއި، 2025 ގެ ޖޫން، އޮކްޓޯބަރ އަދި ޑިސެމްބަރގައި ބޭއްވި ބައްދަލުވުމުގެ ޔައުމިއްޔާ ލިބޭނެ ގޮތް ހައްދަވާދެއްވުމަށް އެ ކުންފުނިން ވަނީ އެދިފަ އެވެ.
އެސްޖޭ ކުންފުނިން ބުނީ މިސްކިތުގެ މަސައްކަތް މިހާތަނަށް ވެސް ކުރީ މަދުވާ ކުރެހުންތައް އަމިއްލަ އަށް ކުރަހާ މިނިސްޓްރީ އަށް ހުށަހަޅައިގެން ކަމަށެވެ. އަދި މިނިސްޓްރީ އިން އެޕްރޫވަލް ލިބެން ދެން މަސައްކަތް މަޑު ނުޖައްސާ މިހާރު ވެސް މަސައްކަތް ކުރަމުންދާ ކަމަށް ވަނީ ބުނެފަ އެވެ. ޝަހީމް ވެރިކަމާއި ހަވާލުވި ފަހުން އެ މިސްކިތުގެ މަސައްކަތް ކުރިއަށް ގެންދިއުމަށް އެއްވެސް ކަމެއް ކޮށްފައި ނުވާ ކަމަށް އެ ކުންފުނިން ބުނެ އެވެ.
އެސްޖޭ ކޮންސްޓްރަކްޝަންގެ ސިޓީ އެއް މިނިސްޓަރަށް: ކަންބޮޑުވުންތައް ބަންޑުން!
މި މަހުގެ 27 ވަނަ ދުވަހު އެސްޖޭ ކޮންސްޓްރަކްޝަނުން އިސްލާމިކް މިނިސްޓަރަށް ފޮނުއްވި ސިޓީ އެއްގައި ބުނެފައި ވަނީ އެސްޖޭގެ ހިއްސާދާރު ޝިހާދު އިބްރާހިމަށް، "30 މިލިއަން ރުފިޔާ ކާލައިގެން އަމިއްލަ ވިޔަފާރި ކުރާ" ކަމަށް ޝަހީމް ތުހުމަތުކުރައްވާފައިވާ ކަމަށެވެ. އެފަދަ ތުހުމަތެއް ޝަހީމް ކުރެއްވީ ވަޓްސްއެޕް މެދުވެރިކޮށް ޝިހާދު އަސް ކުރެއްވި މެސެޖެއްގަ އެވެ.
އެ މަސައްކަތުގެ މުއްދަތު އާކޮށް، އެއްބަސްވުން އާ ކުރުމަށް ތަކުރާރުކޮށް މިނިސްޓްރީ އިން އެދިގެން އެކަން ކޮށްދީފައި ނުވާ ކަމަށް އެ ސިޓީގައި ފާހަގަކޮށްފައިވެ އެވެ. އަދި އީއޯޓޫ އެޕްރޫވް ނުކުމުން މަސައްކަތް މެދުކަނޑާލުމަށް ފަހު، ވުޒާރާ އާއި އެކު ބޭއްވި ބައްދަލުވުމާއި އެއްގޮތަށް މިނިސްޓްރީ އިން އަމަލު ނުކުރާ ކަމަށް ބުނެފައިވެ އެވެ. އެ މަސައްކަތް ފެށުނީއްސުރެ މެދު ނުކެނޑި، މަންތްލީ އަދި ވީކްލީ ރިޕޯޓް ފޮނުވި ނަމަވެސް އެއަށްމިނިސްޓްރީ އިން އެއްވެސް ކޮމެންޓެއް ކޮށްފައި ނުވާކަން އޭނާ ފާހަގަކުރެ އެވެ.
ކުރެހުން ދިމާނުވުމުގައި މިނިސްޓްރީގެ އިހުމާލު، ކުރެހުން ފޯރުކޮށް ނުދީ 3 އަަހަރު!
އެސްޖޭ ކޮންސްޓްރަކްޝަން ގެ ސިޓީގައި ބުނެފައި ވަނީ މި މިސްކިތަކީ އާއްމުކޮސް ބިނާކުރާ މިސްކިތްތަކާއި ތަފާތުކޮށް ގޯތި އެއްބައިގައި އިމުގައި ޖައްސާފައި މިސްކިތް ބިނާކޮށް، މިސްކިތް ގުޅިގެން ދާ ގޮތަށް ކޮންކްރީޓް އާޗްތަކަކުން ހަދާފައިވާ ކޯޓްޔާޑެއް ހިމެނޭ ގޮތަށް ޑިޒައިންކޮށްފައިވާ ތަނެއް ކަމަށެވެ. މި މިސްކިތުގެ ކުރެހުމުގައިވާ ގިބުލަ މިސްރާބާއި އޮން ސައިޓުގައި މިނިސްޓްރީ އިން ޖަހާދިން ގިބްލަ ދިމާ ނުވާތީ، ގެނައި ބަދަލުގެ ސަބަބުން އާޗްތަކަށް ބަދަލު އައެވެ. އެ ބަދަލާއި އެއްގޮތަށް ގެންނަން ޖެހޭ ބަދަލު ގެނައުމަށް ކުރެހުން އިސްލާހު ކުރަން ޖެހޭތީ މިނިސްޓްރީ އިން ވަނީ ކޯޓުޔާޑާއި އާޗުގެ މަސައްކަތް މަޑުޖައްސާލުމަށް އަންގާފަ އެވެ. އޭގެ ފަހުން 3 އަަހަރުވީ ކުރެހުން ފޯރުކޮށް ނުދީ އެވެ.
މި މިސްކިތުގެ އިކުއިޓީ ފައިސާ އަށް ވުރެ ބޮޑު ޚަރަދެއް ކުންފުނިން މިހާރު ވެސް ކޮށްފައިވާ ކަމަށް އެ ސިޓީގައި ވެސް ފާހަގަކޮށްފައިވެ އެވެ. މީގެ އިތުރުން މީޑިއާގައި މި މިސްކިތް ނިންމަން މުއްދަތެއް ދިން ކަމަށް މިނިސްޓްރީ އިން ބުނި ނަމަވެސް ކުންފުނިން ހުށަހެޅި އެއްވެސް އީއޯޓީ އެއް މިނިސްޓްރީ އިން އެޕްރޫވް ނުކުރާ ކަމަށް އެސްޖީ ކޮންސްޓްރަކްޝަނުން ބުނެ އެވެ.
ރާއްޖެ އެމްވީ އަށް މައުލޫމާތު ދިން އިތުބާރު ހުރި މަސްދަރަކުން ބުނީ މި މައްސަލަ މީސްމީޑިއާގައި އުފުލުމުން ކޮންމެ ފަހަރަކު ވެސް މައްސަލަ ހައްލު ކުރާނެ ކަމަށް ވުޒާރާ އިން ބުނާ ކަމަށެވެ. އިބްރާހިމް މުހައްމަދު ސޯލިހުގެ ވެރިކަމުގައި ކޮވިޑާއި ގުޅިގެން ކުންފުނިތަކަށް ދިން އިތުރު 6 މަސް ދުވަހުގެ މުއްދަތު ހަމަވި ފަހުން އެ މަސައްކަތުގެ އެއްބަސްވުން އާކޮށްފައި ނުވާ ކަމަށް އޭނާ ވަނީ ބުނެފަ އެވެ.
އެކަމާއި ގުޅިގެން 15 ނޮވެމްބަރު 2023ގައި އެސްޖޭ ކޮންސްޓްރަކްޝަނުން ހުށަހެޅި ސިޓީ އަށް އިސްލާމިކް މިނިސްޓްރީ އިން ޖަވާބު ދިނީ 20 މޭއި 2025ގަ އެވެ. އޭރު 18 ޖުލައި 2024 އަށް އެއްބަސްވުމުގެ މުއްދަތު އޮތީ ހަމަ ވެފަ އެވެ.
20 މޭއި 2025ގަ ފޮނުވި ސިޓީގައި ބުނެފައި ވަނީ އީއޯޓީތައް އިވަލުއޭޓް ކުރުމަށް ފަހު ކުންފުންޏަށް ޖަވާބެއް ދޭނެ ކަމަށެވެ. ނަމަވެސް އެ ސިޓީ އިން އެ މަސައްކަތާއި ގުޅޭ ރެކޯޑް މިނިސްޓްރީ އިން ބަލަހައްޓާފައި ނުވާ ކަން އެނގޭތީ އެޕްރޫވް ނުކޮށް އީއޯޓީތައް ވަގުތުން ވަނީ ހުށަހަޅާފަ އެވެ.
އެއްބަސްވުން އާ ނުކޮށް ގާތްގަނޑަކަށް އަހަރެއް ހޭދަ ވާން ކައިރި ވުމުން ޖޫން 2025ގައި އެސްޖޭ ކޮންޓްރަކްޝަނުން އެދުނު އެދުމުގެ ބަތިން މިނިސްޓްރީ އިން ވަނީ ކުންފުންޏާއި އެކު ބައްދަލުވުމެއް ބާއްވާފަ އެވެ. އެ ބައްދަލުވުމުގައި ވަޒީރު ވަނީ މަދުވާ ކުރެހުންތަކައި އެކު ހަފްތާ އެއްހާ ދުވަސް ތެރޭގައި އެއްބަސްވުން އާ ކުރާނެ ކަމަށް ވިދާޅުވެފަ އެވެ. ނަމަވެސް މިހާތަނަށް ވެސް އެ މަސައްކަތް ކުރެވިފަ އެއް ނުވެ އެވެ. ނަމަވެސް އެ ބައްދަލުވުމުގެ ޔައުމިއްޔާ ހޯދަން އެސްޖޭ ކުންފުނިން އެދުމުން އެ ޔައުމިއްޔާ ނެތް ކަމަށް މިނިސްޓްރީ އިން ވަނީ ބުނެފަ އެވެ.
ފޯނުން މިނިސްޓްރާއި މުއާމަލާތު ކުރެވުނު: ވިދާޅުވީ ރުޅި މަތަ ކުރައްވާށޭ!
24 ޖޫން 2025ގައި އެއްބަސްވި ގޮތަށް މަސައްކަތް ކުރިއަށް ނުގެންގޮސް އެ ބައްދަލުވުމުގެ ޔައުމިއްޔާ ވެސް ދޭން ކުންފުނިން ދެކޮޅު ހެދުމުން އެ ކުންފުނިން ވަނީ ވަރަށް ބޮޑަށް ކަންބޮޑުުވުން ފާޅުކޮށްފަ އެވެ. 29 ޖުލައި 2025ގައި އެއްބަސްވުމުގެ އަޕްޑޭޓަކަށް އެދި އެސްޖީ ކޮންސްޓްރަކްޝަނުން ވަނީ މެއިލްކޮށްފަ އެވެ.
އެ އީމެއިލް ފޮނުވިތާ 34 ދުވަސް ދުވަސް ވީ އިރު ވެސް ޖަވާނެއް ނުލިބޭތީ އެސްޖޭ ކުންފުނިން ވަނީ ރިމައިންޑަރ އީމެއިލް އެއް ފޮނުވާފަ އެވެ. އެއީ ސެޕްޓެމްބަރ 2، 2025 ގަ އެވެ. އެ ދުވަހު މެންދުރު މިނިސްޓަރ ސައިޓަށް ވަޑައިގަތުމުން، އެއްބަސްވުން އާ ނުކޮށް އޮތުމާއި، މިނިސްޓްރީ އިން ޖަވާބެއް ނުލިބޭތީ ސުވާލުކުރުމުން އެ ދުވަހު ޖަވާބެއް ދެއްވާނެ ކަމަށް ވިދާޅުވި އެވެ.
އެ ރިމައިންޑަރ އަށް ޖަވާބު ދިނުމުން ކުންފުނީގެ ޑިރެކްޓަރ ޝިހާދު ވަނީ ކުރެހުމާއި ނުލާ ވޯކް ޝެޑިއުލް ހުށަހަޅަނީ ކިހިނެތްތޯ ސުވާލުކުރައްވާފަ އެވެ. ޖަވާބުގައި މިނިސްޓަރ "ރުޅި މަތަކުރައްވާށޭ، އެކަން ބައްލަވާނަމޭ" ވިދާޅުވި ކަމަށް އެސްޖޭ ކޮންސްޓްރަކްޝަނުން ބުނެފައި ވެ އެވެ.
އެ ރޭ ގުޅުއްވުމަށް ފަހު ވަޒީރު ވަނީ މަދުވާ ކުރެހުންތަކަކީ މިނިސްޓްރީގައި ހުރި އެއްޗެއް ކަމަށް ބެލުމަށް ފަހު މިނިސްޓްރީ އިން އެދޭ ޑޮކިއުމެންޓްތައް ހުށަހެޅުމަށް ވަޒީރު ވަނީ އެދިފަ އެވެ. އެ އެދުމާއި އެއްގޮތަށް ވަޒީރު ވަނީ ޑޮކިއުމެންޓްތަކެއް ހުށަހަޅާފަ އެވެ. އެހެންނަމަވެސް މިއަދާއި ހަމައަށް ވެސް އެއްބަސްވުންތައް އާ ކުރެވިފަ އެއް ނުވެ އެވެ.
