އެމެރިކާ އިން އީރާނަށް ހަމަލާ ދިނުމަށް އިނގިރޭސިވިލާތުން ތާއީދު ކުރަންތޯ ދެންނެވުމުން ބޮޑު ވަޒީރު ސީދާ ޖަވާބެއް ނުދެއްވި
އީރާނުން ނިއުކްލިއަރ ހަތިޔާރު އުފެއްދުން ހުއްޓުވުމަށް އިނގިރޭސިވިލާތުން ބައިނަލްއަގުވާމީ ބައިވެރިންނާ ގުޅިގެން މަސައްކަތް ކުރަމުންދާ ކަމަށް ބޮޑުވަޒީރު ސްޓާމާ ވިދާޅުވި. އީރާނުން ނިއުކްލިއަރ ހަތިޔާރު އުފެއްދުމަކީ މުޅި ދުނިޔެއަށް ވެސް އޮތް ނުރައްކަލެއް ކަމަށާއި އެކަން ހުއްޓުވުމަށް ކުރެވެން ހުރި ހުރިހާ މަސައްކަތެއް ކުރައްވާނެ ކަމަށް ބޮޑުވަޒީރު ވިދާޅުވި.
އިނގިރޭސިވިލާތުގެ ބޮޑުވަޒީރު ކިއަރ ސްޓާމާ. | ރޮއިޓާސް
އެމެރިކާ އިން އީރާނަށް ހަމަލާ ދިނުމަށް އިނގިރޭސިވިލާތުން ތާއީދު ކުރަންތޯ އިނގިރޭސި ބޮޑު ވަޒީރަށް ދެެންނެވުމުން، އީރާނުން ނިއުކްލިއަރ ހަތިޔާރު އުފެއްދުން ހުއްޓުވުމަށް އިނގިރޭސިވިލާތުން މަސައްކަތް ކުރަމުންގެންދާ ކަމަށް ވިދާޅުވެއްޖެ އެވެ.
ބޮޑުވަޒީރު ސްޓާމާ ވިދާޅުވީ އީރާނުން ނިއުކްލިއާ ހަތިޔާރު އުފެއްދުން ހުއްޓުވުމަށްޓަކައި އިނގިރޭސިވިލާތުން ބައިނަލްއަގުވާމީ ބައިވެރިންނާ ގުޅިގެން މަސައްކަތް ކުރަމުންދާ ކަމަށާއި އީރާނުން ނިއުކްލިއާ ހަތިޔާރު އުފެއްދުމަކީ މުޅި ދުނިޔެ އަށް ވެސް އޮތް ނުރައްކަލެއް ކަމަށާއި، އެކަން ހުއްޓުވުމަށް ކުރެވެން ހުރި ހުރިހާ މަސައްކަތެއް ކުރައްވާނެ ކަމަށެވެ.
"މަގްސަދަކީ އީރާނުން ނިއުކްލިއަރ ހަތިޔާރު އުފެއްދުން ހުއްޓުވުން، އީރާނަށް ނިއުކްލިއަރ ހަތިޔާރު އުފެއްދިގެން ނުވާނެ، އެއީ ވަރަށް މުހިންމު ކަމެއް؛" ސްޓާމާ ވިދާޅުވި އެވެ.
އެމެރިކާ އިން އީރާނަށް ދީފާނެ ހަމަލާއަކަށް އިނގިރޭސިވިލާތުން ތާއީދު ކުރާނެތޯ ބީބީސީ އިން ސުވާލު ކުރުމުން ސީދާ ޖަވާބެއް ދެއްވުމުގެ ބަދަލުގައި ސްޓާމާ ވިދާޅުވީ، އިނގިރޭސިވިލާތުން ތާއީދު ކުރަނީ އީރާނުން ނިއުކްލިއާ ހަތިޔާރު އުފެއްދުން ހުއްޓުވުމަށް ކަމަށެވެ.
ސްޓާމާ ދެއްވި ޖަވާބުގެ މާނަ އަކީ އެމެރިކާ އިން ހަމަލާ ދިނުމަށް ތާއީދު ކުރުންތޯ ދެންނެވުމުން ސްޓާމާ ވިދާޅުވީ، އިނގިރޭސިވިލާތުން ތާއީދު ކުރަނީ ހާސިލު ކުރަން ބޭނުންވާ އަމާޒަށް ކަމަށެވެ.
