ކައުންސިލްތަކުގެ ލީގަލް އޮފިސަރުން ގެ މުސާރައަށް ގެނެވުނު ބަދަލާ ގުޅޭގޮތުން ހުށަހެޅުއްވި ކަންބޮޑުވުންތަކަށް އަދިވެސް ޖަވާބު ނުލިބޭ: މެންބަރު މުޙައްމަދު އިބްރާހިމް
ނޮވެމްބަރު މަހުން ފެށިގެން ގެއަށް ގެންދަން ލިބޭ މުސާރަ ކުޑަވެ، ސަލާމް ނުވަތަ ޗުއްޓީގައި ހުންނައިރު ކުރިން ލިބޭ މުސާރަ އާއި އިނާޔަތް ނުލިބޭ މައްސަލަތައް ހިމެނޭ. މިއަދާ ހަމައަށް ވެސް ހުށަހެޅި ޕެޓިޝަންތަކަށް ޖަވާބެއް ލިބިފައި ނުވޭ. ކައުންސިލްތަކުގެ މުވައްޒަފުން ހިމެނޭހެން ސިވިލް ސާވިސްގެ ހުރިހާ މުވައްޒަފުންނާއި ޖުޑިޝަރީގެ މުވައްޒަފުންގެ ޕޭ ހާމަނައިޒް ކުރެވި މުސާރަ ބޮޑުކުރިއިރު، ދައުލަތުގެ ސިވިލް ސާވިސްގެ އިދާރާތަކާއި ލޯކަލް ކައުންސިލްތަކުގެ ލީގަލް އޮފިސަރުންނަކީ ވެސް އެބައިގައި ހިމެނޭ ބަޔަކަށްވާތީ އެ މުވައްޒަފުންގެ މުސާރަ އާއި އިނާޔަތަށް ވަނީ އުނިކަން އައިސްފައި ކަމަށް އޭނާ ވިދާޅުވި.
ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ | ރައްޔިތުންގެ މަޖިލިސް
ޕޭ ހާމަނައިޒޭޝަންގެ ދަށުން ލޯކަލް ކައުންސިލްތަކުގެ ލީގަލް އޮފިސަރުންގެ މުސާރައަށް ގެނެވުނު ބަދަލާ ގުޅޭގޮތުން ހުށަހެޅުއްވި ކަންބޮޑުވުންތަކަށް ނޭޝަނަލް ޕޭ ކޮމިޝަން އިން އަދިވެސް ޖަވާބު ނުލިބޭ ކަމަށް ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު މުޙައްމަދު އިބްރާހިމް (ކުޑޫ) ވިދާޅުވެއްޖެ އެވެ.
ޝަކުވާތަކަށް އަދިވެސް ޖަވާބެއް ނުލިބޭ ކަމަަށް ވިދާޅުވެ އެކްސް ގައި ކުރި ޕޯސްޓެއްގައި ކުޑޫ ވިދާޅުވީ، އެ ކަންބޮޑުވުންތައް ޕޭކޮމިޝަނަށް ހުށަހެޅުއްވީ މިދިޔަ މަހުގެ ހަތްވަނަ ދުވަހު ކަމަށެވެ. އަދި މިއަދާ ހަމައަށް ވެސް އެ ކަންބޮޑުވުންތަކަށް މިނިސްޓްރީން ޖަވާބު ނުދޭ ކަމަށް ކުޑޫ ވިދާޅުވި އެވެ.
ރައީސް މުހައްމަދު މުއިއްޒު ގެ ސަރުކާރުން ބޮޑު ކުރި މުސާރަ އާ އެކު ލީގަލް އޮފިސަރުން ގެ މުސާރަ އާއި އިނަޔާތްތައް ކުޑަވެފައިވާތީ ކަންބޮޑުވުން ފާޅުކޮށް 10 ތަނަކަށް ޕެޓިޝަނެއް ވެސް ވަނީ ހުށަހަޅާފަ އެވެ. ނަމަވެސް މިއަދާ ހަމައަށް މި ޕެޓިޝަންއާ ހުށަހެޅި އެއްވެސް ސިޓީއަކަށް ވެސް ޖަވާބެއް ލިބިފައިނުވެ އެވެ.
ޕޭ ހާމަނައިޒޭޝަންގެ ދަށުން ލޯކަލް ކައުންސިލްތަކުގެ ލީގަލް އޮފިސަރުންގެ މުސާރައަށް ގެނެވުނު ބަދަލާ ގުޅޭގޮތުން މެންބަރު ކުޑޫ ހުށަހެޅުއްވި ކަންބޮޑުވުންތަކުގެ ތެރޭގައި، މިދިޔަ ނޮވެމްބަރު އެކަކުން ފެށިގެން ގެއަށް ގެންދަން ލިބޭ މުސާރަ ކުޑަވެ، އެ މުވައްޒަފުންނަށް މައިގްރޭޝަން އެލަވަންސް ހިސާބުކުރީ ހާޒިރީ އެލަވަންސް ހިމަނައިގެން ކަމަށްވީތީ ސަލާމް ނުވަތަ ޗުއްޓީގައި ހުންނައިރު ކުރިން ލިބޭ މުސާރައާއި އިނާޔަތް ނުލިބުން ހިމެނެ އެވެ. އަދި އޭގެއިތުރުން އެހެން ކަންކަން ވެސް ވަނީ ފާހަގަކުރައްވައިފަ އެވެ.
ކައުންސިލްތަކުގެ މުވައްޒަފުން ހިމެނޭހެން ސިވިލް ސާވިސްގެ ހުރިހާ މުވައްޒަފުންނާއި ޖުޑިޝަރީގެ މުވައްޒަފުންގެ ޕޭ ހާމަނައިޒް ކުރެވި މުސާރަ ބޮޑުކުރިއިރު، ދައުލަތުގެ ސިވިލް ސާވިސްގެ އިދާރާތަކާއި ލޯކަލް ކައުންސިލްތަކުގެ ލީގަލް އޮފިސަރުންނަކީ ވެސް އެބައިގައި ހިމެނޭ ބަޔަކަށްވާތީ އެ މުވައްޒަފުންގެ މުސާރަ އާއި އިނާޔަތަށް ވަނީ އުނިކަން އައިސްފައި ކަމަށް އޭނާ ވިދާޅުވި އެވެ.
