މާލޭގެ މޭޔަރުގެ ޓިކެޓް އާދަމް އާޒިމް ކާމިޔާބު ކުރައްވައިފި
ހުކުރު ދުވަހު ބޭއްވި އެމްޑީޕީގެ ލޯކަލް ކައުންސިލް އިންތިހާބުގެ ޕްރައިމަރީގެ ވަގުތީ ނަތީޖާ ދައްކާ ގޮތުން މާލެ ސިޓީގެ މޭޔަރު ކަމުގެ ޓިކެޓް ލިބިވަޑައިގަންނަވަނީ މިހާރުގެ މޭޔަރު އާދަމް އާޒިމަށް.
މާލެ ސިޓީގެ މޭޔަރު އާދަމް އާޒިމް | މާލެ ސިޓީ ކައުންސިލް
ހުކުރު ދުވަހު ބޭއްވި އެމްޑީޕީގެ ލޯކަލް ކައުންސިލް އިންތިހާބުގެ ޕްރައިމަރީގައި މާލެ ސިޓީގެ މޭޔަރު ކަމުގެ ޓިކެޓް މިހާރުގެ ވެސް މޭޔަރު އާދަމް އާޒިމް ކާމިޔާބު ކުރައްވައިފި އެވެ.
ހުކުރު ދުވަހު ކުރިއަށް ގެންދިޔަ ޕްރައިމަރީ ގައި މާލެ ސިޓީގެ މޭޔަރު ކަމަށް ޕްރައިމަރީ ގައި ވާދަކުރެއްވީ މިހާރުގެ މޭޔަރު އާދަމް އާޒިމްގެ އިތުރުން އަލީ އާޒިމް އެވެ.
މިހާތަނަށް ގުނާފައިވާ ނަތީޖާތައް ދައްކާ ގޮތުން އަލީ އާޒިމްގެ މައްޗަށް އާދަމް އާޒިމް ކުރި ހޯއްދަވާފައިވަނީ 60 އިންސައްތައަށް ވުރެ މަތިންނެވެ. މާލޭގެ 17 ދާއިރާއެއްގެ ވޯޓުލުން ކުރިއަށް ގެންދިޔަ އެވެ.
އެމްޑީޕީގެ ޕްރައިމަރީގައި 2 އާޒިމް ވާދަ ކުރެއްވި އިރު، ކުރީގެ ރައީސް އިބްރާހިމް މުހައްމަދު ސޯލިހް ތާއީދު ކުރެއްވީ އާދަމް އާޒިމަށެވެ. އަދި ކުރީގެ ރައީސް މުހައްމަދު ނަޝީދު ތާއީދު ކުރެއްވީ އަލީ އާޒިމަށެވެ.
