ރައީސް މުޢިއްޒު ގެ ސަރުކާރަކީ ލާމަރުކަޒީ ނިޒާމަށް ތާއީދުކުރާ ސަރުކާރެއް ނޫން: ރައީސް ސޯލިހް
ކުރީގެ ރައީސް އިބްރާހީމް މުހައްމަދު ސޯލިހު ވިދާޅުވީ ރައީސް މުއިއްޒުގެ ސަރުކާރަކީ ލާމަރުކަޒީ ނިޒާމަށް ތާއީދުކުރާ ސަރުކާރެއް ނޫންކަމަށާއި މިސަރުކާރުން ދަނީ ބާރުތައް އެއްކުރަމުންކަމަށް. ލާމަރުކަޒީ ނިޒާމު ހަރުދަނާކޮށް ބާރުތައް ރައްޔިތުންގެ އަތްމައްޗަށް ގެނައުމަށް އެމްޑީޕީން މަސައްކަތް ކުރަންޖެހޭކަމަށާއި ރާއްޖެއަށް ތަރައްގީ ގެނެވޭނީ ބާރުތައް ދޫކޮށްލައިގެންކަމަށް އެމަނިކުފާނު ވިދާޅުވި.
ކުރީގެ ރައީސް އިބްރާހިމް މުހައްމަދު ސޯލިހް | ރާއްޖެ އެމްވީ
ރައީސް ޑރ. މުހައްމަދު މުޢިއްޒު ގެ ސަރުކާރަކީ ލާމަރުކަޒީ ނިޒާމަށް ތާއީދުކުރަ ސަރުކާރެއް ނޫންކަމަށް ކުރީގެ ރައީސް އިބްރަހިމް މުހައްމަދު ސޯލިހް ވިދާޅުވެއްޖެ އެވެ.
ލޯކަލް ކައުންސިލް އަދި ޑަބްލިއުޑީސީގެ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޕްރައިމަރީގައި ވޯޓުލެއްވުމަށްފަހު ރާއްޖެ އެމްވީ އަށް ދެއްވި ބަސްތީގަތުމެއްގަ ރައީސް ސޯލިހު ވިދާޅުވީ، ރައީސް މުޢިއްޒު ގެ ސަރުކާރަކީ ލާމަރުކަޒީ ނިޒާމަށް ތާއީދުކުރާ ސަރުކާރެއް ނޫން ކަމަށާއި އެއްވެސް ހާލެއްގައި ބާރުތައް ދޫކޮށްލައިގެން ވެރިކަން ކުރަން އެނގޭ ބޭފުޅުންނެއް ނޫން ކަމަށެވެ.
އަދި ލާމަރުކަޒީ ނިޒާމު ހަރުދަނާކޮށް ރައްޔިތުންގެ އަތްމައްޗަށް ބާރުތައް އަނެއްކާވެސް ގެނައުމަށްޓަކައި އެމްޑީޕީން ބުރަ މަސައްކަތްތަކެއް ކުރަން ޖެހިފައިވާކަން ފާހަގަ ކުރައްވާ ރައީސް ސޯލިހް ވިދާޅުވީ، މިސަރުކާރުން ދަނީ ފަހަރަކަށްވުރެ ފަހަރެއް ބާރުތައް އެއްކުރަމުންކަމަށެވެ.
ލާމަރުކަޒީ ނިޒާމު އޮންނަ ގޮތުން، މިހާރު އޮތްގޮތުންވެސް ސަރުކާރަށް ބަޖެޓުން ވަކިބައެއް ކައުންސިލްތަކަށް ދޫކޮށްލަން އެބަޖެހޭ ވަކިބައެއް. އެހިސާބުން ކަންކުރުމުގެ ބާރު މިއޮންނަނީ ކައުންސިލް ތަކަށް. މިއީ އެއްވެސް ހާލަތެއްގައި މައިސަރުކާރުން ކަންބޮޑުވާންޖެހޭ ކަމެއް ނޫން. އަޅުގަނޑު ގަބޫލުކުރާ ގޮތުގައި ރާއްޖެ އަށް ތަރައްގީ އަދިވެސް ގެނެވޭނީ ބާރުތައް ދޫކޮށްލައިގެން.ރައީސް އިބްރާހިމް މުހައްމަދު ސޯލިހް
މީގެއިތުރުން ރައީސް ސޯލިހް ވިދާޅުވި، ލޯކަލް ކައުންސިލް އިންތިޚާބާއި ޑަބްލިއުޑީސީގެ އެމްޑީޕީ ޕްރައިމަރީ އަކީ މިހާތަނަށް ބޭއްވޭ މިފަދަ އެންމެ އިންސާފުވެރި، މިނިވަން އިންތިޚާބު ކަމަށެވެ. އަދި މިއީ ޑިމޮކްރަސީ އެއްގައި އަންނަނާނެ އެންމެ އުފާވެރި ދުވަސް ކަމަށް ރައީސް ސޯލިހް ވިދާޅުވި އެވެ.
އެމަނިކުފާނު ވިދާޅުވި، މިއީ ރައްޔިތުންގެ ބާރުވެރިކަން ދައްކުވައިދޭ ދުވަސް ކަމަށާއި މި އިންތިޚާބަށް ފަހު ވެސް ބަލިވާ ކެނޑިޑޭޓުން އެމްޑީޕީ އާއި އެކުގައި ތިބުމަކީ އެދިވަޑައިގަންނަވާ ގޮތް ކަމަށެވެ.
