މަދޫރޯ ހައްޔަރު ކުރުމަށް އެމެރިކާ އިން ހިންގި އޮޕަރޭޝަން ގައި ސެކިއުރިޓީގެ ޓީމުގެ ގިނަ މީހުން ވަނީ މަރުވެފައި
މި ހާދިސާ ގައި މަރުވި މީހުންގެ ސީދާ އަދަދެއް ހާމައެއް ނުކުރޭ.
އެމެރިކާ އިން ވެނެޒުއެލާ އަށް ދިން ހަމަލާ ގައި ގެއްލުން ލިބިފައިވާ އެޕާޓްމަންޓް އިމާރާތެއް ބަޔަކު ބަލަނީ
ވެނެޒުއޭލާގެ ރައީސް ނިކޮލަސް މަދޫރޯ ހޮނިހިރު ދުވަހު ހައްޔަރުކުރުމަށް އެމެރިކާ އިން ހިންގި އަސްކަރީ ހަރަކާތުގައި، މަދޫރޯގެ ސެކިއުރިޓީ ޓީމުގެ ބޮޑު ބައި މަރުވެފައިވާ ކަމަށް އެ ގައުމުގެ ޑިފެންސް މިނިސްޓަރު ޖެނެރަލް ވްލަޑިމިއާ ޕަޑްރީނޯ ވިދާޅުވެއްޖެ އެވެ.
އާދީއްތަ ދުވަހުގެ ހެނދުނު ޓީވީ މެދުވެރިކޮށް ދެއްވި ބަޔާނެއްގައި ޕަޑްރީނޯ މިހެން ވިދާޅުވި ނަމަވެސް، މި ހާދިސާ ގައި މަރުވި މީހުންގެ ސީދާ އަދަދެއް ހާމައެއް ނުކުރައްވަ އެވެ. މީގެ އިތުރުން، ގައުމުގެ މިނިވަންކަމާއި ސިޔާދަތު ދެމެހެއްޓުމަށްޓަކައި، މުޅި ގައުމުގައި ސިފައިން މިހާރު ހަރަކާތްތެރިވަމުންދާ ކަމަށްވެސް އޭނާ ވިދާޅުވި އެވެ.
