ވިޔަފާރިއެއް ހުއްދަ ނެތި ކުރަމުން ދިޔަ ބިދޭސީއެއް ހައްޔަރު ކުރުމުން އޭނާ ހައްޔަރު ކޮށްފައިވަނީ ޖިނާއީ ކުށެއް ކުރަނިކޮށް ކަމުގައި ނުވާތީ ކޯޓުން އެމީހާ މިނިވަން ކޮށްފި
ބަންގްލަދޭޝް އަށް ނިސްބަތްވާ 36 އަހަރުގެ ރަޝީދު ހުއްދަ ނެތި ވިޔަފާރި ކުރާތީ ހައްޔަރު ކުރި. ކަސްޓޯޑިއަލް ޖަލެއްގައި ބަންދު ކުރުމަށް އެދުނު ނަމަވެސް ހައްޔަރު ކުރީ ޖިނާއީ ކުށެއް ކުރަނިކޮށް ކަމުގައި ނުވާތީ ކްރިމިނަލް ކޯޓުން އޭނާ ވަނީ ދޫކޮށްލާފައި.
އިމިގްރޭޝަންގެ ބެލުމުގެ ދަށަށް ގެނައި ބިދޭސީންތަކެއް އުޅަނދަށް އަރުވަނީ- (ފައިލް)
ވަކި ގަވާއިދަކުން ހިންގަންޖެހޭ ވިޔަފާރިއެއް ހުއްދަ ނެތި ކުރަމުން ދިޔަ ބިދޭސީއެއް ހައްޔަރު ކުރުމުން އޭނާ ހައްޔަރު ކޮށްފައިވަނީ ޖިނާއީ ކުށެއް ކުރަނިކޮށް ކަމުގައި ނުވާތީ ކްރިމިނަލް ކޯޓުން އެމީހާ މިނިވަން ކޮށްފި އެވެ.
ވަކި ގަވާއިދަކުން ހިންގަންޖެހޭ ވިޔަފާރިއެއް ހުއްދަ ނެތި ކުރަމުން ދަނިކޮށް ހައްޔަރު ކޮށްފައިވަނީ ބަންގްލަދޭޝް އަށް ނިސްބަތްވާ 36 އަހަރުގެ ރަޝީދް ނަމަކަށް ކިޔާ ފިރިހެނެކެވެ.
މިމަހުގެ 25 ވަނަ ދުވަހު ފުލުހުން ވަނީ އެ މީހާ ކަސްޓޯޑިއަލް ޖަލެއްގައި ބަންދުކޮށް ދިނުމުގެ އަމުރަކަށް އެދިފަ އެވެ.
ނަމަވެސް އެ މީހާ ހައްޔަރުކޮށްފައި ވަނީ ޖިނާއީ ކުށެއް ކުރަނިކޮށް ކަމުގައި ނުވާތީ އެއްވެސް ޝަރުތަކާ ނުލައި ބަންދުން ދޫކުރުމަށް ކޯޓުން ވަނީ އަމުރު ކޮށްފަ އެވެ.
މިފަދަ އަމުރެއް ކޯޓުން ކޮށްފައިވާއިރު، ރާއްޖޭގައި ގަވާއިދާ ހިލާފަށް ބިދޭސީން ވިޔަފާރި ކުރާ މައްސަލަ ވަރަށް ބޮޑުކަން ވަނީ ފާހަގަ ކުރެވިފަ އެވެ. ބިދޭސީންގެ މައްސަލަ ހައްލު ކުރުމަށް އިމިގްރޭޝަނުން ކަމާގުޅުން ހުރި މުއައްސަސާތަކާ ގުޅިގެން ޚާއްސަ އޮޕަރެޝަނެއް ވެސް ކުރިއަށް ގެންދާއިރު، މި އޮޕަރޭޝަން ގައި ވެސް އަތުލައިގަނެވޭ ގިނަ އަދަދެއްގެ ބިދޭސީން ޑީޕޯޓު ކުރާ ކަމަށް އިމިގްރޭޝަނުން ބުނެ އެވެ.
