އީރާނަށް އަލުން ހަމަލާ ދިނުމާ ބެހޭ ގޮތުން ނަތަންޔާހޫ ޓްރަމްޕް އަށް މައުލޫމާތު ދޭން ޕްލޭން ކުރަނީ: ރިޕޯޓު
20 ޑިސެމްބަރު 2025 | ހޮނިހިރު 16:04ޖޫން މަހު އެމެރިކާ އިން ބޮމުގެ ހަމަލާދިން އީރާނުގެ ނިއުކްލިއަރ ސައިޓްތައް އަލުން ތަރައްގީ ކުރުމަކީ އިޒްރޭލުގެ އޮފިޝަލުން ކަންބޮޑުވާ ކަމަކަށް ވާތީ އީރާނުގެ މިސައިލް ޕްރޮގްރާމަށް އަލުން ހަމަލާދިނުމުގެ އޮޕްޝަންތަކާ ބެހޭ ގޮތުން މައުލޫމާތު ދިނުމަށް ނަތަންޔާހޫ ތައްޔާރުވަމުންދާ ކަމަށް ރިޕޯޓުތައް ބުނޭ.
އިޒްރޭލާއި އީރާނުގެ ދިދަ
އީރާނަށް އަލުން ހަމަލާ ދިނުމާ ބެހޭ ގޮތުން އިޒްރޭލުގެ ބޮޑު ވަޒީރު ނަތަންޔާހޫ އެމެރިކާގެ ރައީސް ޓްރަމްޕް އަށް މައުލޫމާތު ދޭން ޕްލޭން ކުރަމުންދާ ކަމަށް ރިޕޯޓު ކޮށްފި އެވެ.
އެމެރިކާގެ ރައީސް ޑޮނަލްޑް ޓްރަމްޕަށް އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ މަޢުލޫމާތު ދިނުމަށް ހަމަޖެހިފައި ވަނީ އީރާނުގެ ބެލިސްޓިކް މިސައިލް ޕްރޮގްރާމް ފުޅާކުރުމަކީ އަވަސް ފިޔަވަޅު އަޅަން ބޭނުންވެދާނެ ފަދަ ނުރައްކަލެއް ކަމަށް އިޒްރޭލުން ދެކޭތީ ކަމަށް، ހޮނިހިރު ދުވަހު އެންބީސީ ނިއުސް އިން ރިޕޯޓްކޮށްފައިވެ އެވެ.
ޖޫން މަހު އެމެރިކާ އިން ބޮމުގެ ހަމަލާދިން އީރާނުގެ ނިއުކްލިއަރ ސައިޓްތައް އަލުން ތަރައްގީ ކުރުމަށް މަސައްކަތް ކުރަމުން ދިއުމަކީ އިޒްރޭލުގެ އޮފިޝަލުން ކަންބޮޑުވާ ކަމަކަށް ވާތީ އީރާނު ގެ މިސައިލް ޕްރޮގްރާމަށް އަލުން ހަމަލާ ދިނުމަށް ހުރި އޮޕްޝަން ތަކާ ބެހޭ ގޮތުން ނަތަންޔާހޫ ޓްރަމްޕަށް މަޢުލޫމާތު ދިނުމަށް ތައްޔާރުވަމުންދާ ކަމަށް އެންބީސީ ރިޕޯޓުގައި އިތުރަށް ބުނެފައިވެއެވެ.
މަސްދަރު: ރޮއިޓާސް
