އޮސްލޯ ގައި ހުންނަ އީރާން ހިއުމަން ރައިޓްސް ގުރޫޕުން އެކްސްގައި ބުނީ މަރުގެ އަދަބު ދިނީ އުމުރުން 27 އަހަރުގެ އާކިޓެކްޗަރ ދަރިވަރަކަކަށް ކަމަށް.
އީރާނުގައި މަރުގެ ހުކުމް ތަންފީޒު ކުރި ތަނެއްގައި ހުރި ފުލުސް މީހާ އާއި ދަންމަޅީގެ ހިޔަނި (ފައިލް)
އިޒްރޭލަށް ޖާސޫސް ކޮށްދިން ކަމުގެ ކުށުގައި އީރާނުން ހޮނިހިރު ދުވަހު އެ ގައުމުގެ ރައްޔިތެއްގެ މައްޗަށް މަރުގެ ހުކުމް ތަންފީޒު ކޮށްފި ކަމަށް އެ ގައުމުގެ ޝަރުއީ ދާއިރާގެ ޚަބަރުތައް ގެނެސްދޭ މިޒާން ނޫސް އޭޖެންސީން ރިޕޯޓް ކޮށްފިއެވެ.
އިޒްރޭލުގެ ޖާސޫސީ ޚިދުމަތްތަކާ ގުޅުން ހުރި ކަމަށް ބުނެ އަދި އީރާނުގައި އިޒްރޭލުގެ ހަރަކާތްތައް ހިންގުމަށް މަދަދުވެރިވި ކަމުގެ ތުހުމަތު ގައި ގިނަ ބަޔަކަށް މަރުގެ އަދަބު ދީފައިވެއެވެ.
އޮސްލޯ ގައި ހުންނަ އީރާން ހިއުމަން ރައިޓްސް ގުރޫޕުން އެކްސްގައި ބުނީ، އުމުރުން 27 އަހަރުގެ އާކިޓެކްޗަރ ދަރިވަރު އާގިލް ކެޝަވަރޒް އަށް މަރުގެ ހުކުމް އިއްވީ އިޒްރޭލަށް ޖާސޫސް ކޮށްދިނުމުގެ ތުހުމަތުގައި "އަނިޔާ ދީގެން ނެގި އިއުތިރާފު ބަޔާންތަކުގެ މައްޗަށް ބިނާކޮށް" ކަމަށެވެ.
