ބުރާސްފަތި ދުވަހުގެ ރޭ ހުޅުމާލެ ފޭސް 2 ގެ ރައްޔިތުންނާ ރައީސް ބައްދަލުކުރައްވަނީ
ރައީސް މުޢިއްޒު ބާއްވަމުން އަންނަ ސިލްސިލާ ބައްދަލުވުންތަކުގެ ތެރެއިން ހުޅުމާލޭ ދެވަނަ ފިޔަވަހީގައި ދިރިއުޅޭ ރައްޔިތުންނާ ބުރާސްފަތި ދުވަހުގެ ރޭ ބައްދަލުކުރައްވާނެ. މި ބައްދަލުވުން އޮންނާނީ ބުރާސްފަތި ދުވަހުގެ ރޭގަނޑު 20:30 ގައި ހުޅުމާލެ ފޭސް 2 ޞަލާޙުއްދީން ސްކޫލްގަ. މިއިން ކޮންމެ ބައްދަލުވުމެއްގައިވެސް ގިނަ އަދަދެއްގެ ރައްޔިތުން ދަނީ ރައީސް މުއިއްޒުއާއި ސަރުކާރުގެ ނާޤާބިލްކަން ފާހަގަކޮށް ފާޑުކިޔަމުން. ވައުދު ނުފުއްދާތީ އެ ކަންބޮޑުވުންތައް އާއްމުން ދަނީ ކެނޑިނޭޅި ހިއްސާކުރަމުން.
ކޮންމެ ކަމެއްވެސް ނިޒާމުގެ ތެރެއިން ކޮށްދެއްވާނެކަމަށާ، މިހާރު ކުރެވެމުންދާ ކަންކަން ރަނގަޅުކުރެއްވުމަށްވެސް މަސައްކަތްކުރައްވާނެކަމުގެ ޔަޤީންކަން ރައީސުލްޖުމްހޫރިއްޔާ ދެއްވައިފި
މާލެ އެކި އަވަށްތަކުގެ ރައްޔިތުންނާ ބައްދަލު ކުރެއްވުމަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބާއްވަމުން އަންނަ ސިލްސިލާ ބައްދަލުވުންތަކުގެ ތެރެއިން ހުޅުމާލޭ ދެވަނަ ފިޔަވަހީ ގައި ދިރިއުޅޭ ރައްޔިތުންނާ ބުރާސްފަތި ދުވަހުގެ ރޭ ބައްދަލުކުރައްވާނެ އެވެ.
މި ބައްދަލުވުން އޮންނާނީ ބުރާސްފަތި ދުވަހުގެ ރޭގަނޑު 20:30 ގައި ހުޅުމާލެ ފޭސް 2 ޞަލާޙުއްދީން ސްކޫލްގަ އެވެ.
ހުޅުމާލެ ހިމެނޭހެން މާލޭގެ ހުރިހާ އަވަށްތަކުގެ ރައްޔިތުންނާ ބައްދަލު ކުރައްވާނެ ކަން ރައީސް އިއުލާން ކުރެއްވީ މި ސަރުކާރަށް ދެ އަހަރު ފުރުން ފާހަގަކުރަން މިދިޔަ މަހުގެ 17 ވަނަ ދުވަހުގެ ރޭ ބޭއްވި ހާއްސަ ޖަލްސާގަ އެވެ.
ރައްޔިތުންގެ ޚިޔާލާ މަޝްވަރާ އަދި ހުރި ކަންބޮޑުވުންތައް އަޑު އެއްސެވުމަށް ކަމަށް ވިދާޅުވެ ރައީސް މުއިއްޒު ބާއްވަމުން އަންނަ މި ބައްދަލުވުންތަކުގައި މިހާތަނަށް ވިލިމާލެ، މައްޗަންގޮޅި، މާފަންނު، ހެންވޭރު އަދި ގަލޮޅުގެ ރައްޔިތުންނާ ވަނީ ބައްދަލުކުރައްވާފަ އެވެ. މީގެ އިތުރުން ބުދަ ދުވަހުގެ ރޭ ރައީސް ވަނީ ކުދި އަދި މެދުފަންތީގެ ވިޔަފާރިވެރިންނާ ވެސް ބައްދަލުކުރައްވާފަ އެވެ.
މިއިން ކޮންމެ ބައްދަލުވުމެއްގައި ވެސް ގިނަ އަދަދެއްގެ ރައްޔިތުން ދަނީ ރައީސް މުއިއްޒު އާއި ސަރުކާރުގެ ނާޤާބިލްކަން ފާހަގަކޮށް ފާޑުކިޔަމުންނެވެ. ވައުދު ނުފުއްދާތީ އެ ކަންބޮޑުވުންތައް އާއްމުން ދަނީ ކެނޑިނޭޅި ހިއްސާކުރަމުންނެވެ. އެހެންކަމުން މި ބައްދަލުވުންތައް ވެފައި ވަނީ ސަރުކާރަށް ވަރަށް ބޮޑަށް ޕްރެޝަރ ބޮޑުވެގެންދާ ބައްދަލުވުންތަކަށެވެ.
ބައްދަލުވުންތަކުގައި ރައްޔިތުން ފާހަގަކުރާ ކަންބޮޑުވުންތަކަށް އެކަށީގެންވާ ހައްލެއް ހަގީގީ މާނައިގައި އައިސްފައި ނުވާ ކަމަށް ގިނަ ބަޔަކު ފާހަގަކުރެ އެވެ.
ސަރުކާރަށް ދެ އަހަރު ވެގެން ގޮސްފައިވާއިރު އަދިވެސް ރައީސް މުއިއްޒު އަވަދެނެތި މަސައްކަތް ކުރައްވަނީ ނުފުއްދޭހާ ވައުދުތައް ވަމުން، ރައްޔިތުންގެ ލޮލުގައި އަދިވެސް އިތުރަށް އަނދުން އެޅުވުމަށް ކަމަށް އިދިކޮޅު ސިޔާސީ ފަރާތްތަކުން ވެސް ފާހަގަކުރެ އެވެ.
