2024 ވަނަ އަހަރުން ފެށިގެން 4 ރަށުން އެސްޓީއޯ ރޭޓަށް ތެޔޮ ލިބޭނެކަމުގެ ޔަގީން ކަން ދެއްވުމަށް ފަހު އޭގެ އަހަރެއް ފަހުން އެފަދަ ފުރަތަމަ ޝެޑު ހުޅުވައިފި
2024 ވަނަ އަހަރުގެ މަސްވެރިންގެ ދުވަސް، 10 ޑިސެމްބަރުން ފެށިގެން 4 ރަށެއްގައި ހުންނަ އެސްޓީއޯ ނުވަތަ އެފްއެސްއެމް ސައިޓްތަކުން "އެސްޓީއޯ ރޭޓު" ގައި މަސްވެރިންނަށް ތެޔޮ ލިބޭނެކަމުގެ ޔަގީންކަން ރައީސް ދެއްވީ މިދިއަ އަހަރުގެ ޑިސެމްބަރު 9 ވަނަ ދުވަހު ކ. ގާފަރަށް ވަޑައިގެން، އެ ރަށުގެ ރައްޔިތުންނާ ބައްދަލު ކުރައްވާ އެވެ. އެ ޔަގީންކަން ދެއްވިތާ 1 އަހަރު ފަހުން ރައީސް މިވަނީ ހޮނިހިރު ދުވަހު މަސްވެރިންނަށް އަގު ހެޔޮކޮން ތެޔޮ ފޯރުކޮށްދިނުމަށް ސަރުކާރުން ގާއިމްކުރި ފުރަތަމަ އެސްޓީއޯ ފިއުލް ޝެޑް ރ. ދުވާފަރު ގައި ހުޅުވާދެއްވާފަ އެވެ.
ރައީސް ޑރ. މުހައްމަދު މުއިއްޒު
މިދިއަ 2024 ވަނަ އަހަރުގެ މަސްވެރިންގެ ދުވަސް ކަމުގައި ވާ ޑިސެމްބަރު 10 ވަނަ ދުވަހުން ފަށައިގެން، 4 ރަށަކުން އެސްޓީއޯ ރޭޓު ގައި މަސްވެރިންނަށް ތެޔޮ ލިބޭނެކަމުގެ ޔަގީންކަން ދެއްވުމަށް ފަހު އޭގެ 1 އަހަރު ފަހުން އެ ރޭޓަށް ތެޔޮ ފޯރުކޮށްދިނުމަށް ސަރުކާރުން ގާއިމްކުރި ފުރަތަމަ އެސްޓީއޯ ފިއުލް ޝެޑް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހުޅުއްވައިދެއްވައިފި އެވެ.
2024 ވަނަ އަހަރުގެ މަސްވެރިންގެ ދުވަސް، 10 ޑިސެމްބަރުން ފެށިގެން 4 ރަށެއްގައި ހުންނަ އެސްޓީއޯ ނުވަތަ އެފްއެސްއެމް ސައިޓްތަކުން "އެސްޓީއޯ ރޭޓު" ގައި މަސްވެރިންނަށް ތެޔޮ ލިބޭނެކަމުގެ ޔަގީންކަން ރައީސް ދެއްވީ މިދިއަ އަހަރުގެ ޑިސެމްބަރު 9 ވަނަ ދުވަހު ކ. ގާފަރަށް ވަޑައިގެން، އެ ރަށުގެ ރައްޔިތުންނާ ބައްދަލު ކުރައްވާ އެވެ.
ރައީސް ވިދާޅުވީ އެ 4 ރަށަކީ ކ. ހިންމަފުށި، ގއ. ކޫއްޑޫ، ޅ. ފެލިވަރު އަދި ސ. ހުޅުމީދޫ ކަމަށެވެ. އަދި ގއ. ކޫއްޑޫ، އަދި ޅ. ފެލިވަރު ސަރަޙައްދު ގައި ހަރަކާތްތެރިވާ މިފްކޯގެ ބޯޓުފަހަރުން ވެސް "އެސްޓީއޯ ރޭޓު" ގައި މަސްވެރިންނަށް ތެޔޮ ލިބޭނެ އިންތިޒާމުތައް ހަމަޖެއްސުމަށް މަސައްކަތް ކުރާކަމަށް ވިދާޅުވިއެވެ.
އެ ޔަގީންކަން ދެއްވިތާ 1 އަހަރު ފަހުން ރައީސް މިވަނީ ހޮނިހިރު ދުވަހު މަސްވެރިންނަށް އަގު ހެޔޮކޮށް ތެޔޮ ފޯރުކޮށްދިނުމަށް ސަރުކާރުން ގާއިމްކުރި ފުރަތަމަ އެސްޓީއޯ ފިއުލް ޝެޑް ރ. ދުވާފަރު ގައި ހުޅުވާދެއްވާފަ އެވެ. ނަމަވެސް މިދިޔަ އަހަރު ތޮޔޮ ލިބޭނެ ކަމަށް ވިދާޅުވި ރަށަކުން އެއްވެސް ރަށެއްގައި މިފަދަ ޝެޑެއް ހުޅުވާފައެއް ނުވެއެވެ.
ޖުމުލަ 18 ފިއުލް ސްކިޑެއް ރާއްޖޭގެ އެކި ހިސާބުތަކުގައި ގާއިމުކުރާނެ ކަމަށް ސަރުކާރުން ބުނެފައިވާ އިރު އެ ފިއުލް ސްކިޑުތައް އަންނަ މާޗު މަހުގެ ނިޔަލަށް ގާއިމު ކުރެވޭނެ ކަމުގެ ޔަގީންކަން އެސްޓީއޯ އިން ދީފައިވާ ކަމަށް ވެސް ސަރުކާރުން ބުނެ އެވެ.
މަސްވެރިންގެ ދުވަހުގެ މުނާސަބަތުގައި ރައީސް ދުވާފަރަށް ވަޑައިގެންފައި ވަނީ ބޮޑު ކަންނެލި މަސްވެރިކަމުގައި ހުރި ކަންބޮޑުވުންތަކަށް ސަރުކާރުން އެދެވޭ ހައްލެއް ހޯދައިދީފައި ނުވާ ކަމަށް ބުނެ، ޑިސެމްބަރު މަހުގެ 10 ވަނަ ދުވަހުން ފެށިގެން ބޮޑު ކަންނެލި މަސްވެރިން އިހުތިޖާޖު ކުރި ނަމަވެސް، މަސްވެރިންގެ ކަންބޮޑުވުންތަކަށް ބީރު ކަންފަތެއް ދެއްވުމަށް ފަހުގަ އެވެ.
10 ޑިސެމްބަރުގައި ފާހަގަކުރާ މަސްވެރިންގެ ދުވަހާއި ގުޅިގެން ބޮޑުކަންނެލި މަސްވެރިން ވަނީ ކަނޑުމަތީގައި އިހުތިޖާޖު ކޮށްފަ އެވެ. 49 ދޯންޏާއެކު ފެށި އިހުތިޖާޖުގައި ބޮޑުކަންނެލި މަސްވެރިން ބުނަމުންދަނީ މި ސަރުކާރުން އެ މަސްވެރިންނަށް ވީ ވައުދުތައް ފުއްދައިދިނުމަށެވެ.
މި އިހުތިޖާޖު ގައި މަސްވެރިން މައިގަނޑު ގޮތެއްގައި ސަރުކާރަށް ކުރަމުން ދަނީ 3 ޑިމާންޑެކެވެ.
އެއީ މި ސަރުކާރުގެ މެނިފެސްޓޯގައި ވެސް ހިމަނާފައިވާ ގޮތަށް ސަރުކާރުގެ މަސް ކުންފުނި، މިފްކޯ އަށް ބޮޑު ކަންނެލި ގަންނަން ފެށުމާއި، ކަންނެލި ގަނެވޭނެ އެންމެ ދަށް އަގަކީ 80 ރުފިޔާ އާއި 100 ރުފިޔާ އާ ދެމެދު ކަމަށް ކަނޑައެޅުމުގެ އިތުރުން ބޭސް ރޭޓުގައި މަސްވެރިންނަށް ތެލާއި އައިސް ލިބޭނެ ގޮތް ހަދައިދިނުމެވެ.
