ސަރުކާރުން 2.95 ބިލިއަން ރުފިޔާގެ ޓްރެޜަރީ ބިލު ވިއްކަން ހުޅުވާލައިފި
ސަރުކާރުން 2.95 ބިލިއަން ރުފިޔާގެ ޓްރެޜަރީ ބިލް ވިއްކުމަށް އާ ބުރެއް އިއުލާން ކުރި އިރު މެޗުރިޓީ މުއްދަތު އުޅެނީ 28 ދުވަހުން 364 ދުވަހަށެވެ. އަދި އިންޓަރެސްޓް ރޭޓު އުޅެނީ 3.50% އިން 4.60% އާ ދެމެދުގައި.
ބިޑު ކުރުމެއް ނެތި 200ށް ވުރެ ގިނަ މަޝްރޫއު ކޮންޓްރެކްޓަރުންނަށް ބަހާލި ރަސްމިއްޔާތުގައި ފިނޭންސް މިނިސްޓަރ މޫސަ ޒަމީރު ވާހަކަ ދައްކަވަނީ - 6 ނޮވެމްބަރު 2025
ސަރުކާރުން 2.95 ބިލިއަން ރުފިޔާގެ ޓްރެޜަރީ ބިލް (ޓީ-ބިލު) ވިއްކަން ހުޅުވާލައިފި އެވެ.
މިނިސްޓްރީ އޮފް ފައިނޭންސް އެންޑް ޕްލޭނިން އިން ޓީ-ބިލު ވިއްކަނީ ބަޖެޓުގެ ޚަަރަދުތައް ހަމަ ޖެއްސުމަށް ދަރަންޏަށް ފައިސާ ހޯދުމަށެވެ.
ފިނޭންސުން ކުރި އިއުލާނުގައި ވާ ގޮތުން ޓީ-ބިލު ވިއްކުމަށް ހަމަ ޖެހިފައި ވަނީ 16 ނޮވެމްބަރު 2025 ގަ އެވެ. 17 ނޮވެމްބަރު 2025 ގެ ނިޔަލަށް ފައިސާ ދައްކާ ނިންމަން ޖެހޭ ގޮތައް ވެސް ވަނީ ހަމަ ޖައްސާފައެވެ. ހަތަރު ކެޓަގަރީ އެއްގެ ޓީ-ބިލު ވިއްކުމަށް ހަމަޖައްސާފައި ވާއިރު މެޗުރިޓީ މުއްދަތު އުޅެނީ 28 ދުވަހާއި 364 ދުވަހާ ދެމެދުގަ އެވެ. އިންޓްރެސްޓް ރޭޓްތައް ހުރީ 3.50% އިން 4.60% އާ ދެމެދުގަ އެވެ.
މިނިސްޓްރީން ވިއްކާ ޓީ-ބިލުގެ ތަފްސީލުތަކަކީ:
28 ދުވަހުގެ ޓީ-ބިލް: 1.01 ބިލިއަން ރުފިޔާ، 3.50%، މުއްދަތު ހަމަވާނީ 15 ޑިސެމްބަރު 2025 ގައި.
98 ދުވަހުގެ ޓީ-ބިލް: 50 މިލިއަން ރުފިޔާ، 3.87%، މުއްދަތު ހަމަވާނީ 23 ފެބްރުއަރީ 2026 ގައި.
182 ދުވަހުގެ ޓީ-ބިލް: 989.8 މިލިއަން ރުފިޔާ، 4.23%، މުއްދަތު ހަމަވާނީ 18 މެއި 2026 ގައި.
364 ދުވަހުގެ ޓީ-ބިލް: 907.2 މިލިއަން ރުފިޔާ، 4.60%، މުއްދަތު ހަމަވާނީ 16 ނޮވެމްބަރު 2026 ގައި.
ސަބްސްކްރިޕްޝަންތައް ހުށަހަޅަންޖެހެނީ ރަސްމީ ފޯމު ބޭނުންކޮށްގެން، ވިއްކާ ދުވަހު ހެނދުނު 8:30 އިން 11:00 އާ ދެމެދު މިނިސްޓްރީ އޮފް ފައިނޭންސް އެންޑް ޕްލޭނިންގ އަށެވެ.
