އަސާސީ ކާބޯތަކެތީގެ ލިސްޓަށް އިތުރު ކުރެވުނު ހުރިހާ ކާބޯތަކެތި އެތެރެކޮށް ވިއްކަން ފަށައިފި ކަމަށް އެސްޓީއޯ އިން ބުނެފި

އަސާސީ ކާބޯތަކެތީގެ ލިސްޓަށް އަލަށް އިތުރުކުރެވުނު ހުރިހާ ކާބޯތަކެތި އެތެރެކޮށް ވިއްކަން ފަށައިފި ކަމަށް ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ބުނެފިއެވެ.

އެސްޓީއޯ އިން ބުދަ ދުވަހު ބުނެފައިވަނީ މިކަމަކީ އަސާސީ ކާބޯތަކެތި އަތްފޯރާ އަގުގައި ލިބެން ހުންނާނެކަން ކަށަވަރުvކުރުމަށް ސަރުކާރުން ގެންގުޅޭ ސިޔާސަތާ އެއްގޮތްވާ ގޮތުގެ މަތިން ކުރެވޭ ކަމެއް ކަމަށެވެ. އެސްޓީއޯ އިން ބުނެފައިvވަނީ 23 ބާވަތުގެ އަސާސީ ކާބޯތަކެތި މިހާރު އެސްޓީއޯ ޕީޕަލްސް ޗޮއިސް އައުޓްލެޓްތަކުން ލިބެން ހުންނާނެ ކަމަށެވެ.

އެސްޓީއޯ އިން އިތުރަށް ބުނެފައިވަނީ މި 23 ބާވަތުގެ އަގުތައް ކަނޑައަޅާފައިވަނީ މިހާރު ބާޒާރުގައި ހުރި އަގުތަކަށް ބަލައިގެން ހެޔޮ އަގުގައި ކަމަށާއި، ބާޒާރުގެ ހާލަތަށް ބަލައި އަގުތަކަށް ބަދަލު އަންނާނެ ކަމަށެވެ.

އަސާސީ ކާބޯތަކެތީގެ ލިސްޓަށް އިތުރުކުރި ބާވަތްތައް މިވަގުތު ލިބެން ހުރި އަގުތައް:

1. ދޮންކެޔޮ – ކިލޯ 30ރ
2. އާފަލު – ކިލޯ 40ރ
3. އޮރެންޖު – ކިލޯ 35ރ
4. ލުނބޯ – ކިލޯ 30ރ
5. ޖުމްހޫރީ މޭވާ – ކިލޯ 95ރ
6. އަނބު – ކިލޯ 150ރ
7. ފަޅޯ – ކިލޯ 30ރ
8. ކަރާ – ކިލޯ 15ރ
9. މިރުސް – ކިލޯ 75ރ
10. މޭބިސްކަދުރު – ކިލޯ 125ރ
11. ރަތް ފިޔާ – ކިލޯ 10ރ
12. އިނގުރު – ކިލޯ 45ރ
13. ކެރެޓު – ކިލޯ 50ރ
14. ބަށި – ކިލޯ 28ރ
15. ކައްޓަލަ – ކިލޯ 65ރ
16. ލޮނުމެދު – ކިލޯ 40ރ
17. އަލުވި – ކިލޯ 15ރ
18. ކެބެޖު – ކިލޯ 15ރ
19. ބަރަބޯ – ކިލޯ 12ރ
20. ބޯވެލި – ކިލޯ 75ރ
21. ރީނދޫ މުގު – ކިލޯ 42ރ
22. ކުކުޅު ބިސް – ބިހެއް 2ރ
23. ކާށި – ކިލޯ 25ރ

އެސްޓީއޯ އިން ބުނާގޮތުގައި ބާޒާރުގެ ޑިމާންޑަށް ބަލައި ވިޔަފާރިތަކަށް މި ތަކެތި ފަސޭހައިން ގަނެވޭނެ ގޮތްތަކެއް ހޯދުމަށް މަޝްވަރާތައް ކުރިއަށްދާކަމަށެވެ.

ސެޕްޓެމްބަރު 10، 2025 ގައި ކެބިނެޓުން ފާސްކޮށްފައި ވަނީ 10 ބާވަތެއްގެ މޭވާއާއި، 10 ބާވަތެއްގެ ތަރުކާރީ، އަދި އެހެނިހެން އަސާސީ ކާބޯތަކެތި އެސްޓީއޯ މެދުވެރިކޮށް ގަތުމަށްފަހު ރާއްޖޭގައި ވިއްކުމަށެވެ.