ކ. މާލެ
|
5 ސެޕްޓެންބަރ 2017 | އަންގާރަ 10:55
އިންގްލެންޑް އަދި ސްލޮވާކިއާ ބައްދަލުކުރި މެޗުގެ ތެރެއިން
އިންގްލެންޑް އަދި ސްލޮވާކިއާ ބައްދަލުކުރި މެޗުގެ ތެރެއިން
ގޫގުލް
ކުޅިވަރު
ވޯލްޑްކަޕް ކޮލިފައިން: އިންގްލެންޑް ކިރިޔާ ސަލާމަތްވިއިރު، ޕޯލަންޑް ފަސޭހަ ކަމާއެކު މޮޅުވެއްޖެ
 
އިންގްލެންްްްޑް ސަލާމް ކޮށްދިން ލަނޑު ކާމިޔާބުކުރީ ރަޝްފޯޑް

މިހާރު ކުރިޔަށްދާ ވޯލްޑްކަޕް ކޮލިފައިންގައި ރޭ ކުޅުނު މެޗުތަކުން އިންގްލެންޑް އުނދަގޫ މޮޅެއް ހޯދިއިރު، ޕޮލަންޑް ފަސޭހަ ކަމާއެކު މޮޅުވެއްޖެއެވެ.

އިންގްލެންޑް ރޭ ކުޅުނު މެޗުން މޮޅުވީ ސްލޮވާކިއާއާ ބައްދަލުކޮށް 1-2 ގެ ނަތީޖާއިންނެވެ.

އިންގްލޭންޑްގެ އަމިއްލަ ދަނޑުގައި ކުޅުނު މި މެޗުގެ ތިންވަނަ މިނެޓްގައި ލޮބޮޓްކާ ވަނީ ލަނޑެއް ޖަހާ ސްލޮވާކިއާއަށް މެޗުގެ ލީޑުނަގާދީފައެވެ.

މެޗުގެ ފުރަތަމަ ހާފްގައި ސްލޮވާކިއާ އިން ރަނގަޅު ކުޅުމެއް ދެއްކިއިރު ހާފް ނިމުމުގެކުރިން ނަތީޖާ އެއްވަރުކުރުމަށް އިންގްލޭންޑުން ދިޔައީ ވަރަށް ބުރަކޮށް މަސައްކަތް ކުރަމުންނެވެ. ނަތީޖާއެއްގެ ގޮތުން މެޗުގެ 37 ވަނަ މިނެޓްގައި އެރިކް ޑަޔާ ވަނީ ލަނޑެއް ކާމިޔާބު ކޮށް އެޓީމަށް ނަތީޖާ އެއްވަރުކޮށްދީފައެވެ.

ދެ ޓީމުވެސް އެއްވަރެއްގައި އޮވެ ފުރަތަމަ ހާފް ނިމުނުއިރު ދެވަނަ ހާފްގެ ކުރީކޮޅު މާކަސް ރަޝްފޯޑް ވަނީ ލަނޑެއް ޖަހާ އިންގްލޭންޑަށް މެޗުގެ ލީޑުނަގާދީފައެވެ. ރަޝްފޯޑް މި ގޯލު ކާމިޔާބުކުރީ ސްލޮވާކިއާގެ ޕެނަލްޓީއޭރިއާގެ ބޭރުގައި ހުރެ ފޮނުވާލި ހަމަލާއަކުންނެވެ.

މި ގޯލަށްފަހު ވެސް މި މެޗުގައި ގޯލްޖަހާނެ ރަނގަޅު އިތުރު ފުރުސަތުތަކެއް އިންގްލޭންޑަށް ލިބިފައިވީ ނަމަވެސް އެޓީމަށް ވަނީ މި ފުރުސަތުތަކުގެ ބޭނުން ހިފޭ ގޮތް ނުވެފައެވެ.

ރޭގެ މޮޅާއެކު އިންގްލޭންޑް ގްރޫޕް އެފްގެ އެއްވަނައިގައި 20 ޕޮއިންޓާއެކުއޮތްއިރު، ދެވަނައިގައި 15 ޕޮއިންޓާއެކު އޮތީ ސްލޮވާކިއާއެވެ. ތިންވަނައިގައި 14 ޕޮއިންޓާއެކު އޮތީ ސްލޮވީނިއާއެވެ.

އިންގްލޭންޑް ދެން ކުޅޭ މެޗުގައި ބައްދަލުކުރާނީ ސްލޮވީނިއާއެވެ. މި މެޗުން އެޓީމު މޮޅުވެއްޖެ ނަމަ ވޯލްޑްކަޕަށް ކޮލިފައިވާނެއެވެ.

ވޯލްޑްކަޕް ކޮލިފައިންގައި ރޭ ކުޅުނު މެޗުން ޕޯލަންޑް މޮޅުވެފައިވަނީ ކަޒަކިސްތާނާ ވާދަކޮށް 0-3 ގެ ނަތީޖާއަކުންނެވެ.

ޕޯލަންޑްގެ އަމިއްލަ ދަނޑުގައި ރޭ ކުޅުނު މި މެޗުގައި އެޓީމުގެ ފަރާތުން ރަނގަޅު ކުޅުމެއް ފެނިގެން ދިޔައިރު، މެޗުގެ ފުރަތަމަ ލަނޑު ޖަހާ ލީޑުނަގާފައިވަނީ ވެސް ޕޯލަންޑުންނެވެ. މެޗުގެ 11 ވަނަ މިނެޓުގައި މި ލަނޑު އެޓީމަށް ކާމިޔާބު ކޮށްދިނީ އަކަޑިއުސް މިލިކް އެވެ.

މި ލަނޑާއެކު ލީޑުގައި އޮވެ މެޗުގެ ފުރަތަމަ ހާފު ޕޯލަންޑުން ނިންމާލިއިރު، އެޓީމުގެ ދެވަނަ ލަނޑު ޖަހާ ލީޑު ފުޅާކުރީ 74 ވަނަ މިނެޓުގައި ކެމިލް ގްލިކް އެވެ. ޕޯލަންޑުގެ ތިންވަނަ ލަނޑު މެޗުގެ 86 ވަނަ މިނެޓުގައި ލިބުނު ޕެނަލްޓީއަކުން ކާމިޔާބުކޮށްދިނީ ރޮބަޓް ލެވެންޑޯސްކީއެވެ.

މި ނަތީޖާއާ އެކު ޕޯލަންޑް މިވަގުތު އޮތީ އެޓީމު ހިމެނޭ ގުރޫޕް އީ ގެ އެއްވަނާގައި 19 ޕޮއިންޓާއެކުގައެވެ. ޕޯލަންޑަށްވެސް ދެން ކޮލިފައިންގައި ބާކީ އޮތީ ދެމެޗެވެ. އެއީ އާމީނިއާ އަދި މޮންޓެނިގްރޯ އާ ބައްދަލުކުރާ މެެޗެވެ.

 

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުސެން ފިޔާޒް
0%
100%
0%
0%
0%
0%
ކޮމެންޓް