ސޯޝަލް މީޑިއާގައި ދައުރުވަމުންދާ އޯޑިއޯ އަކީ އެޑިޓެއް، ސައްޔާރާގެ ތީމް ލަވަ މޯދީވެސް ކިޔާފަ އެބައިން: ޝިއުނާ
ރައީސުލްޖުމްހޫރިއްޔާގެ އަނބިކަނަބުލުން މެޑަމް ސާޖިދާ އާއި ރައިސް މުޢިއްޒު އާ ދެމެދު ދެކެވުނު ވާހަކައެއްގެ އޮޑިއޯއެއްވެސް ވަނީ އާންމުވެފައި
މަރިޔަމް ޝިއުނާ އާއި ނަރެންދުރާ މޯދީ
ސޯޝަލް މީޑިއާގައި މިހާރު ދައުރުވަމުންދާ އޯޑިއޯ އަކީ ސީދާ އެޑިޓެއް ކަމަށާއި މިއީ 2025 ވަނަ އަހަރު ކަމުން އަޑުގެ ސާމްޕަލް ނަގައިގެން ކޮންމެ ފަދަ ކަމެއްވެސް ކޮށްފާނެ ކަމަށާއި، ސައްޔާރާގެ ތީމް ލަވަ މޯދީވެސް ކިޔާފަ އިން ކަމަށް ސަރުކާރުގެ އިސް މަޤާމެއްގައި ހުންނެވި، ރައީސް މުއިއްޒުގެ އަރިސް ކަނބަލެއް ކަމަށްވާ މަރިޔަމް ޝިއުނާ ވިދާޅުވެއްޖެ އެވެ.
މި ސަރުކާރު ވެރިކަަމަށް ގެނައުމުގަޔާއި، މިސަރުކާރުގެ ވެރިކަމުގެ ކުރީކޮޅު އިންޑިއާއަށް ފުރައްސާރަ ކުރި މައްސަލައިގައި އަށް މަސްދުވަހު ސަސްޕެންޝަނުގައި ތިބެ މުސާރަ ނެގުމަށްފަހު އިސްތިއުފާ ދިން މަރިޔަމް ޝިއުނާގެ އޯޑިއޯ އެއްކަމަށް ބެލެވޭ އޯޑިއޯ އެއް ދާދިފަހުން ސޯޝަލް މީޑިއާގައި ދަނީ ދައުރުވަމުންނެވެ. އެ އޯޑިއޯ އަކީ ޝިއުނާ ކަމަށް ގިނަބަޔަކު ބުނަމުންދިއުމާއި ގުޅިގެން، ރާއްޖެއެމްވީ އިން ޝިއުނާ އާއި ސުވާލުކުރުމުން އޭނާ ވިދާޅުވީ އެ އޯޑިއޯ އަކީ "ފެބްރިކޭޓް" ކޮށްފަ އިން އެއްޗެއް ކަމަށާއި އެހެން މީހެއްގެ އޯޑިއޯގެ ހަގީގަތެއް ނޭންގޭ ކަމަށާއި ޔަގީނުންވެސް ނަންނަ (ޝިއުނާ) އޭ ކިޔާފަ ލާފައި އިން އޯޑިއޯ އަކީ ސަތޭކަ ޕަސެންޓު އެޑިޓް ކޮށްފަ އިން އެއްޗެއް ކަމަށެވެ.
ދެން ބުނަނީ މުއިއްޒު އެންމެ އެކަނިވެގެން، ޕާޓިތެރެއިން ފިއްތާ ތިހުރިހާ ކަމެއް ކުރި އިރުގައި ސާޖިދާ ނޫންހޯ ކައިރީގަ އިނީ. އެކަމަކު މިހާރު ސާޖިދާއަކަށް ސިޔާސީ ގޮތުން އޭނާއަށް ހިޔާލެއް ދެވޭކަށް..... ސާޖިދާ ދޭ ހިޔާލު ކަމަކު ނުދެޔޯ ކިޔަނީ ކައިރީގަ ހުރެގެންދޯ. ނަންނަ ބުނެބަލާށޯ.ނަންނަ (ޝިއުނާ) މީހަކަށް ގުޅާފައި ރައީސް މުޢިއްޒު ޝިއުނާ ކައިރީ ދެއްކި ވާހަކަ ކަމަށް ބުނެ ކިޔައިދިން ވާހަކައެއްގެ އޯޑިއޯ (ސޯޝަލް މީޑިއާގައި މިހާރު ދައުރުވަމުންދާ އޯޑިއޯއެއް)
ޝިއުނާ ވިދާޅުވީ އެހެން މީހެއްގެ އޯޑިއޯއެއްގެ ހަގީގަތް ނޭންގޭ ކަމަށާއި އަޑުގެ ސާމްޕަލް ނަގައިގެން ކޮންމެ މީހަކަށްވެސް މިހާރު އެޑިޓް ކުރެވިދާނެ ކަމަށެވެ. އަދި "ސައްޔާރާ"ގެ ތީމް ލަވަ މޯދީވެސް ކިޔާފައި އިންކަމަށް ޝިއުނާ ވިދާޅުވި އެވެ.
އެހެން މީހެއްގެ އޯޑިއޯ އެއްގެ ހަގީގަތެއް ނޭނގޭ ކަމަށް ޝިއުނާ ބުނިއިރު ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ އާއި ރައީސް މުޢިއްޒު އާ ދެމެދު ދެކެވުނު ވާހަކައެއްގެ އޮޑިއޯއެއްވެސް ވަނީ އާންމު ވެފަ އެވެ. ބެލެވޭ ގޮތުގައި އެއީ ރައީސް މުއިއްޒުއާއި، މެޑަމް ސާޖިދާ އާއި ދެމެދު ކޮންމެވެސް ކަމަކާ ހިތްހަމަ ނުޖެހިގެން ދެމީހުންގެ ދެމެދު ދެކެވުނު ވާހަކައެއް ކަމަށް ބެލެވެ އެވެ. އެ އޯޑިއޯއިން ސާފު ވާގޮތުގައި "އެނޫން ގޮތަކަށް ކުރާނެ ކަމެއް ނެތް ހެޔޮ އެމީހުން ނުކުރިޔަސް. ނިމުނީ އެންޑް އޮފް ސްޓޯރީ، ސީރިޔަސްކޮށް" މިފަދައިން މެޑަމް ސާޖިދާ ވިދާޅުވި އެވެ. ނަމަވެސް މި އޯޑިއޯ އަކީ ސައްހަ އޯޑިއޯ އެއްކަމެއް ކަށަވަރެއް ނުވެ އެވެ.
