އެމެރިކާގެ މުހިންމު ވެކްސިން އާ ބެހޭ ކޮމިޓީއަކުން، ބޮޑެތި މީހުންނަށް ކޮވިޑް ވެކްސިން ޖެހުމަށް ލަފާ ނުދިނުމަށް ނިންމައިފިއެވެ.

ކޮމިޓީން މިގޮތައް ނިންމި އިރު ބަލިމަޑުކަމަށްފަހު މިހާތަނަށް އޮތީ އެމެރިކާ ރައްޔިތުންނަށް އަހަރަކު އެއްފަހަރު ކޮވިޑް-19 ވެކްސިން ޖެހުމަށް ހުއްދަ ދީފައެވެ.

އެޑްވައިޒަރީ ކޮމިޓީ އޮން އިމިއުނައިޒޭޝަން ޕްރެކްޓިސަސް (އޭސިޕް) އިން ވަނީ ކޮވިޑް ވެކްސިން ޕްރިސްކްރައިބް ކުރުމަށް ތާއީދު ނުކުރުމަށް ވެސް ވޯޓު ދީފައެވެ.

ޕެނަލުން ހުކުރު ދުވަހު ވަނީ، ވޭތުވެދިޔަ އަހަރުތަކުގައި ކޮންމެ އަހަރަކު އެއްފަހަރު ފްލޫ ވެކްސިން ޖެހުން ފަދައިން، ޖެހުމަށް އާންމު ކޮށް ލަފާދީފައިވާ ކޮވިޑް-19 ވެކްސިނާ މެދު ފުޅާ ދާއިރާ އެއްގައި މަޝްވަރާކޮށްފައެވެ.

އޭސިޕް އިން ވަނީ 65 އަހަރުން މަތީގެ މީހުން ފަދަ ރިސްކް ބޮޑު އާބާދީތަކަށް ވެސް ކޮވިޑް ވެކްސިން ޖެހުމަށް ތާއީދު ނުކުރުމަށް ވެސް ވޯޓު ދީފައެވެ.

އޭގެ ބަދަލުގައި އެމީހުން ނިންމީ މެޑިކަލް ޕްރޮފެޝަނަލަކާ މަޝްވަރާ ކުރުމަށް ފަހު އެމީހުންނަށް އަމިއްލައަށް ވެކްސިން ޖެހުމާ މެދު ގޮތެއް ނިންމިދާނެ ކަމަށެވެ.

މެއި މަހު، އެމެރިކާގެ ފެޑެރަލް ސަރުކާރުން ވަނީ ދުޅަހެޔޮ ސިއްހަތެއްގައި ތިބި މާބަނޑު އަންހެނުންނާއި ކުޑަކުދިންނަށް ކޮވިޑް-19 ވެކްސިން ޖެހުމަށް ލަފާދިނުން ހުއްޓާލާފައެވެ.

ބުރާސްފަތި ދުވަހު، ޕެނަލުން ވަނީ 4 އަހަރުން ދަށުގެ ކުދިންނަށް އެމްއެމްއާރްވީ ކޮމްބައިންޑް ވެކްސިން ޖެހުމަށް ލަފާ ނުދިނުމަށް ވޯޓު ދީފައެވެ.

ނަމަވެސް ހުކުރު ދުވަހު ޕެނަލުން ނިންމީ ވަކި ދެ ވެކްސިނެއް ދިނުމަށް ތާއީދު ކުރުމަށެވެ - މީސްލްސް އާއި މަމްޕްސް އާއި ރުބެއްލާއަށް އެއް ވެކްސިން، އަދި ވެރިސެއްލާއަށް އަނެއް ވެކްސިން ދިނުމަށް ފެންނަ ކަމުގައެވެ.