ރާއްޖޭގެ ފުޑް އެންޑް ހޮސްޕިޓަލިޓީ ދާއިރާގެ އެންމެ ބޮޑު އެއް މައުރަޒު ކަމުގައިވާ ފުޑް އެންޑް ހޮސްޕިޓަލިޓީ އޭޝިއާ މޯލްޑިވްސް (އެފްއެޗްއޭއެމް) 2025 ގައި ކޯ ސްޕޮންސަރެއްގެ ގޮތުގައި ސިމްޑީ ގްރޫޕުން ބައިވެރިވާން ނިންމައިފި އެވެ. މި މައުރަޒު ބޭއްވުމަށް ހަމަޖެހިފައިވަނީ ސެޕްޓެމްބަރު 7 އިން 9 އަށް ހުޅުމާލޭ ސެންޓްރަލް ޕާކުގައެވެ.

ސިމްޑީ ގްރޫޕްގެ މެނޭޖިންގ ޑިރެކްޓަރ މިޝާލް އިބްރާހިމް މުޙައްމަދު ދީދީ ވިދާޅުވި ގޮތުގައި، މި މައުރަޒަކީ ރާއްޖޭގެ ކެއުމާއި ހޮސްޕިޓަލިޓީ ދާއިރާގެ އެންމެ ބޮޑު އެއް ހަރަކާތް ކަމަށާއި، މި މައުރަޒުގައި ކޯ ސްޕޮންސަރެއްގެ ގޮތުގައި ބައިވެރިވުމަކީ ކުންފުންޏަށް ލިބޭ ވަރަށް ބޮޑު ފަޚުރެކެވެ.

މި އަހަރުގެ މައުރަޒުގައި ސިމްޑީގެ ޕާޓްނަރުން ޚާއްޞަ ހަރަކާތްތަކެއް ކުރިއަށް ގެންދާނެއެވެ. މީގެ ތެރޭގައި ޑިލްމާ ޓީއިން އިންތިޒާމްކުރާ "ނެޗުރަލް ލަގްޒަރީ ސޮމެލިއަރ ޗެލެންޖް" އަދި ދުނާރުން އިންތިޒާމްކުރާ "ކްރިއޭޓިވް ރައިސް ޑިޝް ކޮމްޕެޓިޝަން" ހިމެނެއެވެ.

2001 ގައި އުފެދުނު ސިމްޑީ ގްރޫޕަކީ 200 އަށްވުރެ ގިނަ ބައިނަލްއަޤްވާމީ ބްރޭންޑްތަކުގެ އުފެއްދުންތައް ރާއްޖެއަށް ގެނެސްދޭ ކުންފުންޏެކެވެ. މި ކުންފުނިން މިހާރު 15،000 އަށްވުރެ ގިނަ އުފެއްދުންތަކާއި ޚިދުމަތްތައް ފޯރުކޮށްދެއެވެ.

އެފްއެޗްއޭއެމް 2025 އަކީ މިހާތަނަށް ބޭއްވޭ އެންމެ ބޮޑު އެފްއެޗްއޭއެމް މައުރަޒު ކަމަށް ވާނެއެވެ. މި މައުރަޒަށް 5،000 އަށްވުރެ ގިނަ ފަރާތްތަކުން ޒިޔާރަތް ކުރާނެ ކަމަށް ލަފާކުރެވޭއިރު، 150 އަށްވުރެ ގިނަ ސްޓޯލް ބެހެއްޓޭނެއެވެ.

މައުރަޒު ބައްލަވަން ވަޑައިގަންނަވާ ފަރާތްތަކަށް ސިމްޑީ ސީޕީޑީ ސްޓޯލާއި ޑިލްމާ ޓީ ސްޓޯލަށް ޒިޔާރަތްކޮށް، ކުންފުނީގެ އުފެއްދުންތަކާއި ވިޔަފާރީގެ ފުރުސަތުތަކާ ބެހޭ މަޢުލޫމާތު ހޯއްދެވުމުގެ ފުރުސަތު ލިބިވަޑައިގަންނަވާނެއެވެ.