ހުޅުމާލޭގައި ކާރެއް ފުރޮޅާލައި އެކްސިޑެންޓެއް ހިނގައިފި
24 އެޕްރީލު 2024 | ބުދަ 04:00އަންހެނަކަށް އަނިޔާވެގެން ދަނީ ފަރުވާދެމުން
ޙުސައިން މަޚްތޫމް | 24 އެޕްރީލު 2024 | ބުދަ 04:00
ފުރޮޅާލި ކާރު
ހުޅުމާލޭގައި ކާރެއް ފުރޮޅާލައި އެކްސިޑެންޓެއް ހިނގައިފިއެވެ.
ފުލުހުން ބުނީ ހުޅުމާލެ ފޭސް 1 ގައި ކާރެއް ފުރޮޅާލައި އެކްސިޑެންޓެއް ހިނގައިގެން އުޅޭކަމަށް ބުދަ ދުވަހުގެ ފަތިހު 5:35 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މި އެކްސިޑެންޓުގައި ކާރުގެ ފަހަތުގައި އިން އަންހެނަކަށް އަނިޔާވެ ހުޅުމާލެ ހޮސްޕިޓަލުގައި ދަނީ ފަރުވާދެމުންނެވެ. އަދި އޭނާގެ ހާލު ސީރިއަސް ނޫންކަމަށް ހޮސްޕިޓަލުން ފުލުހުންނަށް ވަނީ މައުލޫމާތު ދީފައެވެ.
ފުލުހުން ބުނީ ކާރު ދުއްވަން އިން މީހާގެ ލައިސަންސް ހިފަހައްޓާފައިވާ ކަމަށާއި ކާރު ޓޯކޮށްފައިވާ ކަމަށެވެ.
އެކްސިޑެންޓް ވެފައިވަނީ ސެންޓްރަލް ޕާކް ކައިރިންނެވެ. އަދި ކާރު ފުރޮޅާލާ ކާރު ވަނީ ސެންޓްރަލް ޕާކް ތެރެއަށް ވަދެފައެވެ.
