ސިމްޑީގެ އިންޓަރންޝިޕް ޕްރޮގްރާމް ކެއަރ ސޮސައިޓީ އާއެކު ތިންވަނަ އަހަރަށް ކުރިއަށް ގެންދިއުމަށް ނިންމައިފި
ސިމްޑީ ގްރޫޕުން ކެއަރ ސޮސައިޓީއާ ގުޅިގެން ޚާއްސަ އެހީއަށް ބޭނުންވާ ޒުވާނުންނަށް ވަޒީފާގެ ފުރުސަތު ހޯދައިދިނުމަށް ހިންގަމުންދާ އިންޓަރންޝިޕް ޕްރޮގްރާމް ތިންވަނަ އަހަރަށް ކުރިއަށް ގެންދިއުމަށް ނިންމި އިރު މި އަގުހުރި ޕްރޮގްރާމްގެ ސަބަބުން އެތައް ޒުވާނުންނަކަށް މަސައްކަތުގެ ތަޖުރިބާއާއި، އެލަވަންސް އަދި މެންޓަރިންގގެ ފުރުސަތު ލިބި، އެ ޒުވާނުންގެ މުސްތަގުބަލަށް އުއްމީދީ މަގެއް ފަހިވެގެންދެއެވެ.
ސިމްޑީ ގްރޫޕުން ކެއަރ ޑިވެލޮޕްމަންޓް ސެންޓަރުގެ ދަރިވަރުންނަށް މަސައްކަތުގެ ތަޖުރިބާއާއި މަހު އެލަވަންސް ލިބޭގޮތަށް އިންޓާންޝިޕް ޕްރޮގްރާމެއް ހިންގަމުންދޭ
ވިދިވިދިގެން 3 ވަނަ އަހަރަށް ކެއާ ސޮސައިޓީ މޯލްޑިވްސް އާއި އެކު ސީއެސްއާރު އިންޓަރންޝިޕް ޕްރޮގްރާމް ސިމްޑީ ގްރޫޕުން އިތުރުކޮށްފި
ސިމްޑީ ގްރޫޕުން އިޖްތިމާޢީ ޒިންމާގެ ދަށުން ކެއަރ ސޮސައިޓީ މޯލްޑިވްސްއާ ގުޅިގެން ހިންގަމުންދާ އިންޓަރންޝިޕް ޕްރޮގްރާމް ތިންވަނަ އަހަރަށް ކުރިއަށް ގެންދިއުމަށް ނިންމައިފި އެވެ.
މި ޕްރޮގްރާމްގެ ދަށުން ކެއަރ ޑިވެލޮޕްމަންޓް ސެންޓަރުގެ "ރެޑިނެސް ފޮރ އެމްޕްލޯއިމަންޓް" ޕްރޮގްރާމްގެ ދަރިވަރުންނަށް މަސައްކަތުގެ މާހައުލުގައި ތަޖުރިބާ ހޯދުމާއި، ޢަމަލީ ހުނަރު ދަސްކުރުމުގެ ފުރުސަތު ލިބިގެންދެއެވެ. މީގެ އިތުރުން ޕްރޮގްރާމްގައި ބައިވެރިވާ ދަރިވަރުންނަށް މަހު އެލަވަންސްއެއް ލިބޭއިރު، އެ ދަރިވަރުންގެ އަމިއްލަ އަދި ވަޒީފާގެ ކުރިއެރުމަށް އެހީތެރިވެދޭނެ މެންޓަރުންގެ އެހީތެރިކަންވެސް ލިބިގެންދެއެވެ.
މި ޕްރޮގްރާމް ފެށިފައިވަނީ 2023 ވަނަ އަހަރު އަޙްމަދު އާހިލް ނަދީމް ސިމްޑީ ޓެކް ސަރވިސް ސެންޓަރުގައި އިންޓަރންޝިޕް ފުރިހަމަ ކުރުމާ އެކުގައެވެ. 2024 ވަނަ އަހަރު ފާތިމަތު ޝިފާ ވަނީ ސިމްޑީ ގްރޫޕްގެ ދަށުން ހިންގާ އިންސްޓިޓިއުޓް ފޮރ ކައުންސެލިންގ އެންޑް ސައިކޮތެރަޕީ (އައިސީޕީ) ގައި އިންޓަރންޝިޕް ފުރިހަމަކޮށްފައެވެ.
މި އަހަރު ޕްރޮގްރާމްގައި ބައިވެރިވަނީ ފާތިމަތު ޔަދްޔާ ރަޝީދެވެ. ޔަދްޔާއަކީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) ގައި އިންޓަރންޝިޕް ފުރިހަމަކޮށް، ކަސްޓަމަރ ސަރވިސް އަދި ޓެކްނިކަލް މަސައްކަތުގެ ތަޖުރިބާ ލިބިފައިވާ ހީވާގި ދަރިވަރެކެވެ.
"ކެއަރ ސޮސައިޓީއާއެކު ތިން އަހަރު ވަންދެން މަސައްކަތްކުރުމަކީ ސިމްޑީ ގްރޫޕަށް ލިބޭ ޝަރަފެއް. މިއީ ހަމައެކަނި އިންޓަރންޝިޕެއް ނޫން. މިއީ އުއްމީދު ދިނުމާއި، ޤާބިލުކަން އިތުރުކޮށް، އެކުލެވޭ މަސައްކަތުގެ މާހައުލެއް އުފެއްދުމުގެ މަސައްކަތް،" ސިމްޑީ ގްރޫޕްގެ މެނޭޖިންގ ޑިރެކްޓަރ މިޝާލް ދީދީ ވިދާޅުވިއެވެ.
2000 ވަނަ އަހަރު އުފެދުނު ސިމްޑީ ގްރޫޕަކީ ކަސްޓަމަރ ޕްރޮޑަކްޓްސް، ބެވެރެޖަސް، ހޮސްޕިޓަލިޓީ، ޓެކްނޮލޮޖީ އަދި ޚިދުމަތްތަކުގެ ދާއިރާގައި މަސައްކަތްކުރާ ރާއްޖޭގެ އިސް ކުންފުނިތަކުގެ ތެރެއިން ކުންފުންޏެކެވެ. ކުންފުނިން ޑައިބެޓީސް ސޮސައިޓީ އޮފް މޯލްޑިވްސް އަދި ކެންސަރ ސޮސައިޓީ އޮފް މޯލްޑިވްސް ފަދަ ޖަމްޢިއްޔާތަކާ ގުޅިގެންވެސް މަސައްކަތްކުރަމުން ގެންދެއެވެ.
