ސިމްޑީގެ އުފެއްދުންތައް ފުވައްމުލަކުގައި ވިއްކުމަށް ވުޑްލޭން އައްޔަންކޮށްފި

ރާއްޖޭގައި ފުޅާ ދާއިރާއެއްގައި ވިޔަފާރި ކުރަމުން އަންނަ ސިމްޑީ ގްރޫޕުން ފުވައްމުލަކު ސިޓީގައި އެ ކުންފުނީގެ އުފެއްދުންތައް ވިއްކުމަށް ވުޑްލޭން ޕްރައިވެޓް ލިމިޓެޑް އައްޔަންކޮށްފި އެވެ.

ހޯމަ ދުވަހު ސިމްޑީ ގްރޫޕްގެ ހެޑް އޮފީހުގައި ބޭއްވި ރަސްމިއްޔާތެއްގައި މި އެއްބަސްވުމުގައި ސޮއިކުރެއްވީ ސިމްޑީ ގްރޫޕްގެ ޖެނެރަލް މެނޭޖަރ ޔޫޝައު ސަޢީދާއި، ވުޑްލޭން ޕްރައިވެޓް ލިމިޓެޑްގެ މެނޭޖަރ އަބްދުލް ނާސިރު މުޙައްމަދެވެ.

މި އެއްބަސްވުމުގެ ދަށުން ފުވައްމުލަކުގެ ވިޔަފާރިތަކަށާއި ރައްޔިތުންނަށް ސިމްޑީ ކޮންސިއުމަރ ޕްރޮޑަކްޓްސް ޑިވިޜަންގެ އުފެއްދުންތައް ފަސޭހަކަމާއެކު ލިބޭނެ މަގު ތަނަވަސް ވެގެން ދާނެއެވެ. މީގެ ތެރޭގައި ޑިލްމާ ސައި، ހޯލްސްޓަން، ދުނާރު ބާސްމަތީ ހަނޑޫ، ގަރޮފާލޯ ޕާސްތާ، ބޮންކަފޭ އައިކަފޭ، ޓާޓާ ލޮނު، މައިބިޒްކަޓް، ސަންޓަން، ބޭބީ ޗެރަމީ، ޕާމްޕަރސް ޑައިޕަރސް، ޖިލެޓް، ހެޑް އެންޑް ޝޯލްޑަރސް، ޕެންޓީން އަދި ފަޔަރ ބުލް ރާމެން ފަދަ ބްރޭންޑްތައް ހިމެނެއެވެ.

ސޮއިކުރުމުގެ ރަސްމިއްޔާތުގައި ވާހަކަދައްކަވަމުން ސިމްޑީ ގްރޫޕްގެ ޖެނެރަލް މެނޭޖަރ ޔޫޝައު ސަޢީދު ވިދާޅުވީ، "މި އެއްބަސްވުމަކީ ރާއްޖޭގެ ހުރިހާ ރަށަކަށް ފެންވަރު މަތީ ބްރޭންޑްތައް ފޯރުކޮށްދިނުމުގެ ސިމްޑީގެ ވިޝަންގައި އިތުރު ފިޔަވަޅެއް" ކަމަށެވެ.

1972 ގައި އުފެދުނު ސިމްޑީ ގްރޫޕަކީ 200 އަށްވުރެ ގިނަ ބައިނަލްއަޤްވާމީ ބްރޭންޑްތަކެއްގެ ޑިސްޓްރިބިއުޓަރެވެ. ފުވައްމުލަކުގައި ސިމްޑީގެ އުފެއްދުންތައް ހޯދުމަށް ވުޑްލޭން ޕްރައިވެޓް ލިމިޓެޑާ ގުޅުއްވާނީ 7774051 ނަންބަރުންނެވެ.