ޗެނަލް-13 ބްރޯޑްކާސްޓްކުރުން ގަޑި އިރަކަށް މެދުކަނޑާލުމަށް ބްރޯޑްކޮމް އިން އަންގައިފި
ބްރޯޑްކޮމް އިން މިފަދައިން އެންގި ކަމުގައި ވީ ނަމަވެސް ޗެނަލް-13ގެ ބްރޯޑްކާސްޓް މެދުކަނޑާލާފައި ނުވާކަން ފާހަގަކޮށްލެވޭ
ބްރޯޑްކޮމްގެ ބައްދަލުވުމެއްގެ ތެރެއިން
ޗެނަލް-13 ބްރޯޑްކާސްޓްކުރުން ގަޑި އިރަކަށް މެދުކަނޑާލުމަށް މޯލްޑިވްސް ބްރޯޑްކާސްޓިންގ ކޮމިޝަން (ބްރޯޑްކޮމް) އިން އަންގައިފިއެވެ.
ބްރޯޑްކޮމް އިން ފޭސްބުކްގައި ހިއްސާކުރި މެސެޖެއްގައި ބުނެފައި ވަނީ ބްރޯޑްކާސްޓްކުރުމުގެ ޤާނޫނުގެ 44 ވަނަ މާއްދާގެ (ނ) ގެ ދަށުން 21 އޮގަސްޓް 2025 ވަނަ ދުވަހުގެ ރޭ 08:00 ން 09:00 އަށް ޗެނަލް-13 ގެ ޕްރޮގްރާމް ޝެޑިއުލް މެދުކަނޑާލުމަށް 11 އޮގަސްޓް 2025 ގައި ވާނީ މީޑިއާ ރިންގ ޕްރައިވެޓް ލިމިޓެޑަށް އަންގާފަ ކަމަށެވެ.
އަދި މޯލްޑިވްސް ބްރޯޑްކާސްޓިންގ ކޮމިޝަންގެ ޤާނޫނީ ޒިންމާ އަދާކުރުމަށް ހުރަސްއަޅާކަމަށް މި ކޮމިޝަނަށް ފެނިއްޖެ ހިނދެއްގައި އެ ބްރޯޑްކާސްޓަރަކާމެދު ހަރުކަށި ފިޔަވަޅު އަޅާނެ ކަމަށް ވެސް ވަނީ ބުނެފަ އެވެ. ބްރޯޑްކޮމް އިން ބުނީ ޗެނަލް-13 ބްރޯޑްކާސްޓްކުރުން ހުއްޓާލަން އެންގީ އެ ޗެނަލް އިން 30 ޖެނުއަރީގައި އިރާދަން ހަބަރުގައި ބޮޑު ރިޕޯޓް ކޮންޓެންޓް އުސޫލާއި ޚިލާފަށް ބްރޯޑްކާސްޓް ކޮށްފައި ވާތީ ކަމަށެވެ. އަދި އެ އެންގުން އަންގާފައި ވަނީ ވަގުތީ ގޮތުން ބްރޯޑްކާސްޓްކުރުން މެދުކަނޑާލުމަށް ކަމަށް ބްރޯޑްކޮމް އިން ވަނީ ފާހަގަކޮށްފަ އެވެ.
ބްރޯޑްކޮމް އިން މިފަދައިން އެންގި ކަމުގައި ވީ ނަމަވެސް ޗެނަލް-13ގެ ބްރޯޑްކާސްޓް މެދުކަނޑާލާފައި ނުވާކަން ފާހަގަކޮށްލެވެއެވެ.
