ބްރޯޑްކާސްޓިން ކޮމިޝަންގެ މެންބަރެއްގެ، މެންބަރުކަމުގެ މުއްދަތު ހަމަވާތީ މަޖިލީހަށް ހަތަރުނަމެއް ފޮނުވައިފިއެވެ.

ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވި ސިޓީފުޅުގައި ވަނީ، މޯލްޑިވްސް ބްރޯޑްކާސްޓިންގ ކޮމިޝަންގެ މެންބަރު، އަމްޖަދު ވަހީދުގެ މެންބަރުކަމުގެ މުއްދަތު 15 މާޗް 2023ގެ ނިޔަލަށް ހަމަވާތީ، ބްރޯޑްކާސްޓް ކުރުމުގެ ގާނޫނުގެ 6 ވަނަ މާއްދާގެ (ށ) ގައިވާ ގޮތުގެ މަތިން، މޯލްޑިވްސް ބްރޯޑްކާސްޓިން ކޮމިޝަނަށް މެންބަރަކު އައްޔަންކުރުމަށްޓަކައި، އާންމުކޮށް އިއުލާން ކުރުމުން، އެކަމަށް އިޖާބަދެއްވި ބޭފުޅުންގެ ނަންފުޅުތަކާއި، އެ ބޭފުޅުންގެ މައުލޫމާތު ފޮނުއްވާ ކަމަށެވެ.

ރައީސް އިސްކަންދޭ ތަރުތީބުގައި ހިމެނެނީ؛

ރައްޔިތުންގެ މަޖިލީހުގެ މިއަދުގެ ޖަލްސާގައި މި ހަތަރު ނަން ދިރާސާކުރުމަށް ފޮނުވާފައިވަނީ މިނިވަން މުއައްސަސާތަކުގެ ކޮމިޓީއަށެވެ. ބްރޯޑްކޮމްގެ މެންބަރު އަމްޖަދު ވަހީދުގެ މެންބަރުކަމުގެ މުއްދަތު ހަމަވާއިރު ބްރޯޑްކޮމް އިން އަހުމަދު ގައިސް ވަނީ މިދިޔަ ޖެނުއަރީ މަހު އިސްތިއުފާ ދެއްވާފަ އެވެ. ގައިސް އިސްތިއުފާ ދެއްވުމުން ބްރޯޑްކޮމްގެ މެންބަރު ކަމަށް ހުޅުވާލުމުން ފަސް ބޭފުޅަކު ކުރިމަތިލާފައިވެއެވެ.

ބްރޯޑްކޮމްގައި މިހާރު ތިއްބަވަނީ ކޮމިޝަންގެ ރައީސް މަރިޔަމް ވަހީދާއާއި އައިމިނަތު އަމީނާއާއި އަލީ ޔޫސުފާއި މުހައްމަދު ފަޒީނާއި ޝިފްލާ އިބްރާހިމް އަދި އަމްޖަދު ވަހީދެވެ.