ކުރިއަށް އޮތް 4 މަސް ތެރޭ އައްޑޫ އިކުއެޓޯރިއަލް ހޮސްޕިޓަލްގެ ކެތް ލެބްގެ ޚިދުމަތް ފެށޭނެ - ހެލްތް މިނިސްޓަރ

ކުރިއަށް އޮތް 4 މަސް ތެރޭ އައްޑޫ އިކުއެޓޯރިއަލް ހޮސްޕިޓަލްގެ ކެތް ލެބްގެ ޚިދުމަތް ފެށޭނެ ކަމަށް ހެލްތް މިނިސްޓަރ ޢަބްދުالله ނާޒިމް އިބްރާހީމް ވިދާޅުވެއްޖެއެވެ.

އަންގާރަ ދުވަހު ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު، މިނިސްޓަރ އޮފް ހެލްތް އަލްފާޟިލް ޢަބްދުالله ނާޒިމް އިބްރާހީމް އާއި ލިޔުމުން ޖަވާބު ހޯއްދެވުމަށް ކުރައްވާފައި ވަނީ އައްޑޫ އިކުއެޓޯރިއަލް ހޮސްޕިޓަލުގައި ޤާއިމުކުރެވިފައިވާ، ކެތެޓަރައިޒޭޝަން ލެބޯޓަރީ ނުވަތަ ކެތު ލެބުގެ ޚިދުމަތް ދިނުން ނުފެށި ލަސްވަނީ ކީއްވެގެންތޯއެވެ. އަދި އެތަނުގެ ޚިދުމަތް ރައްޔިތުންނަށް ލިބެންފަށާނެ ތާރީޚް ސާފުކޮށްދެއްވުމަށް އެދިވަޑައިގެންފައިވެއެވެ.

އެ ސުވާލުގެ ޖަވާބުގައި ވަޒީރު ވިދާޅުވެފައި ވަނީ އައްޑޫ އިކުއެޓޯރިއަލް ހޮސްޕިޓަލްގައި ކެތްލެބް ޤާއިމްކުރުމަށް އިމާރާތަށް ގެންނަން ޖެހޭ ބަދަލުތައް ގެނެސް މެޝިނަރީސް އިންސްޓޯލް ކުރުމާއި ގުޅުން ހުރި މަސައްކަތްތަކުގެ 98% މިހާރު ނިމިފައިވާ ކަމަށެވެ. އަދި އެ ހޮސްޕިޓަލްގައި ޤާއިމްކުރާ ކެތްލެބް ފުރިހަމަ ގޮތުގައި ހިންގާ ބެލެހެއްޓުމަށް ޝައުގުވެރިވާ ފަރާތްތައް ހޯދުމަށް މިހާރު ވެސް އިއުލާންކޮށްފައިވާ ކަމަށް ވަޒީރު ވަނީ ވިދާޅުވެފައެވެ.

އައްޑޫ ސިޓީގެ ކެތު ލެބުގެ މަސައްކަތް ފެށީ 2022 ވަނަ އަހަރުގެ ސެޕްޓެމްބަރު މަހުގެ ތެރޭގައި ކަމަށް ވާއިރު މި މަސައްކަތް ނިމި މުވައްޒަފުން ތަމްރީން ކުރަން ފެށީ 2023 ވަނަ އަހަރުގެ އޮކްޓޯބަރު މަހުގައި ކަމަށް ހޮސްޕިޓަލުން ކުރިން ވަނީ ބުނެފައެވެ. އެހެން ނަމަވެސް މި ލެބް ނިމުނު ފަހުން ދޮޅު އަހަރު ވެގެން ދިޔައިރު އެ މަސައްކަތް އިތުރު ފަރާތަކާ ހަވާލުނުކޮށް އެވެއވެެ. އޭގެ ފަހު މިހާރު މި ވަނީ އެ މަސައްކަތް ޕްރައިވެޓް ސެކްޓަރާ ހަވާލުކުރުމަށް ނިންމާފައެވެ.