ކާނާ ވިހަވެގެން އައިސީޔޫގައި ފަރުވާ ދެމުންދިޔަ ދަރިވަރު ވޯޑަށް ބަދަލުކޮށްފި
މި ހާދިސާގައި ޖުމްލަ 32 ދަރިވަރަކު ހޮސްޕިޓަލުގައި އެޑްމިޓްކުރި
ލައިޝާ އަހްމަދު | 21 ޖުލައި 2024 | އާދީއްތަ 08:17
އައްޑޫ އިކުއެޓޯރިއަލް ހޮސްޕިޓަލް
ކާނާ ވިހަވެގެން އައްޑޫ އިކުއިޓޯރިއަލް ހޮސްޕިޓަލުގެ އައިސީޔޫގައި ފަރުވާ ދެމުންދިޔަ ދަރިވަރުވެސް ވޯޑަށް ބަދަލުކޮށްފިއެވެ.
ދިވެހި ފުލުހުންގެ ޚިދުމަތުން މީޑިއާތަކާ ހިއްސާކުރި މެސެޖުގައި ބުނެފައިވަނީ، އައިސީޔޫގައި ފަރުވާދެމުން ދިޔަ ދަރިވަރުވެސް މިހާރު ވޯޑަށް ބަދަލުކޮށްފައިވާ ކަމަށެވެ.
ވޯޑުގައި ތިބި 2 ދަރިވަރުންގެ ހާލުވެސް ރަނގަޅުވަމުން އަންނަކަަމަށް ފުލުހުން މައުލޫމާތު ދެއެވެ.
މި ހާދިސާގައި ޖުމްލަ 32 ދަރިވަރަކު ހޮސްޕިޓަލުގައި އެޑްމިޓްކުރިއިރު، އޭގެ ތެރެއިން 5 ދަރިވަރަކަށް އައިސީޔޫގައި ފަރުވާދީފައިވެއެވެ.
