މޯލްޑިވްސް ބްރޯޑްކާސްޓިންގ ކޮމިޝަނުގެ އައިޓީ އޮފިސަރު ފަޒީލް ވެސް މަޤާމުން ސަސްޕެންޑްކޮށްފި
21 މެއި 2025 | ބުދަ 20:07މައުލޫމާތު ލިބުނުގޮތުގައި ފަޒީލް މަޤާމުން ސަސްޕެންޑްކޮށްފައިވަނީ 07 ދުވަހުގެ މުއްދަތަށް
ބްރޯޑްކާސްޓިން ކޮމިޝަން
މޯލްޑިވްސް ބްރޯޑްކާސްޓިންގ ކޮމިޝަނުގެ އައިޓީ އޮފިސަރު މުޙައްމަދު ފަޒީލް ވެސް މަޤާމުން ސަސްޕެންޑް ކޮށްފިއެވެ.
މައުލޫމާތު ލިބުނުގޮތުގައި ފަޒީލް މަޤާމުން ސަސްޕެންޑްކޮށްފައިވަނީ 07 ދުވަހުގެ މުއްދަތަށެވެ.
ބްރޯޑްކޮމްގެ ސީނިއާރ މުވައްޒަފަހު ނަން ހާމަނުކުރަން ޝަރުތުކޮށް "ރާއްޖެ އެމްވީ" އަށް ބުނެފައިވަނީ ބްރޯޑްކޮމްގެ ސާރވާރއަކީ އިރުއިރުކޮޅާ ޑައުންވެފައި އޮންނަ އެއްޗެއްކަން ކޮމިޝަނަރުންނަށާއި ތަނުގެ ހުރިހާ މުވައްޒަފުންނަށްވެސް ވަރަށް ރަނގަޅަށް އެނގޭނެ ކަމަށެވެ.
އަދި އެތަނުން ދުވާލަކު ދެތިން ފަހަރު ކަރަންޓްވެސް ވެސް ކެނޑޭނެކަމަށާއި އެއީ ހައްލުނުވެ އޮތް، ކޮމިޝަނަރުން ފަރުވާކުޑަކޮށްފައި އޮތް ކަމެއްކަމެއް ކަމަށް ވެސް އޭނާ ވިދާޅުވިއެވެ.
އައިޓީ އޮފިސަރ ފަޒީލް ދުވާލަކު ދެތިން ފަހަރު ސާރވާގެ މަސައްކަތުގައި އަވަދިނެތި އުޅުއްވާ ކަމަށާއި ބުދަ ދުވަހު ސާރވާ ޑައުންވި ވަގުތަކީ މުވައްޒަފުން ހަޅުތާލުކޮށް މަސައްކަތްނުކޮށް ގެއަށްގޮސްފައިވަނިކޮށް ދިމާވިކަމެއް ކަމަށް ވެސް އޭނާ ވިދާޅުވިއެވެ.
އޭނާ އިތުރަށް ވިދާޅުވީ ބްރޯޑްކޮމްގެ ސާރވާ ޑައުންވުމާއި ގުޅިގެން ބުދަ ދުވަހު ޕޮލިހުންގެ އެހީގައި އެމަސައްކަތްވެސް ކުރިކަމުގެ މަޢުލޫމާތު ނޫހުން ފެނިފައިވާ ކަމަށާއި އެމައްސަލައާއި އައިޓީ އޮފިސަރ އާއި ގުޅުވައިގެން އެބޭފުޅާ ސަސްޕެންޑް ކުރުމަކީ ދެރަކަމެއް ކަމެއް ކަމަށެވެ. އަދި އެއީ ސީދާ އިތުރަށް މުވައްޒަފުން ދެރަކޮށް، ނިކަމެތިކޮށް ކޮމިޝަނަރުންގެ ބާރުގަދަ ކަމަށް ދައްކަން ކުރި ވަރަށް ނާތަހުޒީބުކަމެއް ކަމަށް ވެސް އޭނާ ވިދާޅުވިއެވެ.
މީގެ އިތުރުން އެ ފަރާތުން ވިދާޅުވީ މިހާރު ފަޒީލް ޕޮލިހަށް ހާޒިރުކޮށް ބަޔާން ނެގުމަށް ކޮމިޝަނަރުން މަސައްކަތްކުރަމުންގެންދާ ކަމަށާއި އަދިވެސް މުވައްޒަފުންގެ ހުރި ކަންބޮޑުވުންތަކާއި މުވައްޒަފުންނާއި ވާހަކަދައްކައި ޙައްލުހޯދުމުގެ ޤާބިލުކަމެއް އެބޭފުޅުންގެ ނެތްކަމީ ދެރަވަރުކަމެއް ކަމަށެވެ.
އަސްލު އެތަނުގެ ސާރވާރއަކީ އިރުއިރުކޮޅާ ޑައުންވެފައި އޮންނަ އެއްޗެއްކަން ކޮމިޝަނަރުންނަށާއި ހުރިހާ މުވައްޒަފުންނަށްވެސް އިގޭނެ. އެތަނުން ދުވާލަކު ދެތިން ފަހަރު ކަރަންޓްވެސް ދާނެ. އެއީ ހައްލުނުވެ އޮތް، ކޮމިޝަނަރުން ފަރުވާކުޑަކޮށްފައި އޮތް ކަމެއް." ދުވާލަކު ދެތިންފަހަރު އައިޓީ އޮފިސަރު އުޅޭނެ ސާރވާގެ މަސައްކަތުގައި އަވަދިނެތި. މިއަދު ސާރވާ ޑައުންވި ވަގުތަކީ މުވައްޒަފުން ހަޅުތާލުކޮށް މަސައްކަތްނުކޮށް ގެއަށްގޮސަފައިވަނިކޮށް ދިމާވިކަމެއް.ބްރޯޑްކޮމްގެ އޮފިޝަލެއް
ބްރޯޑްކޮމްގެ އައިޓީ އޮފިސަރ ފަަޒީލް ސްސަޕެންޑް ކުރިއިރު، ބުދަ ދުވަހު ވަނީ ބްރޮޑްކާސްޓިން ކޮމިޝަންގެ އެސްޖީ މަރިޔަމް ޒީނިޔާ ވެސް ސަސްޕެންޑްކޮށްފައެވެ. ޒީނިއާ ސަސްޕެންޑް ކުރީ މި މަހުގެ 20 ވީ އަންގާރަ ދުވަހު ހެނދުނު ކޮމިޝަންގެ މެންބަރުން ބޭއްވި ބައްދަލުވުމުގައި އޭނާގެ ސުލޫކީ މައްސަލަތަކެއް ހުރި ކަމަށް ނިންމުމަށް ފަހުއެވެ. ޒީނިޔާ ސަސްޕެންޑްކުރީ 3 ދުވަހުގެ މުއްދަތަކަށެވެ.
