ރަޝިޔާ އިން ޔުކްރެއިން އަށް ޑްރޯން ހަމަލާއެއް ދީފި

ރަޝިޔާ އާއި ޔުކްރެއިންއާ ދެމެދު ކުރިއަށްދާ ހަނގުރާމައިގައި، ރަޝިޔާ އިން ޔުކްރެއިން އަށް އަމާޒުކޮށް ޑްރޯން ހަމަލާއެއް ދީފި އެވެ.

ހޯމަ ދުވަހުގެ ރޭ ރަޝިޔާ އިން ދިން ޑްރޯން ހަމަލާ އަމާޒުކޮށްފައި ވަނީ ޔުކްރެއިންގެ ކަޅުކަނޑުގެ ބަނދަރު ކަމުގައި އޮޑެސާގެ ރިހައިޝީ ސަރަހައްދަށެެވެ. 

އެ ސަރަހައްދުގެ މޭޔަރު ހެނަޑީ ޓްރުކަނޯވް ވިދާޅުވެފައިވާ ގޮތުގައި އެ ހަމަލާ އަމާޒުކޮށްފައި ވަނީ ގިނަ އަދަދެއްގެ މީހުން ދިރިއުޅޭ ސަރަހައްދުގެ އިމާރާތްތަކަށެވެ. 

މި ހަމަލާގެ ސަބަބުން އެތައް އިމާރާތްތަކަކަށް ގެއްލުން ލިބިފައިވާ ކަމަށާއި، އަދި އަލިފާނުގެ ހާދިސާތައް ހިނގާފައިވާ ކަމަށް މޭޔަރު ހާމަކުރެއްވި އެވެ.

ސަރަހައްދުގެ ގަވަރނަރ އޯލެ ކިޕަރ ވިދާޅުވި ގޮތުގައި މި ހަމަލާގެ ސަބަބުން ގޭގެ އަށާއި، ސިވިލް އިންފްރާސްޓްރަކްޗަރ އަދި ތަޢުލީމީ މަރުކަޒުތަކާއި، އުޅަނދު ފަހަރަށް ގެއްލުން ލިބިފައިވެ އެވެ.

ގެއްލުން ލިބިފައިވާ ސަރަަހައްްދަށް މިހާރު ވަނީ އެމަޖެންސީ ޚިދުމަތްތެރިން ފޮނުވާފައި ކަމަށް ވެސް ވަނީ ހާމަކޮށްފަ އެވެ. އަދި އެ ހަމަލާގައި އެއްވެސް މީހަކަށް ގެއްލުމެއް ލިބިފައިވޭތޯ ބަލަމުން އަންނަ ކަމަށް ވެސް ހާމަކޮށްފައިވެ އެވެ. 

އޮޑެސާ އަކީ ތިން ބަނދަރު ހިމެނޭ މުހިންމު ސަރަހައްދެކެވެ. ތިން އަހަރަށް ވުރެ ދިގު މުއްދަތަކަށް ހިނގަމުންދާ މި ހަނގުރާމައިގައި، ރަޝިޔާ އިން ވަނީ މި ސަރަހައްދަށް ތަކުރާރުކޮށް ހަމަލާ ދީފަ އެވެ.