ދުނިޔޭގައި ކުރި ހުރިހާ ހަނގުރާމަތަކުގައި މަރުވި ނޫސްވެރިންނަށްވުރެ އިސްރާއިލުގެ ހަމަލާތަކުގައި މަރުވި ނޫސްވެރިންގެ އަދަދު އިތުރު

އިސްރާއީލުން ޣައްޒާއާ ދެކޮޅަށް ކުރި ހަނގުރާމައިގެ ސަބަބުން ދުނިޔޭގެ ހަނގުރާމައާއި ވިއެޓްނާމް ހަނގުރާމައާއި އެމެރިކާގެ ދާޚިލީ ހަނގުރާމައާއި ޔޫގޯސްލާވިއާގައި ހިނގި ހަނގުރާމަތަކާއި އަފްޣާނިސްތާނުގައި އެމެރިކާ އިން ކުރި ހަނގުރާމައަށްވުރެ ގިނަ ނޫސްވެރިން މަރުވެފައިވާ ކަމަށް އެމެރިކާގެ ތިންކް ޓޭންކުގެ ރިޕޯޓެއްގައި ބުނެފިއެވެ.

އޭޕްރީލް މަހުގެ އެއްވަނަ ދުވަހު ޝާއިއުކުރި މި ރިޕޯޓުގައިވާ ގޮތުން ވޮޓްސަން އިންސްޓިޓިއުޓް ފޯ އިންޓަނޭޝަނަލް އެންޑް ޕަބްލިކް އެފެއާޒް އިން ބުނީ ޣައްޒާއާ ދެކޮޅަށް ހިނގި ހަނގުރާމައަކީ މިހާތަނަށް ރެކޯޑް ކުރެވިފައިވާ މީޑިއާތަކުގައި މަސައްކަތް ކުރާ ފަރާތްތަކަށް ރެކޯޑް ކުރެވިފައިވާ އެންމެ ނުރައްކާތެރި ހަނގުރާމަ ކަމަށެވެ. 2023 ވަނަ އަހަރުގެ އޮކްޓޯބަރު މަހުން ފެށިގެން އިސްރާއީލުގެ ޙަމަލާތަކާއި ޙަމަލާތަކުގައި މިހާތަނަށް 232 ނޫސްވެރިން ވަނީ މަރުވެފައެވެ. މިއީ ހަފްތާއަކު އެވްރެޖްކޮށް 13 ރިޕޯޓަރުންނެވެ.

އެ ރިޕޯޓް ޝާއިއުކުރި ފަހުން އިތުރު ދެ ނޫސްވެރިއަކު ވަނީ މަރާލައިފަ އެވެ. އެއީ މިދިޔަ ހޯމަ ދުވަހު ޝަހީދުކޮށްލި ފަލަސްތީނު ޓުޑޭ ޓީވީ ސްޓޭޝަންގެ ރިޕޯޓަރު ޔޫސުފް އަލް ފަޤާވީ އާއި ފިރިމީހާ އާއި އެމީހުންގެ ދަރިފުޅާއެކު އާދީއްތަ ދުވަހު ޝަހީދުކޮށްލި ފަލަސްތީނުގެ އަންހެން ނޫސްވެރިއެއް ކަމަށްވާ އިސްލާމް މަޤްދާދެވެ.

އިސްރާއީލުން ޣައްޒާގެ ބޮޑު ދެ ހޮސްޕިޓަލެއް ކަމަށްވާ ޚާން ޔުނިސްގެ އަލް-ނަސްރު ހޮސްޕިޓަލާއި މެދުތެރޭގެ ސިޓީއެއް ކަމަށްވާ ދީރް އަލް-ބަލާހްގެ އަލް-އަޤްސާ ޝަހީދްސް ހޮސްޕިޓަލްގެ ބޭރުގައި ހުރި މީޑިއާ ޓެންޓުތަކަށް ރޭގަނޑު ހަމަލާދީ ފަކާވީގެ އިތުރުން ދެ މީހަކު މަރުވެ، ހަ ރިޕޯޓަރުންނާއެކު ނުވަ މީހަކު ޒަޚަމްވެފައިވާ ކަމަށް ޑޮކްޓަރުން ބުނެއެވެ.

އަލް-ނަސްރު ހޮސްޕިޓަލަށް އިސްރާއީލުން ދިން ހަމަލާގެ ހިތާމަވެރި މަންޒަރުތައް އިންޓަނެޓުގައި އާންމުވަމުން އަންނައިރު، ފަލަސްތީނުގެ ނޫސްވެރިޔާ އަހުމަދު މަންސޫރު ހަށިގަނޑުގައި ރޯވެ އަނދަމުންދާތަން މި ވީޑިއޯތަކުން ފެނެއެވެ. އަދި އޭނާ ސަލާމަތް ކުރުމުގެ މަސައްކަތުގައި މީހުން ހަރަކާތްތެރިވާތަން ވެސް މި ވީޑިއޯއިން ފެނެއެވެ.

ޣައްޒާގައި ހުންނަ ފަލަސްތީނުގެ ނޫސްވެރިއެއް ކަމަށްވާ ވައިލް އަބޯ އުމަރު އެކްސްގައި ވިދާޅުވީ އޭނާގެ އެކުވެރިޔާ އަހްމަދު މަންސޫރު [އިސްރާއީލުގެ] މިސައިލްތަކުން އަނދާފައިވާ ކަމަށާއި އަދިވެސް އޮތީ އައިސީޔޫގައި ކަމަށެވެ. އަދި ނާސިރު ހޮސްޕިޓަލުގެ ނޫސްވެރިންގެ ކޭމްޕުގައި އިންނަ ޓެންޓަށް އަމާޒުކޮށް ދިން ހަމަލާތަކުގެ ސަބަބުން ވަރަށް ބޮޑަށް އަނދައިގެން ގޮސްފައިވާ ކަމަށް ވެސް އުމަރު ވިދާޅުވިއެވެ.

ހޮސްޕިޓަލްތަކުން ބުނި ގޮތުގައި އެ ސަރަހައްދުގެ އެކި ސަރަހައްދުތަކަށް ވަކިވަކިން ދިން ހަމަލާތަކުގައި އިތުރު 15 މީހަކު ވަނީ މަރުވެފަ އެވެ. ހަމާސް އިން އެ ތަންތަން އަސްކަރީ ބޭނުމަށް ބޭނުންކުރާ ކަމަށް ބުނެ އިޒްރޭލުން ވަނީ އެކި ފަހަރު މަތިން ހޮސްޕިޓަލްތައް ބަލައި ފާސްކޮށްފަ އެވެ.

އިޒްރޭލުގެ އަސްކަރިއްޔާއިން ބުނީ ހަމާސްގެ ހަނގުރާމަވެރިޔަކަށް ހަމަލާދިނީ އިތުރު މައުލޫމާތެއް ނުދީ ކަމަށެވެ. އަސްކަރިއްޔާއިން ބުނަމުން ދަނީ އާންމުންނަށް ގެއްލުމެއް ނުދިނުމަށް މަސައްކަތް ކުރާ ކަމަށެވެ. އަދި އާންމުން މަރުވުމުގެ ޒިންމާ ހަމާސް ބޮލުގައި އަޅުވާ އިސްރާއިލު އަސްކަރިއްޔާއިން ބުނަމުންދަނީ ހަމާސް ޖަމާއަތުން އާންމުން އައްޑަނައަކަށް ބޭނުން ކުރާ ކަމަށެވެ.

ޣައްޒާގައި ގެއްލުވާލާފައިވާ ނުވަތަ މަރާލާފައިވާ ގިނަ ނޫސްވެރިންނަކީ ފަލަސްތީނުގެ ނޫސްވެރިން ކަމަށް ތިންކް ޓޭންކުން ބުނެފައިވާއިރު، ނޫސްވެރިން މަރާލުމުން "ޚަބަރު ގެނެސްދިނުމަށް ބުރޫއަރާ" ކަމަށާއި، "ނޫސްވެރިންގެ ގަބުރުސްތާނު" ގެ ނަމުން ނަންދީފައިވާ ތަންތަން އުފެއްދުމަށް މަގުފަހިވާ ކަމަށް އިންޒާރު ދީފައިވާ ކަމަށް އެ ތިންކް ޓޭންކުން ބުނެއެވެ.

ވޮޓްސަން އިންސްޓިޓިއުޓް ފޯ އިންޓަނޭޝަނަލް އެންޑް ޕަބްލިކް އެފެއާޒް އިން ބުނެފައިވަނީ އާދަޔާ ހިލާފު ހަމަނުޖެހުންތަކާ ކުރިމަތިލައި އެކަނި ތެދުވެ، ސަރަހައްދީ ރިޕޯޓަރުންނަށް ބޮޑު ނުރައްކަލަކާ ކުރިމަތިލާން ޖެހެނީ އެކަންޏެއް ނޫން ކަމަށެވެ. އަދި މިކަމުގެ ސަބަބުން ޚަބަރުގެ ކަވަރޭޖަށް ބުރޫއަރާ ބައިނަލްއަގުވާމީ ދުނިޔެއަށް ހަބަރުތައް ވާސިލްވުމަށް ހުރަސް އެޅޭ ކަމަށެވެ.