ގައްޒާގައި ޝަހީދުވި މީހުންގެ އަދަދު 50,000 ށް އަރައިފި
23 މާރިޗު 2025 | އާދީއްތަ 16:53މިނިސްޓްރީގެ ބަޔާނުގައި ބުނެފައިވާ ގޮތުގައި، އޮކްޓޯބަރ 7، 2023 ގައި ހަމާސްއިން އިސްރާއީލަށް ދިން ހަމަލާގެ ފަހުން އިސްރާއީލީ ހަމަލާތަކުގައި 113,274 މީހުން ޒަހަމްވެފައިވެއެވެ. ގައްޒާގެ ސިވިލް ޑިފެންސް އޭޖެންސީން ވެސް މި އަދަދުތައް ކަށަވަރުކޮށްދީފައިވެއެވެ.
ޣައްޒާގެ ދެކުނުގައި އޮންނަ ޚާން ޔޫނިސްގައި އިސްރާއީލުން ދިން ބޮމުގެ ހަމަލާއަށް ފަހު ހަލާކުވެފައިވާ އިމާރާތެއްގެ ބައިތަކުގެ ތެރެއިން އާންމުންނާއި ސަލާމަތްކުރާ މީހުން ސަލާމަތްވި މީހުން ހޯދަނީ
ގައްޒާގައި ޝަހީދުވި މީހުންގެ އަދަދު 50,000 އަށް އަރައިފިއެވެ.
ގައްޒާގެ ހެލްތް މިނިސްޓްރީން ހާމަކުރި ގޮތުގައި 2023 ވަނަ އަހަރުގެ އޮކްޓޯބަރ މަހުން ފެށިގެން އިސްރާއީލާއި ދެކޮޅަށް ހިނގަމުންދާ ހަނގުރާމައިގައި މަރުވި މީހުންގެ އަދަދު 50,021 އަށް އަރާފައިވެއެވެ.
މިނިސްޓްރީގެ ބަޔާނުގައި ބުނެފައިވާ ގޮތުގައި، އޮކްޓޯބަރ 7، 2023 ގައި ހަމާސްއިން އިސްރާއީލަށް ދިން ހަމަލާގެ ފަހުން އިސްރާއީލީ ހަމަލާތަކުގައި 113,274 މީހުން ޒަހަމްވެފައިވެއެވެ. ގައްޒާގެ ސިވިލް ޑިފެންސް އޭޖެންސީން ވެސް މި އަދަދުތައް ކަށަވަރުކޮށްދީފައިވެއެވެ.
ޖެނުއަރީ 19 އިން ފެށިގެން ހިނގަމުން އައި ހަމަހިމޭންކަން ނިމުމަކަށް އައުމާއެކު، އިސްރާއީލުން ގައްޒާއަށް ދޭ ހަމަލާތައް އިތުރުކޮށް، އެއްގަމުގެ އޮޕަރޭޝަންތައް އަލުން ފަށާފައިވެއެވެ. އޭގެ ފަހުން ވޭތުވެދިޔަ 24 ގަޑިއިރު ތެރޭގައި މަދުވެގެން 39 މީހުން މަރުވެފައިވާ ކަމަށް ސިއްހީ މިނިސްޓްރީން ބުނެއެވެ.
ބްރިޓިޝް މެޑިކަލް ޖާނަލް 'ދަ ލޭންސެޓް' ގައި ޖެނުއަރީ މަހު ޝާއިޢުކުރި ދިރާސާއެއްގައި ބުނެފައިވާ ގޮތުގައި، ހަނގުރާމައިގެ ފުރަތަމަ 9 މަސް ދުވަހު ގައްޒާގައި މަރުވި މީހުންގެ އަދަދު، ސިއްހީ މިނިސްޓްރީން ހާމަކުރި އަދަދަށްވުރެ 40 އިންސައްތަ މަތިވެދާނެ ކަމަށް ލަފާކުރެވެއެވެ.
މިހާތަނަށް ގެއްލިފައިވާ ކަމަށް ބެލެވުނު 233 މީހުންގެ މަރު މިހާރު ވަނީ ކަށަވަރުވެފައެވެ.
