މުއިއްޒުގެ މޭޔަރު ކަމުގައި ލިޔެކިޔުންތައް ޑިޖިޓަލައިޒް ކުރަން 11 މިލިއަން ރުފިޔާ ކޮންޓްރެކްޓަރަށް ދިނީ މަސައްކަތް ނުނިމެނީސްކަން ފަޅާއަރައިފި
ސިޓީ ކައުންސިލްގެ ލިޔެކިޔުންތައް ޑިޖިޓަލައިޒް ކުރަން ކުންފުންޏަކަށް 11 މިލިއަނަށްވުރެ ގިނަ ރުފިޔާ ދިނީ މަސައްކަތް ނުނިމެނީސް
ރައީސް ޑރ. މުހައްމަދު މުއިއްޒު, މާލޭ ސިޓީ ކައުންސިލުގެ މޭޔަރުކަމުގައި ހުންނެވި އިރު
މިހާރުގެ ރައީސް ޑރ. މުހައްމަދު މުއިއްޒުގެ މޭޔަރު ކަމުގައި މާލޭ ސިޓީ ކައުންސިލްގެ ލިޔެކިޔުންތައް ޑިޖިޓަލައިޒް ކުރަން އަމިއްލަ ކުންފުންޏަކަށް 11 މިލިއަނަށްވުރެ ގިނަ ރުފިޔާ ދީފައިވަނީ އެ މަސައްކަތް ނުނިމެނީސްކަން ފަޅާއަރައިފި އެވެ.
މިކަން ފަޅާއެރީ މައުލޫމާތު ހޯދައި ލިބިގަތުމުގެ ޤާނޫނުގެ ދަށުން ރާއްޖޭގެ އޮންލައިން ނޫހެއް ކަމަށްވާ "ހުރިހާ" އިން ހޯދަން އެދުނު މައުލޫމާތު މާލޭ ސިޓީ ކައުންސިލުން ދިނުމާއި ގުޅިގެންނެވެ.
އަމިއްލަ ކުންފުންޏެއްކަމަށް ބުނާ އެ ކުންފުންޏާއި މަސައްކަތް ހަވާލުކުރީ 1161000 ރުފިޔާއަށް ކަމަށް ސިޓީކައުންސިލުން ބުންޏެވެ. ނަމަވެސް އެ ފައިސާ ދީފައިވަނީ މަސައްކަތް ނުނިމެނީސް ކަމަށް އެ ކައުންސިލުން ބުނެއެވެ.
ދާދިފަހުން ހައުސިންގ މިނިސްޓްރީ ހިންގި އިމާރާތުގައި ހިންގި ނުރައްކާތެރި އަލިފާނުގެ ހާދިސާގައި މާލޭ ސިޓީ ކައުންސިލްގެ ޝެކްޝަނެއް ހިންގި އިމާރާތައް އަލިފާނުގެ އަސަރުކޮށް މާލޭގެ ރައްޔިތުންގެ ގޯތީގެ ރެޖިސްޓްރީ ފަދަ މުހިންމު ލިޔެކިޔުންތައް ވަނީ އަނދައި އަޅިއަށް ވެފައެވެ.
އެހެންކަމުން މިއީ ބައަކަށް ނާޖާއިޒް ގޮތުގައި ގިނަ އަދަދެއްގެ ފައިސާ ދިނުމަށް ހިންގާފައިވާ ބޮޑު ކޮރަޕްޝަނުގެ އަމަލެއްކަމަށް ބެލެވެއެވެ.
ރައީސް މުއިއްޒުގެ މި ވަރިކަމުގައިވެސް މިފަދަ ބޮޑެތި ގިނަ ކޮރަޕްޝަންތަކުގެ މައްސަލަތަކެއް ފެންމަތިވެ، އެމަނިކުފާނަށް މި ކޮރަޕްޝަނުގެ ތުހުމަތުތަކުގެ އިނގިލި ގިނަ ބަޔަކު ދަނީ ދިއްކުރަމުންނެވެ.
