ހުޅަނގު އައްސޭރީގައި އިސްރާއީލުގެ ހަމަލާތައް ފުޅާ ކުރަމުން ދާއިރު ނަސްލު ނައްތާލުމުގެ މަގްސަދު އޮތްކަން ހާމަވާ ކަމަށް ފަލަސްޠީނުގެ ސަރަޙައްދުތަކުގެ އިންސާނީ ޙައްޤުތަކާބެހޭ އ.ދ.ގެ ޚާއްޞަ ރެޕަޓުއަރ ފްރަންސެސްކާ އަލްބަނީސް ވިދާޅުވެއްޖެއެވެ.

އާދީއްތަ ދުވަހު ރިޕޯޓުތަކުގައި ބުނެފައިވަނީ އިސްރާއީލުގެ ބާރުތަކުން ހުޅަނގު އައްސޭރީގެ އުތުރުގައިވާ ތައްމޫނު އަވަށަށް ހަމަލާދީ، ގިނަ އަދަދެއްގެ ފަލަސްޠީނުގެ މީހުން ވަގަށް ނަގައިފައިވާ ކަމަށެވެ.

ރިޕޯޓުތަކުގައި އިތުރަށް ބުނެފައިވަނީ އޮކިއުޕޭޝަން ބާރުތަކުން ރާމަﷲ ސިޓީގެ ހުޅަނގުގައިވާ ޝުޤްބާ ރަށަށްވެސް ވަދެ، އެތަނުގެ ފަލަސްޠީނުގެ މީހުންނާ ދިމާއަށް ބަޑިޖަހައި އަދި ކަރުނަ ގޭސް ޖަހާފައިވާ ކަމަށެވެ.

އަދި މީގެ އިތުރުން އިސްރާއީލުގެ ސިފައިން ޖެނީން ސިޓީގައި 23 ގެ ގޮއްވާލާފައެވެ.

ފަލަސްޠީނުގެ ސަރަޙައްދުތަކުގެ އިންސާނީ ޙައްޤުތަކާބެހޭ އ.ދ.ގެ ޚާއްޞަ ރެޕަޓުއަރ ފްރެންސިސްކާ އަލްބަނީސް ވަނީ ހުޅަނގު އައްސޭރީގައި އިސްރާއީލުން ހިންގަމުންދާ "ޖަރީމާތައް" ކުށްވެރި ކުރައްވާފައެވެ.

އާދީއްތަ ދުވަހު އެކްސްގައި ކުރެއްވި ޕޯސްޓެއްގައި އޭނާ ވިދާޅުވެފައިވަނީ އިސްރާއީލުން ސުންނާފަތި ކުރުމުގެ ދާއިރާ ޣައްޒާ ސްޓްރިޕުން އިތުރަށް ފުޅާކޮށް، ހިފާފައިވާ ފަލަސްޠީނުގެ މުޅި ސަރަޙައްދު ހިމެނޭގޮތަށް ފުޅާކޮށްފައި ކަމަށެވެ.

ނަސްލު ނައްތާލުމުގެ ނިޔަތް ވަރަށް ސާފުކޮށް ފެންނަން އެބައޮތް ކަމަށް ވިދާޅުވަމުން އަލްބަނީސް ފާހަގަ ކުރެއްވި ގޮތުގައި އިސްރާއީލުން މުޅި ފަލަސްޠީނުގެ އާބާދީ އަށް އަމާޒު ކުރުމާއި، ހިފާފައިވާ ފަލަސްތީނުގެ މުޅި ސަރަހައްދަށް އަމާޒު ކޮށްފައިވުން ފާހަގަ ކުރެވޭ ކަމަށެވެ. އަދި އިސްރާއީލުގެ މި އަމަލު ހުއްޓުވަން މާ ގިނަ ދުވަސް ވެއްޖެ ކަމަށް ވެސް އޭނާގެ ޕޯސްޓުގައި ވިދާޅުވިއެވެ.

ހުޅަނގު އައްސޭރީގައި ފަލަސްޠީނުގެ ރައްޔިތުންނާ ދެކޮޅަށް އިސްރާއީލުން ދެމުންދާ އަނިޔާވެރިކަމާ ގުޅޭގޮތުން ފަލަސްޠީނުގެ ރައީސް މަޙްމޫދު ޢައްބާސް ވަނީ އ.ދ.ގެ ސަލާމަތީ މަޖިލީހުގެ (ޔޫއެންއެސްސީ) ކުއްލި ބައްދަލުވުމެއް ބޭއްވުމަށް ގޮވާލައްވާފައެވެ. އިސްރާއީލުން ހިންގާ އަނިޔާވެރި ކަމުގެ މަގްސަދަކީ އެ މީހުންގެ ވަޠަނުން އެ މީހުން ނެރެލުމެވެ.

އިސްރާއީލުގެ "ސިސްޓަމެޓިކް ގޮތެއްގައި އިންފްރާސްޓްރަކްޗަރ ހަލާކުކުރުމުގެ" އަދި "މީހުން މެރުމުގެ ސިޔާސަތު" ގެ ސަބަބުން ފަލަސްޠީނުގެ އެތައް ރައްޔިތުންނެއްގެ ފުރާނަ ގެއްލިފައިވާ ކަމަށް އޭނާ ވަނީ ބާރުއަޅުއްވާ ވިދާޅުވެފައެވެ.

މީގެ އިތުރުން އޭނާ ވަނީ އެމެރިކާގެ ރައީސް ޑޮނަލްޑް ޓްރަމްޕްގެ އިދާރާއަށް އޮކިއުޕައިކޮށްފައިވާ ހުޅަނގު އައްސޭރިފަށާ ދެކޮޅަށް އިސްރާއީލުން ކުރަމުންދާ ހަމަލާތައް ހުއްޓުވުމަށް އެދިވަޑައިގެންފައެވެ.

ފަލަސްޠީނުގެ ރައީސް މަޙްމޫދު ޢައްބާސް ވަނީ އ.ދ.ގެ ސަލާމަތީ މަޖިލީހުގެ (ޔޫ.އެން.އެސް.ސީ) ކުއްލި ބައްދަލުވުމެއް ބޭއްވުމަށް ގޮވާލައްވާފައެވެ. އެއީ ހުޅަނގު އައްސޭރީގައި ފަލަސްޠީނުގެ ރައްޔިތުންނާ ދެކޮޅަށް އިސްރާއީލުން ދެމުންދާ އަނިޔާވެރިކަމާ ގުޅޭގޮތުންނެވެ. އެ އަނިޔާވެރިކަމުގެ މަޤްޞަދަކީ އެ މީހުންގެ ވަޠަނުން އެ މީހުން ނެރެލުމެވެ.

މީގެ އިތުރުން ފަލަސްތީނުގެ ރައީސް ވަނީ ހުޅަނގު އައްސޭރިއަށް އިސްރާއީލުން ދެމުންދާ ހަމަލާތައް ހުއްޓާލުމަށް އިސްރާއީލަށް އެންގުމަށް އެމެރިކާގެ ރައީސް ޑޮނަލްޑް ޓްރަމްޕް އަށް ވެސް ގޮވާލައްވާފައެވެ.