ތަރައްގީ ކުރަން ކަމަށް ބުނެ ވެސްޓް ބޭންކު ގެ ފަލަސްތީނު ރައްޔިތުންގެ ބިމުގެ ބޮޑު ސަރަހައްދެއް އަތުލަން އިޒްރޭލުން ރާވަނީ

ހިފާފައިވާ ފަލަސްތީނުގެ ވެސްޓް ބޭންކުގެ ފަލަސްތީނު ރައްޔިތުން ގެ ބިމުގެ އިތުރު ސަރަހައްދެއް ތަރައްގީ ކުރުމުގެ ގެ ނަމުގައި އިޒްރޭލުން އަތުލަން އުޅޭ ކަމަށް ރިޕޯޓު ތައް ބުނެފި އެވެ.

ރިޕޯޓުތައް ބުނާ ގޮތުން އިޒްރޭލުން ދަނީ ހިފާފައިވާ ވެސްޓް ބޭންކު ގައިވާ ސަބަސްތިއާ ގެ އާސާރީ ސަރަހައްދު ތަރައްޤީ ކުރުމުގެ ނަމުގައި، ފަލަސްޠީނުގެ ރައްޔިތުންގެ ބިމެއްގެ ބޮޑު ބައެއް އަތުލުމަށް ރާވަމުންނެވެ. މިކަމުގެ ސަބަބުން ފަލަސްޠީނުގެ ރައްޔިތުންގެ ޒައިތޫނި ދަނޑުތަކަށާއި އެމީހުންގެ ދިރިއުޅުމަށް ބޮޑެތި ނުރައްކާތަކާ ކުރިމަތިވާނެ ކަމަށް ބެލެވިފައިވެ އެވެ.

މި ނުަރައްކާތެރި ރޭވުމުގެ ދަށުން، ފަލަސްޠީނުގެ ބުރުޤާ އަދި ސަބަސްތިއާ އަވަށުގެ ރައްޔިތުން ގެ ބިމުން ގާތްގަނޑަކަށް 1.8 މިލިއަން އަކަ މީޓަރު ގެ ބިން ހިފުމަށް ވަނީ ނިންމާފައެވެ.

އިޒްރޭލު ސަރުކާރުން ފޮނުވި ނޯޓިހެއްގައި ބުނެފައި ވަނީ، ސަބަސްތިއާ ގެ އާސާރީ ސަރަހައްދު އާންމުން ޒިޔާރަތް ކުރާ ސަރަހައްދަކަށް ހެދުމަށްޓަކައި އެ ބިން އަތުލުމަށް ގަސްދުކުރާ ކަމަށެވެ.

މި ބިމަކީ ފަލަސްޠީނުގެ ރައްޔިތުންގެ އަމިއްލަ މިލްކުވެރިކަމުގެ ދަށުގައި ރަޖިސްޓަރީކޮށްފައިވާ ބިމެކެވެ.

އެ އަމުރު ތަންފީޒު ކުރުމަށް އިއުތިރާޒު ހުށަހެޅުމަށް ރައްޔިތުންނަށާއި ބިމުގެ ވެރިންނަށް 14 ދުވަހުގެ މުއްދަތެއް ވަނީ ދީފައެވެ.

މިއީ އާސާރީ ތަންތަނުގެ ގޮތުގައި މިހާތަނަށް ރެކޯޑު ކުރެވިފައިވާ ބިންތަކުގެ ތެރެއިން އެންމެ ބޮޑު ބިން ހިފުމުގެ އަމަލެވެ.

އިންސާނީ ހައްގުތަކަށް މަސައްކަތް ކުރާ އިޒްރޭލުގެ ޖަމާއަތެއް ކަމަށްވާ "ޕީސް ނައު' އިން ބުނާ ގޮތުގައި، 1967 ވަނަ އަހަރުން ފެށިގެން ވެސްޓް ބޭންކު ގައި އާސާރީ ތަންތަން ތަރައްޤީ ކުރުމުގެ ނަމުގައި ބިން ހިފުމުގެ އަމަލު 5 ފަހަރެއްގެ މަތިން އިޒްރޭލުން ވަނީ ހިންގާފަ އެވެ.