ބިދޭސީންގެ މެދުގައި ހަމަނުޖެހުން ހިނގުން އާއްމުވެފައިވާ ތަންތަން މޮނިޓަރކުރަނީ
25 ޖެނުއަރީ 2025 | ހޮނިހިރު 05:24ގަވާއިދާ ހިލާފަށް އުޅޭ ބިދޭސީންގެ މައްސަލަތައް ފާހަގަކުރެވޭ ނަަމަ އެކަމާއި މެދު ފިޔަވަޅު އަޅާނެކަމަށް އެ އިދާރާއިން ވަނީ ބުނެފަ
އާއްމު ތަންތަން މޮނިޓަރކުރުމުގައި އިމިގްރޭޝަންގެ ޓީމުތައް ހަރަކާތްތެރިވަނީ
އާންމު ތަންތަނަށް އެއްވެ އުޅޭ ބިދޭސީންގެ މެދުގައި ހަމަނުޖެހުން ހިންގުން އާއްމުވާތީ އެ ސަރަހައްދުތައް މޮނިޓާކުރުމުގެ ގޮތުން މޯލްޑިވްސް އިމިގްރޭޝަންގެ އޮފިސަރުން ހަރަކާތްތެރިވާން ފަށައިފިއެވެ.
އެކަން ހާމަކޮށް އިމިގްރޭޝަނުން އެކްސްގައި ކުރި ޕޯސްޓެއްގައި ބުނީ "އާންމު ސަރަހައްދުތަކަށް އެއްވެ އުޅޭ ބިދޭސީންގެ މެދުގައި ފަހަކަށް އައިސް އާންމު މަސްލަހަތު ގެއްލޭ ކަންކަން ހިންގަމުންދާތީ" އެކަން ބަލަމުންދާ ކަމަށެވެ.
އެގޮތުން އިމިގްރޭޝަންގެ އެންފޯސްމަންޓް އެންޑް ކޮމްޕްލަޔަންސް ޑިވިޝަންގެ އޮފިސަރުން ދަނީ އެފަދަ ތަންތަން މޮނިޓަރކުރަމުން ކަމަށް ވަނީ ބުނެފައެވެ.
އިތުރަށް އިމިގްރޭޝަނުން ބުނެފައި ވަނީ އާންމު މަސްލަހަތަށް ނުރައްކާވާ ފަދަ އަމަލުތައް ތަކުރާރުވިޔަ ނުދިނުމަށް އެ އިދާރާއިން ފިޔަވަޅުތައް އަޅާނެ ކަަމަށެވެ.
އެގޮތުން މިފަދަ ކަންކަން ހިނގާ ތަންތަން މޮނިޓާކުރުން ސިލްސިލާކޮށް ކުރިއަށް ގެންދާނެ ކަމަށް ވަނީ ފާހަގަކޮށްފައެވެ.
މީގެ އިތުރުން ގަވާއިދާ ހިލާފަށް އުޅޭ ބިދޭސީންގެ މައްސަލަތައް ފާހަގަކުރެވޭ ނަަމަ އެކަމާއި މެދު ފިޔަވަޅު އަޅާނެކަމަށް އެ އިދާރާއިން ވަނީ ބުނެފައެވެ.
