ތަޖުރިބާ އިން ފިލާވަޅު ލިބި ގަންނަން ޖެހޭ: އަލޮންސޯ

އެންމެ މަތީ ފަންތީގައިި ވާދަކުރަމުން އަންނައިރު، އަބަދު ވެސް ތަޖުރިބާ އިން ފިލާވަޅު ލިބި ގަންނަން ޖެހޭ ކަމަށް، ޖަރުމަނުގެ ބަޔާ ލެވަކޫސަނަށް އިރުޝާދު ދެމުން އަންނަ ޒަބީ އަލޮންސޯ ބުނެފި އެވެ.

އޭނާ މިހެން ބުނީ ޔުއެފާ ޗެމްޕިއަންސް ލީގުގައި ސްޕެއިންގެ އެތުލެޓިކޯ މެޑްރިޑު އަތުން ލެވަކޫސަން ބަލިވި މެޗަށްފަހު ނޫސްވެރިންނާ ވާހަކަ ދައްކަމުންނެވެ. އެ މެޗުގައި ލެވަކޫސަން އިން ލަނޑު ޖަހައި ކުރި ހޯދާފައި ވަނިކޮށް، އެތުލެޓިކޯ އިން ވަނީ ފަހަތުން އަރައި ދެ ލަނޑު ޖަހައިގެން އެ ޓީމު ބަލިކޮށްފަ އެވެ.

އެ މެޗަށްފަހު ވާހަކަ ދައްކަމުން އަލޮންސޯ ބުނީ، ބައެއް ޙާލަތަތްތަކުގައި ހަމައެކަނި ފުޓުބޯޅަ "ކުޅޭ" ވާހަކަ ނުދެއްކޭނެ ކަމަށެވެ. އޭނާ ބުނީ ބައެއް ޙާލަތްތަކުގައި ފުޓުބޯޅަ ކުޅުމުގައި ވިސްނުން ކުރިއަށް ނެރެން ޖެހޭނެ ކަމަށެވެ. ނަމަވެސް އެތުލެޓިކޯ މެޗުގައި ލެވަކޫސަންގެ ކުޅުންތެރިންގެ ފަރާތުން ވިސްނުންތެރި ކުޅުމެއް ނުފެނުނު ކަމަށް ވެސް އަލޮންސޯ ވަނީ ބުނެފަ އެވެ. އެކަން ފާހަގަކޮށް އަލޮންސޯ ބުނީ ވާދަވެރި މެޗުތަކެއްގައި ކުޅެން ބޭނުންވާ ނަމަ، ލެވަކޫސަން އިން އެކަން ރަނގަޅު ވެސް ކުރަން ޖެހޭނެ ކަމަށެވެ.

މީގެ އިތުރުން އަލޮންސޯ ބުނީ، ވާދަވެރި ފެންވަރެއްގައި ކުޅެން ބޭނުންވާ ނަމަ، ތަޖުރިބާ އިން ފިލާވަޅު ވެސް ޙާސިލު ކުރަން ޖެހޭ ކަމަށެވެ. ޚާއްސަކޮށް ބަލިވާ މެޗުތަކުން ލިބޭ ތަޖުރިބާ އަށް ބަލައި، އެކަމުން ފިލާވަޅު ލިބިގެން ކުރިއަށް ދާން މަސައްކަތް ކުރަން ޖެހޭ ކަމުގައި ވެސް އޭނާ ބުންޏެވެ. އެ ނޫން ނަަމަ، ކުރިއަށް ދިޔުމުގައި އަބަދު ވެސް ދަތިތަކާއި، ނުވަތަ ގޮންޖެހުންތަކާ ކުރިމަތިލާން ޖެހޭނެ ކަމުގައި ވެސް އަލޮންސޯ ބުންޏެވެ.

އެތުލެޓިކޯ މެޗުން މޮޅޫވެ. ލީގު ތާވަލްގައި ކުރިއަށް ޖެހިލުމުގެ ފުރުސަތު ވެސް ލެވަކޫސަނަށް އޮތެވެ. ނަމަވެސް މެޗުން ބަލިވެ ލެވަކޫސަން އޮތީ ލީގު ތާވަލްގެ ހަ ވަަނައިގަ އެވެ. އެއީ މިހާތަނަށް އެ ޓީމު ކުޅެފައިވާ ހަތް މެޗުން 13 ޕޮއިންޓާ އެކު އެވެ. ހަތަރު މެޗުން ލެވަކޫސަން މޮޅުވެފައިވާއިރު، ދެ މެޗުން ވަނީ ބަލިވެފަ އެވެ. އަދި އެއް މެޗުން އެ ޓީމު ވަނީ އެއްވަރުވެފަ އެވެ.