ކ. މާލެ
|
29 ޖެނުއަރީ 2017 | އާދީއްތަ 03:57
ދިވެހި އަންހެން ވޮލީ ޓީމުގެ ކޯޗު އަދީލް ކުޅުންތެރިންނަށް އިރުޝާދު ދެނީ
ދިވެހި އަންހެން ވޮލީ ޓީމުގެ ކޯޗު އަދީލް ކުޅުންތެރިންނަށް އިރުޝާދު ދެނީ
މުހައްމަދު ޝަރުހާން
ވޮލީބޯލް
ރާއްޖެއަށް މަދުވީ ބައިނަލް އަގްވާމީ މެޗުތަކުގެ ތަޖުރިބާ: އަދީލް
 
ރާއްޖޭގެ ޓީމުގެ ފަރާތުން ރަނގަޅު ހަމަލާތަކެއް ފެނިގެންދިޔަ
 
ރާއްޖޭގެ ޓީމަށް ބައިނަލް އަގްވާމީ މެޗު ތަޖުރިބާ މަދު
 
ރާއްޖޭގެ ޓީމު ނޭޕާލާ ދެކޮޅަށް ދެއްކީ ގޯސް ކުޅުމެއް ނޫން

ވޯލްޑް ޗެމްޕިއަންޝިޕް އަންހެން ވޮލީބޯޅަ މުބާރާތުގެ އޭވީސީ ކޮލިފައިން ބުރުގެ ފުރަތަމަ މެޗުގައި ރާއްޖޭގެ ޓީމު ނޭޕާލާ ދެކޮޅަށް ދެއްކީ ގޯސް ކުޅުމެއް ނޫން ކަމަށާއި ރާއްޖޭގެ ޓީމަށް މެޗު ތަޖުރިބާ މަދުވުމުން އުނދަގޫތަކާ ކުރިމަތިވީ ކަމަށް އެޓީމުގެ ކޯޗު އަހްމަދު އަދީލް (ބޭބެ) ބުނެފި އެވެ.

ހުކުރު ދުވަހު ނޭޕާލްއާ ދެކޮޅަށް ކުޅުނު މެޗުގައި ރާއްޖޭގެ ޓީމު ބަލިވެފައިވަނީ ސީދާ ތިން ސެޓުންނެވެ. އެ މެޗުގައި ރާއްޖޭގެ ޓީމުގެ ފަރާތުން ގޯސްތަކެއް ފެނިގެންދިޔަ ނަމަވެސް، ރަނގަޅު ހަމަލާތަކެއް ފެނިގެންދިޔަ އެވެ.

ބޭބެ ބުނީ، އިދިކޮޅު ޓީމުތަކުން މުބާރާތަށް އަންނަނީ ބައިނަލްއަގުވާމީ ގިނަ މެޗުތަކެއް ކުޅެފައި ކަމަށާއި ނޭޕާލްއާ ވާދަކޮށްލެވުނީ ގިނަ ޕްރެކްޓިސްތައް ކުރެވުމުން ކަމަށެވެ. އަދި މުބާރާތަށް ނުކުތްއިރު ތަޖުރިބާގެ މައްސަލަތަކާ ކުރިމަތިލާން ޖެހޭނެކަން އެނގޭ ކަމަށް ވެސް އޭނާ ބުންޏެވެ.

ކޮލިފައިންގެ ފަހު މެޗުގައި އާދިއްތަ ދުވަހު ހަވީރު ރާއްޖެ ނުކުންނަން ޖެހޭނީ އީރާނާ ދެކޮޅަށެވެ. އީރާން ވަނީ މިއަދު ނޭޕާލާ ދެކޮޅަށް މޮޅު ކުޅުމެއް ކުޅެ ސީދާ ތިން ސެޓުން މެޗު ކާމިޔާބުކޮށްފަ އެވެ.

އޭޝިއާގެ ފައިނަލް ބުރަށް ކޮލިފައިވާނީ މިހާރު މާލޭގައި ކުރިއަށްދާ ކޮލިފައިން ބުރުގެ އެއްވަނަ ހޯދާ ޓީމެކެވެ. މިހާރު ރާއްޖެއަށް ވަނީ ކޮލިފައިވުމުގެ އަމިއްލަ ބާރު ގެއްލިފަ އެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް
ގުޅުންހުރި