އިޓާލިއަން ސުޕަ ކަޕްގެ ފައިނަލްގައި އިންޓަ މިލާން އާއި އޭސީ މިލާން
އިޓާލިއަން ސުޕަ ކަޕްގެ އެންމެ ފަހުގެ ޗެމްޕިއަނުންނަކީ އިންޓަ މިލާން އެވެ. ފައިނަލްގައި އޭސީ މިލާނާ ދެކޮޅަށް އިންޓަ މިލާން ނިކުންނާނީ ހޯމަ ދުވަހުގެ ރޭ އެވެ.
ޔުވެންޓަސް އާއި އޭސީ މިލާން ކުޅުނު މެޗުގެ ތެރެއިން
އިޓާލިއަން ސުޕަ ކަޕްގެ ފައިނަލްގައި އިންޓަ މިލާން އާއި އޭސީ މިލާން ބައްދަލު ކުރަން ޖެހިއްޖެ އެވެ.
އިޓާލިއަން ކަޕްގެ ސެމީ ފައިނަލްގެ ފުރަތަމަ މެޗުގައި އިންޓަ މިލާން އިން ވަނީ 2-0ން އެޓަލަންޓާ ބަލިކޮށްފަ އެވެ. މެޗުގައި އިންޓަ އިން އެ ޓީމުގެ ދެ ލަނޑު ވެސް ޖެހީ ދެ ވަނަ ހާފުގަ އެވެ. މެޗުގެ ދެ ވަނަ ހާފު ފަށައިގެން ހަތަރު ވަނަ މިނެޓުގައި އިންޓަ އަށް ލީޑު ނަގައިދިނީ ޑެންޒެލް ޑަމްފްރީސް އެވެ. އޭގެ ފަހުން މެޗުގެ 61 ވަނަ މިނެޓުގައި ޑަމްފްރީސް ވަނީ އިންޓަ މިލާންގެ ދެ ވަނަ ލަނޑެއް ވެސް ޖަހައިފަ އެވެ.
ސެމީ ފައިނަލްގެ ދެ ވަނަ މެޗުގައި އޭސީ މިލާން ނިކުތީ ޔުވެންޓަސްއާ ދެކޮޅަށެވެ. އޭސީ މިލާނުން އެ މެޗު ކާމިޔާބު ކުރީ 2-1 އިންނެވެ. އެއީ މެޗުގައި ޔުވެންޓަސް އިން ލަނޑު ޖަހައި ކުރި ހޯދާފައި ވަނިކޮށް، ފަހަތުން އަރައި ދެ ލަނޑު ޖަހައިގެންނެވެ. މެޗުގެ 21 ވަނަ މިނެޓުގައި ޔުވެންޓަސް އަށް ލީޑު ނަގައިދިނީ ކެނާން ޔިލްޑިޒް އެވެ. ދެ ވަނަ ހާފުގައި މިލާނަށް ލިބުނު ޕެނަލްޓީ ކާމިޔާބުކޮށް ނަތީޖާ ހަމަހަމަ ކޮށްދިނީ ކްރިސްޓިއަން ޕުލިސިޗް އެވެ. އޭހެ ހަތަރު މިނެޓު ފަހުން މިލާނަށް ލީޑު ލިބުނީ ޔުވެންޓަސްގެ ފެޑެރިކޯ ގަޓީ އަތުން ބައި ކޮޅަށް ވަތް ލަނޑުންނެވެ.
އިޓާލިއަން ސުޕަ ކަޕްގެ އެންމެ ފަހުގެ ޗެމްޕިއަނުންނަކީ އިންޓަ މިލާން އެވެ. ފައިނަލްގައި އޭސީ މިލާނާ ދެކޮޅަށް އިންޓަ މިލާން ނިކުންނާނީ ހޯމަ ދުވަހުގެ ރޭ އެވެ. އިންޓަ އިން ވަނީ މިހާތަނަށް އަށް ފަހަރު އިޓާލިއަން ސުޕަ ކަޕް ކާމިޔާބު ކޮށްފަ އެވެ. އެންމެ ގިނަ އިން އިޓާލިއަން ސުޕަ ކަޕް ކާމިޔާބު ކޮށްފައި ވަނީ ޔުވެންޓަސް އިންނެވެ. އެއީ ނުވަ ފަހަރު އެވެ. މިފަހަރުގެ މުބާރާތް ކާމިޔާބުކޮށް، ޔުވެންޓަސްއާ އަރާ ހަމަކުރުމުގެ ފުރުސަތު އިންޓަ މިލާނަށް އޮންނާނެ އެވެ.
