ކ. މާލެ
|
6 ފެބްރުއަރީ 2017 | ހޯމަ 20:48
އިންޓަ ސްކޫލްގެ 14 އަހަރުން ދަށުގެ ޗެމްޕިއަން ޓީމު ތަށި އުފުލާލަނީ
އިންޓަ ސްކޫލްގެ 14 އަހަރުން ދަށުގެ ޗެމްޕިއަން ޓީމު ތަށި އުފުލާލަނީ
އެފްއޭއެމް
އިންޓަސްކޫލް ފުޓުބޯޅަ މުބާރާތް
އިންޓަ ސްކޫލް ފުޓުބޯޅަ މުބާރާތުގައި ބައިވެރިވުމަށް ފުރުސަތު ހުޅުވާލައިފި
 
މި އަހަރު ބާއްވާ މުބާރާތުގައި ބައިވެރިވެވޭނީ ތިން އުމުރުފުރާއަކަށް
 
މުބާރާތުގެ ކުޅުން ފެށޭނީ 16 އަހަރުން ދަށުގެ އުމުރު ފުރާއިން

ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން އިންތިޒާމުކޮށްގެން ބާއްވާ އިންޓަ ސްކޫލް ފުޓުބޯޅަ މުބާރާތުގެ ބައިވެރުވުމުގެ ފުރުސަތު އެފްއޭއެމްއިން ހުޅުވާލައިފިއެވެ.

 

އެފްއޭއެމް އިން ބުނީ މި އަހަރު ބާއްވާ މުބާރާތުގައި ބައިވެރިވެވޭނީ ތިން އުމުރުފުރާއަކަށް ކަމަށާއި، އެއީ 14 އަހަރުން ދަށް، 16 އަހަރުން ދަށް އަދި 18 އަހަރުން ދަށް ކަމަށެވެ.

 

މިއަހަރުގެ މާޗު މަހުގެ 1 ވަނަ ދުވަހު ފެށުމަށް ހަމަޖެހިފައިވާއިރު، މުބާރާތުގެ ކުޅުން ފަށާނީ 16 އަހަރުން ދަށުގެ އުމުރު ފުރާއިންނެވެ. އެއަށްފަހު 14 އަހަރުން ދަށުގެ ކުޅުން ފަށާއިރު، 18 އަހަރުން ދަށުގެ ކުޅުން ފަށާނީ އެންމެ ފަހުންނެވެ.

 

މިއަހަރު އިންޓަ ސްކޫލް މުބާރާތް އެކި އެކި ސްކޫލްތަކުގެ އިތުރުން މަދަރުސާ އަދި ކޮލެޖް ފެންވަރުގެ ތަންތަނަށް ހުޅުވާލެވިފައިވާއިރު، ބައިވެރިވުމުގެ އެންމެ ފަހު ތާރީޚަކީ 16 ފެބްރުއަރީ 2017 ގެ މެންދުރު 2:30 އެވެ. މުބާރާތުގައި ބައިވެރިވުމަށް، ފޯމާއެކު ޓީމް ލިސްޓް ފުރިހަމަކޮށް ފޮނުވަން ޖެހެނީ އެފްއޭއެމް ކަމަށް އެ އިދާރާއިން ވަނީ ބުނެފައެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް