ސޫރިޔާގެ ރައީސްގެ ގަނޑުވަރަށް ހަނގުރާމަވެރިން ވަދެއްޖެ
ސޯޝަލް މީޑިއާގައި ދައުރުވަމުންދާ ވީޑިއޯއެއްގައި މަދުވެގެން ދެ ހަނގުރާމަވެރިއަކު ގަނޑުވަރުގެ ދޮރާށީގައި ތިބެ، ވަޔަށް ބަޑިޖަހަމުންދާ މަންޒަރު ފެންނަ އިރު، ވީޑިއޯ ރެކޯޑުކުރާ މީހާ ބުނަނީ، "އަލްޙަމްދުﷲ، އަހަރެމެން, ރައީސްގެ ގަނޑުވަރުގެ ދޮރާށްޓާ ހަމައަށް ވާސިލްވެއްޖެ" އެވެ.
ސޫރިޔާގެ އިދިކޮޅު ހަނގުރާމަވެރިންގެ ޓޭންކެއް މަގުމަތީގައި ހަރަކާތްތެރިވަނީ
ބައްޝާރު އަލް-އަސަދުގެ ސަރުކާރު ވެއްޓުމަށްފަހު، ސަރުކާރާ ދެކޮޅު ހަނގުރާމަވެރިން އެ ގައުމުގެ ރައީސްގެ ގަނޑުވަރަށް ވަޖެއްޖެއެވެ.
ސޯޝަލް މީޑިއާގައި ދައުރުވަމުންދާ ވީޑިއޯއެއްގައި މަދުވެގެން ދެ ހަނގުރާމަވެރިއަކު ގަނޑުވަރުގެ ދޮރާށީގައި ތިބެ، ވަޔަށް ބަޑިޖަހަމުންދާ މަންޒަރު ފެންނަ އިރު، ވީޑިއޯ ރެކޯޑުކުރާ މީހާ ބުނަނީ، "އަލްޙަމްދުﷲ، އަހަރެމެން, ރައީސްގެ ގަނޑުވަރުގެ ދޮރާށްޓާ ހަމައަށް ވާސިލްވެއްޖެ" އެވެ.
ސޯޝަލް މީޑިއާގައި ދައުރުވަމުންދާ އަނެއް ވީޑިއޯއެއްގައި ފެންނަނީ މީހުން ދިމިޝްގު ގައި ހުރި އީރާނުގެ އެމްބަސީއަށް ވަދެ، އިމާރާތުގައި ހަރުކޮށްފައި ހުރި ބޮޑު ފޮޓޯއެއް ނަގާ މަންޒަރެވެ. އެ ތަސްވީރުގައި ހުރީ އިސްރާއީލުން އަވަހާރަކޮށްލި ހިޒްބުﷲ ގެ ސެކްރެޓަރީ ޖެނެރަލް ހަސަން ނަސްރުﷲ އާއި އެމެރިކާގެ ކުރީގެ ރައީސް ޑޮނަލްޑް ޓްރަމްޕްގެ އަމުރަށް އަވަހާރަކޮށްލި އީރާނުގެ އިސް ސިފައިންގެ ކޮމާންޑަރު ޤާސިމް ސުލައިމާނީ އެވެ.
ބައެއް ރިޕޯޓުތައް ބުނާ ގޮތުގައި އީރާނުގެ އެމްބަސީގެ މުވައްޒަފުން ވަނީ އެމްބަސީ ދޫކޮށް ގައުމަށް އެނބުރި ގޮސްފައެވެ. އެހެން ނަމަވެސް އީރާނުން އެކަން ދޮގު ކުރެއެވެ.
ހަތިޔާރު އެޅި އިދިކޮޅު ގްރޫޕްތަކުން އާދީއްތަ ދުވަހުގެ ފަތިހު އިޢުލާންކުރީ އަލް-އަސަދު "ފިއްލަވައިފި" ކަމަށާއި، "ދިމިޝްގް ސިޓީ މިނިވަންވެއްޖެ" ކަމަށެވެ.
މިލިޓަރީ އޮޕަރޭޝަންސް އެޑްމިނިސްޓްރޭޝަނުން ނޮވެމްބަރު 27 ގައި ފެށި ކުއްލި ހަމަލާތަކުގައި އެމީހުން ގެންދިޔައީ އަސަދު އާ ދެކޮޅަށް ވަރަށް ހަލުއި ކުރިއެރުންތަކެއް ހޯދަމުންނެވެ. މިގޮތުން ޤައުމުގެ ގިނަ ސަރަޙައްދުތަކެއް ކުއްލި އަކަށް ވަނީ ސަރުކާރުގެ ބާރުގެ ދަށުން އަތުލާފައެވެ.
