ޓްވީޓަކުން ކުށްވެރިވި ޒަމާން އަނބުރާ އިއާދަކުރައްވަނީތޯ؟

ދާދި އިހަކަށް ދުވަހެވެ. ފެނިގެން ދިޔަ މަންޒަރަކީ އެމްޑީޕީގެ ސޯޝަލް މީޑިއާ އެކްޓިވިސްޓް ހުސެއިން ޝާފިއު (ތުއްތު) ފުލުހަށް ހާޒިރުކުރި މަންޒަރެވެ. އަދި އެކަމާއި ދެކޮޅަށް ފުލުސް އޮފީސް ކައިރިއަށް އެއްވެ އާއްމުން ޚިޔާލު ފާޅުކުރި މަންޒަރު ވެސް ފެނިގެން ދިޔައެވެ. އެ ދުވަހު ހިތަށް އެރިއެވެެ. ބުރަ މަސައްކަތުން ބަޔަކު ޚިޔާލު ފާޅުކުރުމުގެ ހައްގު ހޯދީ މި ދުވަސް ދެކެންބާވައެވެ؟ ޚިޔާލު ފާޅުކުރުމުގެ މިނިވަންކަން ފުޅާ ދާއިރާއެއްގައި ހޯދާފައި ވަނިކޮށް ސުލްހަވެރިކަމާއި އެކު ޚިޔާލު ފާޅުކުރަން ފުރުސަތު ނުދިނުމަކީ ކިހާ ބޮޑު ބޭއިންސާފެއްތޯއެވެ؟ ސިޔާސީ ގޮތުން ވަކި މަޤްސަދެއް ހާސިލްކުރަން ފުލުހުންގެ ހަކަތަ ޓްވީޓެއް ކުރާ މީހުންގެ ފަހަތުން ހޭދަ ކުރާ މިންވަރަށް އަނެއްކާވެސް ޤައުމުގެ ކަންކަން ބޮއްސުން ލީބާވައެވެ.

އެހެނެއް ނޫނެވެ. ނުރައްކަލެއް އޮތިއްޔާ ހަމަ ބަލަންވީއެވެ. އަނިޔާ އާއި އަޅުގަނޑުވެސް ދެކޮޅެވެ. އެކަމަކު ބަލާ ބަލާވެސް އަނިޔާވެރިކަމަށް ހިތްވަރު ދިން ކަަމަށް އެ ބުނާ ޓްވީޓުގައި އަނިޔާވެރިކަން ރައްދުވާ މީހަކު ބުނެދެވުނު މީހަކު ހަރާމެވެ. އެ ބުނާ ކައްޒާބަކަށް ގޮވައިގެން މާ ބޮޑަށް މީހަކު ކުށްވެރި ވި އިރު އެއީ ކާކުކަން ދެނަހުރި ޝަހްސެއް ނެތެވެ. ތާކުންތާކު ޖެހޭ މޭރުމަކުން ސުވާލެއް ވެސް އެކަމާއި މެދު ނުކުރެވުނެވެ. ތުއްތު ހާޒިރުކުރުމަކީ ސިޔާސީ ކަމެއްކަމަށް ބުނަނީ މިހެންވެގެންނެވެ.

ޝާފިއު ފުލުހަށް ހާޒިރުކުރުމަކީ ސިޔާސީ ކުލަ ޖެހިގެން ހިނގާ ކަމެއް ކަމަށް އެތަނަށް އެއްވި ސިޔާސީ ބޭފުޅުންވެސް ޤަބޫލުކުރައްވާކަން އެ ބޭފުޅުންގެ ވާހަކައިން އެނގެއެވެ. އެކަމުގެ ސަބަބުން ނަޒާހަތްތެރިކަމާއި އެކު ފުލުހުން މަސައްކަތް ކުރާ ކަމާއި މެދު ސުވާލު ކުރަން ފުރުސަތު ލިބުމުގެ ލަދުވެތި ދުވަސްތައް އިއާދަވާކަން އެ ބޭފުޅުން ވެސް ޤަބޫލުކުރައްވައެވެ. އެ އެއްވުމުގައި މަޖިލީހުގެ މިހާރުގެ މެމްބަރުންނާއި މަޖިލީހުގެ ކުރީގެ މެމްބަރުން ބައިވެރިވި އިރު އެ ބޭފުޅުން ވެސް ވިދާޅުވަނީ ޓްވީޓެއްކޮށްގެން މި މިންވަރަށް ކުށްވެރިވުން މިއީ ޚިޔާލުފާޅުކުރުމުގެ މިނިވަންކަމުގައި ފަހަތަށް އެޅި ފިޔަވަޅެއްކަމެވެ.

ނުވިތާކަށް މިއީ ޤާނޫނުއަސާސީ އަށް ބަދަލުގެނެސްގެން ސަރުކާރުން ބޭނުން ވަނީ ޚިޔާލު ފާޅުކުރުން އެއްކޮށް ނައްތާލަންކަން މިހާރު ހާމަވަމުންދާ ކަމަށް ބުނާ ބޭފުޅުން ވެސް މަދެއް ނޫނެވެ. ބައެއް ބޭފުޅުން ވިދާޅުވާގޮތުން މިއީ އަދި ފެށުމެކެވެ. މިއީ އިދިކޮޅު ޕާޓީ އަަށް ބިރު ދައްކާ ސަރުކާރާއި ދެކޮޅަށް ބަސްބުނުން ހުއްޓުވުން ކަމަށް ވެސް ވަނީ ވިދާޅުވެފައެވެ. ފުލުހަށް ހާޒިރުކޮށްގެން ހާސިލްކުރަން ބޭނުންވާކަމަކީ ބިރުވެރިކަން އުފެއްދުން ކަމަށް މެމްބަރުން ވަނީ ފާހަގަކުރައްވާފައެވެ. ޤާނޫނާއި ޤަވައިދުތަކަށް ބަދަލު ގެނެސްގެން ކުރަމުންދާ ކަމަކީ މީޑިއާގެ ކޮންޓްރޯލް ހާސިލްކުރުން ކަމަށް އެ ބޭފުޅުން ވަނީ ފާހަގަކުރައްވާފައެވެ.

މިއީ ސަރުކާރުގެ ވިސްނުން ހުރި މިސްރާބު ކަމަށް ވާނަމަ މިއީ ނުރައްކާތެރި ފާލެެކެވެ. ޓްވީޓެއްކޮށްގެން ދަމާކޫތާފަ ދެއިރު ދެދަޅައަށް ފުލުސް އޮފީހަށް މީހުން ދެމި ޒަމާނެއް ދިވެހިން ދެކުނެވެ. އެއީ އެންމެ ރަނގަޅުކަމެއް ކަމަށް ދެކޭނަމަ އެއީ ސަރުކާރުގެ ވިޔާނުދާ، ނެއެއްގާނީ ވިސްނުމެވެ. އެހެންކަމަށް ވާނަމަ ސަރުކާރުގެ ވިސްނުން ހުރީ ނޫސްވެރިކަމާއި ޚިޔާލުފާޅުކުރުން އެތައްތަނެއް ފަހަތަށް ސޮއްސާލާނެ މޭރުމަކުންނެވެ. ސާފުވާ ކަމަކީ ފެނިގެން އެ ދިޔަ މަންޒަރަކީ މިއީ ޤާނޫނީ ގޮތުން ލިބިފައިވާ ހައްގުތައް ހަނިކުރުމަށް ބާރު ލިބޭ ކަމެއްކަމެވެ. ޓްވީޓެއްކޮށްގެން ކުށްވެރިވާނަމަ ދެން އޮންނާނީ ކޮން ޚިޔާލުފާޅުކުރުމުގެ މިނިވަންކަމެއްތޯއެވެ؟ ޓްވީޓަކުން ކުށްވެރިވި ޒަމާން އަނބުރާ އިއާދަކުރައްވަނީތޯއެވެ؟