އެމްޑީޕީގެ ބޮޑު ޖަލްސާ، ރާއްޖެޓީވީގެ ސޯޝަލް މީޑިއާ ޕްލެޓްފޯމްތަކުން ބެލި މީހުންގެ އަދަދު 2 ލައްކައަށްވުރެ މައްޗަށް

ޤާނޫނުއަސާސީގެ ދިފާޢުގައި ރައްޔިތުންގެ މި ނަމުގައި އެމްޑީޕީން ބޭއްވި ޖަލްސާ، ރާއްޖެޓީވީގެ ސޯޝަލް މީޑިއާއިން ބެލި މީހުންގެ އަދަދު ރިކޯޑް އަދަދަކަށް އަރައިފިއެވެ.

މޯލްޑިވިއަން ޑިމޮކްރެޓިކް ޕާޓީ އެމްޑީޕީން އިންތިޒާމްކޮށްގެން އަންގާރަ ދުވަހުގެރޭ، މާލޭގެ ކާނިވާ ސަރަަހައްދުގައި ބޭއްވި މި ޖަލްސާ ރާއްޖެޓީވީގެ އިތުރުން، ރާއްޖެޓީވީގެ ސޯޝަލްމީޑިއާގެ ޕްލެޓްފޯމްތަކުން ވަނީ ލައިވްކޮށްފައެވެ.

އެގޮތުން ޖަލްސާ ކުރިއަށް ދިއަވަގުތު، ރާއްޖެޓީވީގެ ރަސްމީ އެކްސް އެކައުންޓް މެދުވެރިކޮށް 16،000 މީހުން ޖަލްސާ ވަގުތުން ބަލަމުން ގޮސްފައިވެއެވެ. އެ ޖަލްސާ ނިމުނުއިރު ރާއްޖެޓީވީގެ ރަސްމީ ފޭސްބުކް ޕޭޖުން ވަނީ 1 ލައްކަ އަށްވުރެ ގިނަ މީހުން ބަލާފައެވެ. އަދި ޖަލްސާ ނިމުނު ފަހުން މިހާތަނަށް، ފޭސްބުކް ޕޭޖުން ޖަލްސާ ބެލި މީހުންގެ އަދަދު 182,000 ށް ވުރެ މައްޗަށް ވަނީ ގޮސްފައެވެ. އަދި 10،000ށް ވުރެ ގިނަ މީހުން ކޮމެންޓްކޮށްފައިވާއިރު، 2000ށް ވުރެ ގިނަ މީހުން ވަނީ ރިއެކްޓް ކޮށްފައެވެ. އަދި ރާއްޖެޓީވީ އެކްސްޓްރާ މެދުވެރިކޮށް 11،000 މީހުން ޖަލްސާ ބަލާފައިވެއެވެ.

އެހެންކަމުން މި ޖަލްސާ ލައިވް ކުރި ރާއްޖެޓީވީގެ ސޯޝަލް މީޑިއާ ޕްލެޓް ފޯމްތަކުން، މިހާ ހިސާބަށް ޖަލްސާ ބެލި މީހުންގެ އަދަދު 213،000ށް ވުރެ މައްޗަށް ވަނީ ގޮސްފައެވެ. ފޭސްބުކް ލައިވް އަށް ކޮމެންޓްކުރި 10،000 މީހުންނާއި، ފޭސްބުކް ލައިވްއަށް ރިއެކްޓްކުރި 2000ށް ވުރެ ގިނަ މީހުންނާ އެކު މި ލައިވެ ކަވަރޭޖް ވެގެން ގޮސްފައިވަނީ، ރާއްޖޭގެ މީޑިއާ އަކުން ލައިވްކުރި މިފަދަ ޖަލްސާއެއްގެ ސޯޝަލްމިޑިއާގެ ރިކޯޑް އަކަށެވެ.

މި ޖަލްސާ ބޭއްވުމަށް އިދިކޮޅު ފަރާތްތަކުން އިއުލާންކުރި ހިސާބުން ފެށިގެން މި ޖަލްސާ ހިނގަމުންދިއަ އިރުވެސް ސަރުކާރުން މި ޖަލްސާ އަށް ރައްޔިތުން ދިއަ ނުދިނުމަށް ކުރަމުންދިޔަ ކެމްޕެއިންތަކާ، އަޅަމުންދިއަ ހުރަސްތަކާއެކު ވެސް މި ޖަލްސާ އަށް ވަނީ ގިނަ އަދަދެއްގެ ރައްޔިތުން ހާޒިރުވެފައެވެ.