ޤާނޫނުއަސާސީގެ ދިފާޢުގައި ނުނިކުމެ ސަރުކާރު ޖަވާބުދާރީ ނުކުރެވިއްޖެނަމަ 2028 ވަނަ އަހަރުގެ ރިޔާސީ އިންތިހާބެއް ނުބާއްވާނެ - މީކާއީލް
އާ ހިތްވަރަކާ އެކު ނިކުންނަނީ 2028ގެ ރިޔާސީ އިންތިހާބު މިނިވަން އިންސާފުވެރި ރިޔާސީ އިންތިހާބަކަށް ހެދުމަށް
ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް
ޤާނޫނުއަސާސީގެ ދިފާޢުގައި ނުނިކުމެ ސަރުކާރު ޖަވާބުދާރީ ނުކުރެވިއްޖެނަމަ 2028 ވަނަ އަހަރުގެ ރިޔާސީ އިންތިހާބެއް ނުފެންނާނެ ކަމަށް ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވިދާޅުވެއްޖެއެވެ.
"ގާނޫނުއަސާސީގެ ދިފާއުގައި ރައްޔިތުން" ނަމުގައި އެމްޑީޕީން އަންގާރަ ދުވަހުގެރޭ ކާނިވަލުގައި ބޭއްވި ބޮޑު ޖަލްސާގައި ވާހަކަ ދައްކަވަމުން މީކާއިލް ވިދާޅުވީ ސިޔާސީ ތާރީޚު ދިރާސާކުރައްވާ ބޭބޭފުޅުން ވިދާޅުވަނީ ސަރުކާރެއްގެ ދެމި އޮތުން ގުޅިފައިވަނީ އެންމެ ބޮޑަށް އެ ސަރުކާރެއްގެ އެންމެ ފަހު އަހަރު އިންތިޚާބާ ދިމާކޮށް ކުރާ ކަންކަމަކުންނެއް ނޫން ކަމަށެވެ. ސަރުކާރެއްގެ ދެމި އޮތުން އެންމެ ބޮޑަށް ގުޅިފައިވާ ކަމަށް އެ ބޭފުޅުން ވިދާޅުވަނީ ސަރުކާރެއްގެ އެ ފުރަތަމަ އަހަރު ޢަމަލުތައް ބަހައްޓާ ގޮތުން ކަމަށް އެފަރާތްތަކުން ވިދާޅުވާކަމަށް މީކާއިލް ވިދާޅުވިއެވެ.
މީކާއިލް ވިދާޅުވީ ދިވެހި ރައްޔިތުންނަށް މި ސަރުކާރުގެ ފުރަތަމަ އަހަރު ފެނި ތަޖުރިބާކުރެވިއްޖެ ކަމަށާއި، މި ސަރުކާރު ނިމިއްޖެ ކަމަށެވެ.
މީކާއިލް ވިދާޅުވީ އިންސާނީ ޙައްޤުތަކުގެ ދުވަހުގައި އަނެއްކާވެސް އާ އަޒުމަކާ އާ ހިތްވަރަކާ އެކު ނިކުންނަނީ 2028ގެ ރިޔާސީ އިންތިހާބު މިނިވަން އިންސާފުވެރި ރިޔާސީ އިންތިހާބަކަށް ހެދުމަށް ކަމަށެވެ. މީކާއިލް ވިދާޅުވީ ރިޔާސީ އިންތިހާބަށް ގަޑުބަޑުކުރުމަށް އެ އިންތިހާބު ވަގަށް ނެގުމަށް މި ސަރުކާރުން މިހާރު އިލެކްންސް ކޮމިޝަން އެ ފުށުން މި ފުށަށް ޖަހައި އިލެޝަންސް ކޮމިޝަނަށް އައްޔަންކުރުމަށް ތައްޔާރުވަމުންދާ ވަކިވަކި ފަރުދުން ޖަވާބުދާރީ ކުރުވާނެ ކަމަށެވެ.
މީގެ އިތުރުން މި ސަރުކާރުގެ ކޮރަޕްޝަންގެ ނިވާފަތްގަނޑެއްގެ ގޮތުގައި މިހާރު އޮޕަރޭޓް ކުރަމުންދާ އެންޓި ކޮރަޕްޝަން ކޮމިޝަންގައި ތިއްބެވި މެންބަރުން ބިރު ކަނޑުވާ އެމްޑީޕީން ނިކުންނަނީ ރައްޔިތުންގެ މަންދޫބުން ރައްޔިތުންގެ މަޖިލިސް ސަރުކާރުގެ ގޮނޑިކޮއްކޮ އަކަށް ވެފައި އޮތް ރައްޔިތުންގެ މަޖިލިސް އަނެއްކާވެސް ރައްޔިތުންނަށް ހޯދައިދޭން ކަމަށެވެ.
