ހޮނިހިރު ދުވަހު އިޒްރޭލުން ޣައްޒާގައި 19 މީހުން ޝަހީދު ކޮށްލައިފި
އިޒްރޭލުގެ ހަމަލާތަކުގައި 40 ށް ވުރެ ގިނަ މީހުން ވަނީ ޒަޚަމްވެފައި
ރާއްޖެ އެމްވީ | 23 ނޮވެމްބަރު 2024 | ހޮނިހިރު 09:08
22 ނޮވެމްބަރު 2024 ގައި އިޒްރޭލުން ޣައްޒާ އަށް ބޮން އަޅާ ފުނޑުކޮށްލި އިމާރާތެއްގެ ފަލަސްތީނު ބަޔަކު ޗެކް ކުރަނީ
ހޮނިހިރު ދުވަހު އިޒްރޭލުން ވައިގެ މަގުންނާއި ޓޭންކު ތަކުން ހަމަލާދީ ޣައްޒާ އިން 19 މީހުން ޝަހީދުވެފައިވާ ކަމަށް ޣައްޒާގެ ސިވިލް ޑިފެންސް އޭޖެންސީން ބުނެފިއެވެ.
އޭގެ ތެރޭގައި ކުޑަކުދިން ވެސް ހިމެނެއެވެ.
އެ އޭޖެންސީގެ ތަރުޖަމާނު މަޙްމޫދު ބައްސާލް އޭއެފްޕީއަށް މައުލޫމާތު ދެމުން ބުނެފައިވަނީ "ދަންވަރުން ފެށިގެން އިރު އެރުމާ ހަމައަށް ޣައްޒާ ސްޓްރިޕްގައި އިޒްރޭލުގެ ވައިގެ ހަމަލާތަކުން ހިންގި ތިން ގަތުލުއާންމާއި، އަދި އެ ސަރަޙައްދުގެ ދެކުނުގައިވާ ރަފަހް ގައި ދިން ޓޭންކު ހަމަލާތަކުގެ ސަބަބުން 19 މީހުން މަރުވެ، 40 އަށްވުރެ ގިނަ މީހުންނަށް އަނިޔާވެފައިވާ،" ކަމަށެވެ.
