އިޒްރޭލަށް ހަތިޔާރު ވިއްކުން ހުއްޓުވުމަށް އެމެރިކާގެ ސެނެޓަށް ހުށަހެޅި ބިލެއް ބޭރުކޮށްލައިފި

އިޒްރޭލަށް ހަތިޔާރު ވިއްކުން ހުއްޓުވުމަށް އެމެރިކާގެ ސެނެޓަށް ހުށަހެޅި ގަރާރެއް ބޭރުކޮށްލައިފިއެވެ.

އެމެރިކާ އިން އިޒްރޭލުން ޓޭންކް ވިއްކުން ހުއްޓުވުމަށް ހުށަހެޅި ގަރާރަށް ބުދަ ދުވަހު ނެގުނު ވޯޓެއްގައި 79 މެންބަރުން ވޯޓުދިނީ ހުށަހެޅުނު ގަރާރާ ދެކޮޅަށެވެ. ގަރާރަށް ތާއީދު ކޮށް ވޯޓު ދިނީ 18 މެންބަރުން ނެވެ.

ހަތިޔާރު ވިއްކުން ހުއްޓުވުމަށް ހުށަހެޅުނު އެހެން އިތުރު ދެ ޤަރާރު ވެސް 20 އަށް ވުރެ މަދުން ވޯޓު ލިބިގެން ފާހެއް ނުވިއެވެ.

މިއީ އެމެރިކާ އިން އިޒްރޭލަށް ހަތިޔާރު ވިއްކުމުގެ މުޢާމަލާތަކާ ގުޅޭ ގޮތުން އެމެރިކާގައި މިފަދަ ވޯޓަކަށް ހުށަހެޅުނު ފުރަތަމަ ފަހަރެވެ.

އަނެއްކޮޅުން ޣައްޒާގެ ހަނގުރާމަ ހުއްޓާލުމަށް ގޮވާލާ އަލްޖީރިއާ އިން އދ ގެ ސެކިއުރިޓީ ކައުންސިލަށް ހުށަހެޅި ގަރާރަށް ހުރަސް އަޅާ އިޒްރޭލުގެ ބޮޑު ހިމާޔަތްތެރިޔާ އެމެރިކާއިން ވަނީ އެ ގަރާރު ނާކާމިޔާބު ކޮށްލުވާފައެވެ. 

މިއީ ހުސްވި އަހަރުގެ އޮކްޓޯބަރު މަހުގެ ކުރީކޮޅު އިޒްރޭލުން ޣައްޒާގައި ލޭއޮހޮރުވުމުގެ ހަނގުރާމައިގެ މެޝިން ހިންގި ފަހުން، ވޮޝިންގްޓަނުން ހުރަސް އަޅާ ހުއްޓުވި މިފަދަ ތިންވަނަ ގަރާރެވެ. 

15 މެންބަރުންގެ ސެކިއުރިޓީ ކައުންސިލުގެ 13 ޤައުމެއްގެ މަންދޫބުން މި ޤަރާރަށް ތާއީދުކޮށް ވޯޓު ދިނެވެ. އިނގިރޭސިވިލާތުން ވަކި ކޮޅަކަށް ވޯޓެއް ނުދެއެވެ.