އަދާވާތްތެރި ޢަމަލުތަކާ ދެކޮޅަށް ދިފާޢުވުމުގެ ޙައްޤާއި ޒިންމާ އެ ގައުމަށް އޮތް ކަމަށް އީރާނުން ބުނެފި
އިޒްރޭލުން އީރާނަށް ހަމަލާތައް ދިނުމަށްފަހު، އެ ގައުމުގެ ސިފައިންގެ ފަރާތުން ހޮނިހިރު ދުވަހު އީރާނަށް އިންޒާރު ދެމުން ބުނެފައިވަނީ، އިސްލާމީ ޖުމްހޫރިއްޔާއިން އަލުން ކަންކަން ގޯސްކުރަން ފަށައިފިނަމަ 'ބޮޑު އަގެއް ދައްކަން ޖެހޭނެ' ކަމަށް!
އީރާނުގެ ވައިގެ ދިފާއީ ނިޒާމް
އިޒްރޭލުން އީރާނަށް ދިން ހަމަލާ އާ ގުޅިގެން އަދާވާތްތެރި ޢަމަލުތަކާ ދެކޮޅަށް ދިފާޢުވުމުގެ ޙައްޤާއި ޒިންމާ އެ ގައުމަށް އޮތް ކަމަށް އީރާނުން ބުނެފިއެވެ.
އިޒްރޭލުން އީރާނުގެ އަސްކަރީ އަމާޒުތަކަށް ދިން ހަމަލާތަކަށް ފަހު، އީރާނުގެ ޚާރިޖިއްޔާއިން ހޮނިހިރު ދުވަހު ނެރުނު ބަޔާނުގައި ބުނެފައިވަނީ އިޒްރޭލުގެ ހަމަލާއަކީ ބައިނަލްއަޤްވާމީ ޤާނޫނާ ޚިލާފު އަމަލެއް ކަމަށާއި، އެއާއެކު ތެހެރާނުގެ މައްޗަށް "ސަރަޙައްދީ ސުލްޙަ ދެމެހެއްޓުމުގަ އާއި ސަލާމަތާ ދޭތެރޭ އޮތް ޒިންމާތައް ޤަބޫލުކުރާ" ކަމަށެވެ.
އިޒްރޭލުން އީރާނަށް ހަމަލާތައް ދިނުމަށްފަހު، އެ ގައުމުގެ ސިފައިންގެ ފަރާތުން ހޮނިހިރު ދުވަހު އީރާނަށް އިންޒާރު ދެމުން ބުނެފައިވަނީ، އިސްލާމީ ޖުމްހޫރިއްޔާއިން އަލުން ކަންކަން ގޯސްކުރަން ފަށައިފިނަމަ 'ބޮޑު އަގެއް ދައްކަން ޖެހޭނެ' ކަމަށެވެ.
އީރާނުން ބަދަލު ހިފައިފިނަމަ އިޒްރޭލަށް އެހީތެރިވުމަށް ތައްޔާރަށް އޮތް ކަމަށް އެމެރިކާއިން ބުނެފައިވެއެވެ. ނަމަވެސް އިޒްރޭލުން ދިން މި ހަމަލާ އާ އެކު އީރާނާއި އިޒްރޭލާ ދެމެދު ބަދަލު ކުރަމުންދާ އަސްކަރީ ހަމަލާތައް ނިމުމަކަށް އަންނަންވާނެ ކަމަށް އެމެރިކާއިން ދެކޭ ކަމަށް ވެސް ބުނެފައިވެއެވެ.
އިޒްރޭލުން މި ހަމަލާ ދިނުމުގެ ކުރިން އިޒްރޭލުގެ ސަލާމަތީ ކަންކަން ވަރުގަދަ ކުރަން އެމެރިކާ އިން ވަނީ ގިނަ މަސައްކަތްތަކެއް ކޮށް، ފުޅާ ދާއިރާއެއްގައި އިޒްރޭލަށް އެހީތެރިކަން ފޯރުކޮށްދީފައެވެ.
